Свет
По масакрот во Мексико, момче изодело 23 километри во потрага по помош
Девин Блејк Ленгфорд, американско момче што го преживеа грозоморниот напад што го потресе светот, а за кој се чини дека е извршен од мексикански наркокартел, успеало да скрие шест браќа и сестри во грмушки, а потоа одело 23 километри за да повика за помош.
Во масакрот што се случи во понеделникот на локален пат во мексиканската држава Сонора, на границата со САД, убиено е деветчлено американско мормонско семејство, три мајки и шест деца, во заседа на убијци од наркокартел.
Осум деца, од кои некои се бебиња, го преживеале нападот, во кој беа убиени нивните мајки, но минале низ пекол криејќи се со часови во грмушки, а некои од нив пешачеле со километри барајќи помош, пренесе агенцијата АП.
Кога видел дека мајка му и брат му загинале, Девин ги скрил своите шест браќа и сестри во грмушка и ги покрил со гранчиња за да бидат безбедни додека тој бара помош. Бидејќи не се вратил долго време, неговата деветгодишна сестра го напуштила засолништато за да се обиде да стигне до селото, открива нивната братучетка Кендра Милер.
Девојчето Мекензи Рајн Ленгфорд со часови талкало во мракот сè додека не била пронајдено неколку часа по спасувањето на другите деца.
Децата биле сами повеќе од шест часа. Од снимките на разговорите меѓу спасувачите може да се чуе дека се водела дебата за тешката одлука дали да се ризикуваат уште животи или да се чека пристигнувањето на мексиканската армија.
Напаѓачите стрелале во три возила во кои се наоѓале жртвите, инаку жители на северниот дел од Мексико. Едно од возилата било целосно опожарено.
Нападот го преживеале осум деца, но она што го доживеале во оддалечените планински области на мексиканската држава Сонора речиси не се опишува, нагласува АП.
Пет деца биле повредени толку многу што мексиканските власти ги пренеле преку границата со воен хеликоптер за да добијат лекарска помош во САД.
Трите други деца, кои не се повредени, биле сместени кај членови на семејството во селото Ла Мора.
Мексиканските власти соопштија дека тие, најверојатно, биле жртви на заменет идентитет и дека напаѓачите веројатно сметале оти големото теренско возило ѝ припаѓа на ривалската банда.
Повеќето жители на селото Ла Мора имаат двојно државјанство, американско и мексиканско, и себеси се декларираат како мормони иако официјално не се поврзани со ниту една црква.
Нивните предци, кои биле припадници на одметната мормонска црква, се населиле на северот од Мексико пред повеќе децении.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
„Би-Би-Си“: Европа сака да покаже дека е клучна за договорот за Украина
И покрај неуспехот да се обезбеди прекин на огнот, Европа сега се обидува да му покаже на американскиот претседател Доналд Трамп дека е клучна за мировниот договор што тој го сака, пишува „Би-Би-Си“.
Откако Вашингтон првично ја исклучи ЕУ од своите дипломатски напори, европските лидери сега ќе бидат претставени во поддршка на Володимир Зеленски на утрешниот состанок во Белата куќа. За украинскиот претседател, ова е и можност да го поправи впечатокот по последната, озлогласена посета на Белата куќа и конфликтот со Трамп и неговиот потпретседател Џ.Д. Венс.
Според Би-Би-Си, Европа веќе ја поддржа одлуката на Трамп да го прескокне прекинот на огнот, и останува да се види дали ќе се обидат да го убедат да заземе поцврст став кон Владимир Путин.
Светските медиуми претходно пренесоа дека Зеленски во Вашингтон ќе стигне со тешка артилерија, придружуван од првите луѓе на ЕУ и НАТО.
Свет
(Видео) Зеленски пристигна во Брисел на средба со Урсула фон дер Лајен
Украинскиот претседател Володимир Зеленски пристигна во Брисел, каде што ќе се сретне со претседателката на Европската комисија, Урсула фон дер Лајен, потврди неговиот портпарол.
Таа претходно објави дека ќе им се придружи на Зеленски и на американскиот претседател Доналд Трамп на утрешната средба во Вашингтон.
Zelensky has arrived in Brussels. He is scheduled to meet with European Commission President Ursula von der Leyen today, followed by their participation in an online meeting of the Coalition of the Willing leaders. pic.twitter.com/b6dOpeLLin
— WarTranslated (@wartranslated) August 17, 2025
Регион
Вучиќ: Прашање на ден е кога ќе почнат да убиваат; за 3-4 дена изненадувачки одлуки, ќе го победиме злото
Претседателот на Србија, Александар Вучиќ, се обрати нацијата поради протестите и насилствата на улиците. Тој предупреди дека „прашање на ден е кога ќе почнат да убиваат“, оценувајќи дека „банда владее по улиците“ и државата ќе одговори.
Вучиќ ги обвини демонстрантите за насилства во Валево, Белград и Нови Сад, вклучително и палења и напади врз простории на политички партии и полицијата. Тој оцени дека она што се случуваше во Нови Сад и Ваљево, каде што беа демолирани и запалени просториите на владејачката Српска напредна партија, е тероризам.
На прашање за Мартa Кос и присуството на малолетници на протестите, рече дека недозволиво е рушењето на простории на политички партии и дека одговорноста е кај насилниците, а не кај државата.
Вучиќ уверува дека станува збор контролирани сценарија на хаос, според кои протестите се организирани со цел дестабилизација и поттикнување на изборни барања. Тој најави дека во наредните 3-4 дена ќе следат „изненадувачки одлуки“ на државата и дека за 10 дена ќе бидат приведени сите кои учествувале во нередите.
„Со народот на Србија ќе го победиме ова зло“, заклучи претседателот, истакнувајќи дека државата ќе се спротивстави на внатрешниот хаос и надворешните притисоци.
Млада жена со перница се обиде да ја убие бабата на сопругот – ужас во Ѓорче
Скопското Обвинителство донесе наредба за спроведување истражна постапка против 28-годишна жена осомничена за обид за убиство. Пред два дена, во...
„Ројтерс“ со детали за планот за ставање крај на војната во Украина
Русија би се откажала од помали делови од Украина, а Киев би препуштил поголеми делови од истокот на земјата –...
ВМРО-ДПМНЕ: Фрчкоски добил 200 илјади евра од Еразмус+, наместо младите
ВМРО-ДПМНЕ обвини дека пари од програмата Еразмус+, наменети за образовни проекти за младите, завршувале кај поединци блиски до СДСМ. Во...
Влен: Османи 20 години гради кариера, без проекти за Чаир
Коалицијата „Влен“ го критикуваше Бујар Османи, наведувајќи дека во изминатите 20 години тој градел лична политичка кариера, но не реализирал...
Повеќето пожари изгаснати, под контрола еден – ‘Јасен’ сè уште гори
До 8 часот утринава регистрирани се вкупно 27 пожари на отворен простор, соопшти Центарот за управување со кризи (ЦУК). Од...
Запален штаб, солзавец, шок бомби – масовни протести во Србија
Синоќа имаше смасовни протести во повеќе градови низ Србија, меѓу кои Белград, Ваљево, Милановац, Книќ и Нови Сад. Пред седиштето...
(Вознемирувачко видео) Полицијата на раце носи жена што се обиде да се самоубие скокајќи во Вардар
Денеска (16.08.2025) околу 14 часот во СВР Скопје е пријавено дека во реката Вардар во Скопје, под мостот на ул....
Собранието не ги донесе измените и дополнувањата на Изборниот законик
Собранието денеска во рамки на 66. седница не ги донесе измените и дополнувањата на Изборниот законик со кои требаше да...
Собранието одлучи по скратена постапка да бидат донесени измените и дополнувањата на Изборниот законик
Собранието денеска одлучи по скратена постапка да бидат донесени измените и дополнувањата на Изборниот законик, кои, меѓудругото, го регуралираат учеството...
Им побарал 10.000 евра за да им среди во постапки во Кривичен и Апелационен суд во Скопје
Јавен обвинител од Основното јавно обвинителство за гонење на организиран криминал и корупција донел Наредба за спроведување истражна постапка против...
Левица: Штрајкот во пералната на Клинички центар е аларм за распад на јавното здравство
Штрајкот на вработените во пералната на Клиничкиот центар „Мајка Тереза“ е аларм за целосен распад на јавното здравство, предупредуваат од...
(Видео) Кога во пожар не може пинцгауер, гранка му е мајката: Ангелов со малку шега го покажа херојство на четата на Цветко од Рогачево
Со лопати, стапови, гранки во рацете и светилки на главите седуммина доброволци од Рогачево заедно со екипите на Дирекцијата за...
Лажна дојава за бомба ноќеска на скопскиот аеродром
Ноќеска во 02:41 часот, на телефонскиот број за итни случаи 112 е добиена пријава за поставена бомба во авион кој...
Владимир Путин доби писмо од Меланија Трамп за киднапираните деца за време на војната во Украина
Сопругата на американскиот претседател Доналд Трамп, Меланија, го покрена прашањето за тешката положба на децата во Украина и Русија во...
Трамп и Путин се ракуваа, а во Украина се огласија сирени за воздушен напад преку руските беспилотни летала
Во Анкориџ, Алјаска, со надлетувања на борбени авиони, црвен тепих и слоганот „Стремеж за мир“, американскиот претседател Доналд Трамп го...
Трамп и Путин не постигнаа договор за прекин на војната во Украина
Претседателите на САД и Русија, Доналд Трамп и Владимир Путин, не постигнаа договор за прекин на војната во Украина по...
(Видео) Прашањето за цивилите, возењето во лимузината и ракоплескањето во фокус во јавноста по стартот на средбата меѓу Трамп и Путин
За време на средбата во Алјаска, американскиот и рускиот претседател, Доналд Трамп и Владимир Путин, позираа пред собраните фоторепортери. Во...
(Видео) Трамп и Путин на историска средба во Алјаска, состанокот би можел да трае со часови
Претседателите на САД и Русија, Доналд Трамп и Владимир Путин се сретнаа во Алјаска. Откако се поздравија, се ракуваа и...
Трамп: Европа нема да ми каже што да правам, ако состанокот со Путин не е добар – ќе си заминам
Американскиот претседател Доналд Трамп е на пат кон Алјаска каде што ќе има историска средба со рускиот лидер Владимир Путин....
Поднесена кривична пријава против ексдиректорката од Демир Хисар за криење службени печати
Полицијата поднесе кривична пријава против поранешна директорка на средно училиште во Демир Хисар поради одземање или уништување службен печат или...
