Европа
Меркел: Има уште многу работа до целосна рамноправност меѓу мажите и жените

Германската кацеларка, Ангела Меркел, по повод меѓународниот Ден на жената изјави дека „иако многу е постигнато, мора да продолжи борбата за рамноправност помеѓу жените и мажите во Германија и ширум светот“.
„Голем број жени пред нас се жртвуваа и истрајно се бореа за поголеми права на жената… но и понатаму остануваат уште многу работи што треба да се променат“, изјави една од најмоќните жени во светот.
Меркел посочи и дека „има и нови задачи за мажите“, но не прецизира на што мисли.
„Поради тоа, денешниот ден не е само ден кога треба да се осврнеме на достигнувањата, туку и ден на кој кажуваме – продолжува борбата за еднаквост“, наведе германската канцеларка.
Меѓународниот Ден на жената, 8 Март, е востановен во знак на сеќавање на демонстрациите на американските работнички во Чикаго во 1909 година и маршот на повеќе од 15.000 жени во Њујорк, кои бараа пократко работно време, подобри плати и право на глас.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Знамиња со кукасти крстови се појавија во Стокхолм на роденденот на Хитлер, полицијата започна истрага

Три нацистички знамиња со кукасти крстови беа поставени на влезот на автопат во областа Есингеледен во Стокхолм, главниот град на Шведска, на 20 април, на роденденот на Адолф Хитлер.
Портпаролот на полицијата во Стокхолм, Матс Ериксон, изјави дека започнале истрага за злосторство од омраза.
Ериксон нагласи дека не е соодветно да се случуваат такви работи во Шведска. Тој посочи дека на влезовите на автопатите често се појавуваат транспаренти со политички пораки.
„Конкретно активистите споделуваат политички пораки бидејќи тука има густ сообраќај. Не е убаво да се споделуваат такви пораки“, рече Ериксон.
Тој додаде дека нацистичкото знаме најверојатно било поставено за да го одбележи роденденот на нацистичкиот диктатор Адолф Хитлер, кој е роден на 20 април.
Европа
Објавени првите фотографии од телото на папата Франциско: во рацете има бројаница

Ватикан утрово ги објави првите фотографии од телото на папата Франциско. Неговото тело е положено во едноставен дрвен ковчег, со бројаница во рацете, митра на главата и облечен во црвена литургиска одежда, ден откако почина од последиците од мозочен удар во неговиот дом.
Телото на папата Франциско се уште се наоѓа во неговиот дом Санта Марта, каде што тој се опоравуваше откако помина повеќе од еден месец во римската болница Гемели поради билатерална пневмонија.
Според планот, утре, 23 април, среда, телото ќе биде преместено во базиликата Свети Петар за да можат верниците да им оддадат почит.
Европа
Украина: Соборивме 38 руски дронови, лансираа 54

Во текот на ноќта Русија лансираше 54 беспилотни летала, од кои 38 беа соборени, додека останатите 16 не стигнаа до целите. Регионите на Одеса и Киев беа нападнати во текот на ноќта, а во утринските часови започнаа нова непријателска акција, соопшти денеска Авијацијата на вооружените сили на Украина, пренесува УНН.
Според извештајот на Авијацијата на вооружените сили на Украина, Русите синоќа нападнале со 54 нападни беспилотни летала (UAV), а зоните за лансирање биле Милерово, Курск, Брјанск, Приморско-Ахтарск (Русија) и Чауда (Крим).
Воздушниот напад е одбиен со помош на воздухопловните сили, противавионски ракетни единици, опрема за електронско војување и мобилни огнени групи на украинската одбрана, соопштија тие.
До 9 часот потврдено е дека биле соборени 38 нападни беспилотни летала Шахед на истокот, северот, југот и центарот на земјата, објави Военото воздухопловство на социјалните мрежи.
„Поради непријателскиот напад беа погодени регионите на Одеса и Киев“, се вели во извештајот.
„Нов бран руски напади започна во 8 часот! Групи ударни беспилотни летала влегуваат од север над областа Суми“, нагласија од воздухопловните сили на вооружените сили на Украина.