Свет
Мигрантка вработена кај Трамп: Уморна сум од навреди и злоставувања

Илегална мигрантка која работела како чистачка во голф клубот на американскиот претседател Доналд Трамп, раскажува дека во клубот има вработени голем број мигранти. Викторина Моралес за „Њујорк тајмс“ раскажува дека повеќе од пет години ги местела креветите на Трамп, му ги чистела тоалетите, како и трофеите кои ги добивал на голф турнирите, пишува „Њујорк тајмс“.
Моралес (45), која во САД дошла илегално уште во 1999 година, рекла дека не е единствена која е вработена во клубот на Трамп. Покрај неа има и други илегални мигранти. Една од нив е и Сандра Дијаз, со потекло од Костарика, сега легално престојува во САД, но од 2010 до 2013 година работела во Бедминстер како чистачка, во период кога немала пријавен и одобрен престој.
„Тој е многу педантен во се. Ако стигне ненајавен, сите полудуваат. Трамп испитува се и коментира“ рекла Дијаз. Додала дека еднаш кога тој бил задоволен со нејзината работа, и` дал 100 долари.
Моралес ја повредиле коментарите на Трамп, откако станал претседател, во кои ги изедначил мигрантите од Латинска Америка со насилните криминалци.
„Коментарите беа еднакво злобни како оние кои ги слушав на работа. Надзорникот ме злоставуваше со коментари за мојата интелегенција и миграцискиот статус“ рекла Моралес.
„Уморна сум од злоставувања, навреди и начини на кои Трамп зборува за нас, додека ние работиме за тој да заработи пари. Се потиме за да ги исполниме неговите потреби и замисли и треба да трпиме понижувања“ додала таа. Моралес на работа во БЕдминстер заработува 13 долари на час.
Моралес и Дијаз проговориле за „Њујорк тајмс“ во договор со нивната адвокатка Анибал Ромер, која ги застапува на суд за миграциски прашања. Моралес е свесна дека поради разговорот со новинари би можела да биде депортирана, па поднела барање за азил. Во тек е и тужба за злоставувања и дискриминација на работното место.
Од голф клубот на Трамп не сакаа да коментираат премногу за тврдењата на двете вработени.
„Имаме десетина илјади вработени и многу строга селекција кај вработувањата. Ако некој дал лажна документација, ќе добие моментален отказ“ стои во нивниот одговор. Белата куќа воопшто не дала коментар за овој случај.
Трамп во неговата кампања тврдеше дека со сите сили ќе забрани илегален влез на мигранти и нивно вработување.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Свлечишта, поплави, изолирани села во делови од Италија

Во италијанскиот регион Комо обилните дождови предизвикаа свлечишта и поплави, кои го погодија и центарот на градот Комо, објавува денес „Анса“.
Le immagini dal drone dell'enorme voragine che si è aperta lungo la Sp38, tra Cantù e Alzate Brianza, dopo la forte ondata di maltempo che si è abbattuta sulla provincia di Como nella giornata di lunedì 22 settembre. pic.twitter.com/IPzODbMqtv
— Local Team (@localteamit) September 23, 2025
Сериозни поплави беа пријавени по полноќ во центарот на градот, каде што локалната полиција ги затвори брегот на езерото и другите главни патишта, кои беа затрупани со кал и остатоци.
🚨 Yesterday France, now it's Italy. Violent storms hit Lombardy near Lake Como, destroying several homes in Blevio.
📹 Anna Graziapic.twitter.com/r02RxzKWLo
— Volcaholic 🌋 (@volcaholic1) September 22, 2025
Ситуацијата е повторно критична во некои општини на брегот на езерото, кои веќе беа погодени во претходните часови, почнувајќи од Фаџето Лари и Блеви на источниот брег на езерото Комо, кои беа погодени од поплави, до Блеви, каде што ново свлечиште изолира неколку села, од кои триесетина луѓе беа раселени.
Пожарникарите одговорија на стотици повици, а ситуацијата е критична на сите патишта во оваа покраина.
Фото: принтскрин
Свет
Меланија Трамп одбила средба со сопругата на Зеленски

Сопругата на американскиот претседател Доналд Трамп, Меланија, одбила официјално да се сретне со првата дама на Украина, Олена Зеленска, за време на нејзиниот престој во Њујорк, пренесуваат медиумите.
Како што објави Марко Бекман, виш советник на сопругата на американскиот претседател, Меланија Трамп ќе ја поздрави Зеленска од учтивост, но без формална средба.
„Зеленска неколкупати стапи во контакт со Меланија за да организира средба. Но, нема да има билатерална средба, ништо официјално. Бидејќи нашата прва дама е многу љубезна, таа денес ќе ѝ се јави и ќе ја поздрави. Но, нема да има суштински разговор, нема средба“, рече Бекман.
Одлуката на Меланија Трамп се толкува како сигнал за дистанцирање од раководството на Киев во чувствителен момент за американско-украинските односи.
Фото: принтскрин
Свет
Германскиот министер за надворешни работи: Европа е многу посилна од Русија

Германскиот министер за надворешни работи Јохан Вадефул изјави дека Европската Унија е должна да преземе поголема одговорност во поддршката на Украина по промената на ставот на претседателот на Соединетите Американски Држави, Доналд Трамп, за украинскиот конфликт.
Во интервју за радиото „Дојчландфанк“, Вадефул изјави дека е потребно да се забрза исполнувањето на ветувањата што европските земји веќе му ги дадоа на Киев.
„Можеме да постигнеме многу повеќе. Не сите европски земји сè уште ги исполнија своите ветувања кон Украина. Мора да видиме какви други финансиски и воени капацитети имаме“, истакна тој.
Според него, Европа е многу посилна од Русија и затоа има потенцијал да обезбеди дополнителна помош. Германското Министерство за надворешни работи во посебно соопштение нагласи дека зборовите на Трамп го покажуваат неговото незадоволство од недостигот на напредок во мировните преговори.
Американскиот претседател претходно изјави дека Украина, со поддршка на ЕУ, е подготвена да ги врати териториите што ги изгуби, но и дека оди уште подалеку. Тој нагласи дека САД ќе продолжат да го снабдуваат НАТО со оружје, со порака дека сојузниците ќе располагаат со овие средства според сопствените одлуки, вклучително и понатамошен трансфер во Украина.
Фото: принтскрин