Свет
Милиони животни загинаа во пожарите во Австралија

Во пожарите кои веќе со недели траат во Австралија загинаа милиони животни, а стотици илјади се загрозени.
Страдаа диви и домашни животни при што најмногу се загрозени дивите, кои се изложени на голем ризик од изумирање, објавија австралискиот портал „9њуз“.
Директорката на организацијата „Дивиот живот на Викторија“, Меган Дејвидсон, изјави дека точниот број животни кои настрадаа во пожарите можеби никогаш нема да се знае.
„Опасноста не е помината. Спасувачките тимови се беспомошни. Во следните денови многу животни ќе настрадаат од глад и стрес“, рече таа.
Загрозени се и многу птици меѓу кои и ретки видови.
Во пожарите во Австралија досега загинаа најмалку 18 луѓе, а надлежните предупредија на влошување на временските услови в сабота поради јачината на ветровите и зголемени температури. Досега изгореа околу пет милиони хектари земја, и повеќе од 1.300 домови се уништени.
Поради чадот од пожарите, квалитетот на воздухот во Канбера е најлош во светот во индексот на рангирање, а ветровите го носат чадот и кон Нов Зеланд.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Турист падна во базен откако му се откопча падобранот за време на парасејлинг во Црна Гора

Турист доживеа опасен инцидент за време на парасејлинг во Бечичи, откако поради силен ветер му се откопча падобранот.
Снимка од инцидентот кој можел да заврши трагично беше објавена на популарната страница Подгорички времеплов, со опис:
„Туристот имал многу среќа што поминал без повреди. Имено, станува збор за странски државјанин кој во Бечичи останал неповреден кога поради силен ветер се откопчал падобранот што го влечел глисер. Туристот паднал во базен. Станува збор за адреналинскиот спорт парасејлинг.“
View this post on Instagram
Полицијата, според досегашните информации, не добила пријава за овој инцидент.
Свет
(Видео) Огромни поплави во Пекинг, триесет загинати

Триесет лица загинаа вчера во Пекинг кога обилни врнежи ја погодија кинеската престолнина, јави денес официјалната новинска агенција.
Смртни случаи се регистрирани во планинските северни окрузи на Пекинг – 28 во Мијун и двајца во Јанќинг. Државните медиуми не прецизираа на кој начин луѓето загинале. Обилните врнежи почнале за време на викендот и вчера се засилиле околу Пекинг и околните провинции. Во северните окрузи на главниот град наврнале до 543,4 мимиметри врнежи, објави државната агенција.
#WATCH 30 people were killed after the mountain torrents in #Beijing. #miyun #flood pic.twitter.com/kYsEkllAmY
— Ifeng News (@IFENG__official) July 29, 2025
Поради дождот, Пекинг пресели 80.322 жители, соопшти новинската агенција Синхуа. Патиштата и комуникациската инфраструктура се оштетени, а 136 села останале без струја од полноќ.
Доцна синоќа, кинескиот претседател Си Џинпинг нареди сопфатна потрага и спасување со цел да се намали бројот на жртви на минимум. Пекинг вчера издаде предупредување за врнежи и поплави од највисок степен и ги советуваше граѓаните да не ги напуштаат своите домови.
Свет
Северна Кореја: Вашингтон да ја прифати реалноста дека состојбата е сменета

Северна Кореја смета дека желбата на САД за дијалог со неа ќе остане само „надеж“ сè додека Вашингтон не успее да ја прифати реалноста дека состојбата се изменила од времето на претходните самити меѓу двете земји, пренесе државната агенција „КЦНА“.
Ким Јо-џонг, моќната сестра на севернокорејскиот лидер Ким Џонг-ун, за која се верува дека зборува во име на својот брат, рече дека признава оти личниот однос меѓу Ким и американскиот претседател Доналд Трамп „не е лош“.
Но, ако Вашингтон има намера да го искористи тој личен однос како начин за ставање крај на севернокорејската нуклеарна програма, таквиот напор ќе биде само предмет на „исмевање“, изјави Ким Јо-џонг во соопштение пренесено од „КЦНА“.
Американскиот претседател Доналд Трамп останува отворен за соработка со севернокорејскиот лидер Ким Џонг-ун со цел целосно укинување на севернокорејската нуклеарна програма, изјави вчера функционер од Белата куќа, откако Северна Кореја рече дека го отфрла секој обид за оспорување на нејзиниот статус на нуклеарна држава.