Свет
Министерот за одбрана: Франција нема да испраќа војници во Украина

Не може да стане збор за испраќање војници со цел да учествуваат во конфликтите во Украина, изјави францускиот министер за одбрана Себастиен Лекорно за радиото RMC.
„Сакавме да ги информираме нашите сојузници што друго можеме да направиме, се разгледуваа различни хипотези, но не и за испраќање на војска да учествува во борбите, како што некои го толкуваа. Францускиот претседател Емануел Макрон изјави дека нема да бидеме соучесници во овој конфликт. Но, дали на тоа поле сме пробале се? Има ли други патеки кои не се испробани?“, прашува Лекорн.
Тој изјави дека пред се станува збор за западно воено присуство за деминирање и обука на украински војници на територијата на Украина.
На крајот на февруари, Макрон, по конференцијата за поддршка на Киев, изјави дека лидерите на западните земји ја разгледале можноста за испраќање војска во Украина, но дека нема договор за ова прашање и дека ништо не е исклучено во зависност од развојот на ситуацијата, пренесува Спутник.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Возач во Москва удрил во група пешаци, неколкумина повредени

Непознат возач денес удрил со својот автомобил во група пешаци во московскиот округ Останкино, објави рускиот Инфо24. Неколку лица се повредени, соопшти прес-службата на Московскиот државен сообраќаен инспекторат.
„Службениците на Државниот сообраќаен инспекторат ги истражуваат околностите на сообраќајната несреќа на североистокот од главниот град. Според прелиминарните извештаи, возачот на автомобил „Киа“ удрил тројца пешаци на улицата Годовикова во близина на зградата број 3“, соопшти одделот.
Според полицијата, возачот удрил во двајца мажи и една жена додека тие ја преминувале улицата на нерегулиран пешачки премин. Како резултат на несреќата, сите тројца пешаци добиле повреди со различна тежина.
Околностите на несреќата се истражуваат.
фото: принтскрин
Европа
(Во живо) Путин држи говор за светскиот поредок

Рускиот претседател Владимир Путин држи говор на 22-от годишен форум на Меѓународниот дебатен клуб Валдај, што се одржува во Сочи од 29 септември до 2 октомври.
Се очекува тој да ги сподели своите размислувања за новиот систем на меѓународни односи.
На пленарна сесија минатата година, тој ја искористи можноста да го обвини Западот за „невидена геополитичка алчност“ по завршувањето на Студената војна, обвинувајќи го за неговата целосна инвазија на Украина.
Европа
(Фото/Видео) Украинците и Русите разменија затвореници

Украина и Русија извршија нова размена на затвореници, при што 185 украински војници и 20 цивили се вратија дома, објави украинскиот претседател Володимир Зеленски на Телеграм.
„Враќаме дома 185 наши ветерани од руско заробеништво. Сто осумдесет и три се војници и подофицери, а двајца се офицери. Тоа се војници на вооружените сили, Националната гарда и Државната гранична служба. Заедно со нашите ветерани, дома се враќаат и цивили – 20 наши луѓе. Секој сигурно ќе ја добие целата потребна поддршка“, објави Зеленски.
Тој рече дека ослободените учествувале во борбите во Мариупол и Азовстал, како и во нуклеарната централа Чернобил, а повеќето биле држени во заробеништво од 2022 година.
„Им се заблагодаруваме на сите што ги овозможуваат овие размени. Од почетокот на општата инвазија, веќе вративме повеќе од 7.000 наши луѓе дома. Мора да ги вратиме сите и на тоа работиме секој ден“, рече Зеленски.
Претходната размена на затвореници меѓу Украина и Русија се случи на 24 август, кога беа ослободени припадници на вооружените сили, Националната гарда, граничната полиција и цивили – меѓу нив новинарот Дмитро Хилук и поранешниот градоначалник на Херсон, Володимир Миколаенко.
Според руското Министерство за одбрана, размената е извршена во согласност со договорите постигнати меѓу Москва и Киев во Истанбул на 23 јули.
Вкупно 185 руски војници и 20 цивили се вратени од територија контролирана од Украина. Оние што се вратени од украинско заробеништво моментално се во Белорусија, каде што ја добиваат потребната медицинска и психолошка нега.
„Сите вратени руски војници и цивили ќе бидат префрлени во Руската Федерација на лекување и рехабилитација во медицински установи“, соопшти министерството.