Свет
Министерот за финансии на САД: 100 земји би можеле да се соочат со реципрочни царини од 10 проценти

Околу 100 земји веројатно ќе бидат погодени со реципрочна царина од 10 проценти, изјави вчера американскиот министер за финансии Скот Бесент, додавајќи дека очекува „поплава од трговски договори“ пред крајниот рок за договор на 9 јули, по што царините би можеле нагло да се зголемат.
„Ќе видиме како претседателот сака да се справи со преговарачите, дали е задоволен дека преговараат со добра намера“, изјави Бесент за телевизијата Блумберг.
„Мислам дека околу 100 земји ќе добијат само минимална реципрочна царина од 10 проценти, и оттаму ќе продолжи. Затоа мислам дека ќе видиме многу активности во наредните денови“, рече Бесент.
Администрацијата на Соединетите Американски Држави преговара со повеќе од десетина трговски партнери за да се обиде да постигне договори за намалување на царините пред предвидениот рок, вклучувајќи ги Индија, Јапонија и Европската Унија.
Американскиот претседател Трамп претходно објави договор со Виетнам со кој ќе се намалат американските царини за многу виетнамски производи на 20 проценти, во споредба со претходната закана од 46 проценти, при што многу американски производи ќе влегуваат во Виетнам без царина.
Трамп ги суспендираше најавените високи царини за увоз од трговски партнери пред три месеци и даде рок до 9 јули за постигнување договор.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Протести на Алјаска: „Не го сакаме Путин тука“

„Не го сакаме Путин тука. Нека ги повлече своите трупи од Украина. Алјаска стои со Украина“, велат демонстрантите во Анкориџ кои се собраа на улиците пред средбата меѓу Доналд Трамп и Владимир Путин.
🇺🇸🇺🇦 Happening right now: a big pro-Ukrainian rally in Anchorage ahead of the Trump-Putin meeting. “Ukraine and Alaska — Russian never again.” pic.twitter.com/Zx2VKVYW9G
— Ostap Yarysh (@OstapYarysh) August 15, 2025
Во Алјаска беа организирани 16 протести против средбата Трамп-Путин, а во Анкориџ, најголемиот град во оваа федерална држава, на улиците се собраа неколку стотици луѓе, објавува „Анкориџ дејли њуз“. Тие носеа украински и американски знамиња.
фото: принтскрин
Свет
Русија: Се надеваме на продолжување на конструктивните разговори со САД

Рускиот министер за надворешни работи Сергеј Лавров изјави дека Москва се надева на продолжување на „корисните и конструктивни разговори“ со САД.
Лавров рече дека очекува разговорите да продолжат денес во Алјаска. „Никогаш не правиме планови однапред. Знаеме дека имаме аргументи, јасна и разбирлива позиција и ќе ја презентираме“, рече Лавров.
Тој додаде дека многу веќе е постигнато за време на посетата на Стив Виткоф, кој зборуваше во име на претседателот Трамп, и дека за тоа зборувал и претседателот Путин. „Се надевам дека ќе го продолжиме овој конструктивен разговор“, заклучи Лавров.
Свет
Белата куќа го објави распоредот за средбата Трамп-Путин

Белата куќа го објави распоредот за средбата меѓу американскиот претседател Доналд Трамп и рускиот претседател Владимир Путин.
Во 6:45 часот наутро по источно време (11:45 часот наутро по македонско време), американскиот претседател треба да ја напушти Белата куќа за Анкориџ, Алјаска, каде што ќе се одржат разговорите.
Средба
Трамп и Путин треба да ги започнат своите разговори околу 11:00 часот наутро по локално време (21:00 часот по македонско време). Тие ќе се сретнат приватно, со присуство само на нивните преведувачи.
Враќањето на Трамп
Американскиот претседател планира да го напушти Анкориџ и да се врати во Белата куќа околу 17:45 часот по локално време (03:45 часот по македонско време).