Свет
Михаил Подољак: Русите ја менуваат тактиката на напади во Украина

Советникот на украинскиот претседател Володимир Зеленски, Михаил Подољак, истакна вчера дека руската војска ја променила тактиката на ракетниот напад врз Украина и сега таргетираат цивили, пренесува „РБК Украина“.
„Апсолутно е јасно дека има извесна промена во тактиката. Нема сомнеж во тоа бидејќи директно напаѓаат цивили, станбени комплекси или места каде што има многубројно цивилно население“, рече тој.
Според Подољак, Министерството за одбрана на Руската Федерација постигнува неколку цели со оваа промена на тактиката.
Како прво, руската армија сака да предизвика одредени реакции во Украина, кои може да ја забрзаат контраофанзивата за вооружените сили на Украина да тргнат во напад неподготвени.
Москва исто така се надева дека смртта на украинските цивили ќе ги поттикне западните земји да почнат да бараат итни преговори.
„Третата причина е што сакаат да утврдат дали е можно да се нападне не само во правците што ги напаѓаа зимоска и есента, дали е можно да се нападне цивилното население со заобиколување на нашите системи за противвоздушна одбрана. И проверуваат дали целосно сме го затвориле небото или не“, додава Подољак.
Ноќта на 1 мај руските трупи извршија уште еден ракетен напад врз Украина по кој Командата на вооружените сили на Украина соопшти дека собориле 15 од вкупно 18 проектили.
„Во гранатирањето на Павлоград, во областа Днепропетровск, загинаа две лица, 40 се повредени, а оштетени се десетици куќи“, изјави украинскиот претседател, Володимир Зеленски.
Ноќта на 28 април руската армија изврши ракетен напад врз Черкаси и Киев, градови во регионите на Днепропетровск. Според податоците на Вооружените сили на Украина, 21 од 23 проектили биле соборени.
Една ракета погоди повеќекатна станбена зграда во Уман, при што загинаа 23 лица, меѓу кои шест деца.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Макрон повика на зголемен притисок врз Москва за да се стави крај на војната во Украина

Францускиот претседател Емануел Макрон денеска повика на зголемен притисок врз Москва за да се стави крај на војната во Украина, по самитот меѓу американскиот претседател Доналд Трамп и рускиот лидер Владимир Путин во Анкориџ, Алјаска.
Во објава на социјалната мрежа Х, Макрон истакна дека заедно со европските колеги смета оти е неопходно да се одржи притисок врз Русија сè додека нејзината инвазија врз Украина не заврши и не се постигне траен мир што ги почитува правата на Украина.
Тој нагласи дека цврстиот мир мора да биде проследен со непоколебливи безбедносни гаранции.
„Ja поздравувам подготвеноста на СAD да придонесат во овој процес“, напиша Макрон, додавајќи дека за конкретен напредок е потребна нова средба на „Коалицијата на podgotvenite“, алијанса од околу 30 земји предводена од Велика Британија и Франција, која ја поддржува Украина.
Макрон, исто така, повика на извлекување поуки од последните 30 години, особено од „ добро познатата тенденција на Русија да не ги почитува своите обврски“.
Разговорите во Анкориџ меѓу Трамп и Путин беа опишани како продуктивни, но не беа објавени конкретни резултати.
Свет
Орбан вели дека светот е побезбедно место по средбата меѓу Трамп и Путин

Светот е побезбедно место по средбата меѓу американскиот претседател Доналд Трамп и неговиот руски колега Владимир Путин во Алјаска, изјави денеска унгарскиот премиер Виктор Орбан.
„Со години гледавме како двете најголеми нуклеарни сили ја елиминираат рамката на нивната соработка и си испраќаат пораки едни на други“, напиша Орбан на Фејсбук.
Тој додаде дека сега таа практика е завршена.
„Светот денеска е побезбедно место отколку што беше вчера“, рече Орбан.
Светските лидери денес реагираа на самитот меѓу американскиот и рускиот претседател Доналд Трамп и Владимир Путин, а како што објавија медиумите, реакциите беа поделени – некои го критикуваа недостатокот на конкретни резултати, додека други ја нагласија важноста на самиот дијалог.
Свет
Русија во текот на ноќта лансираше 85 беспилотни летала кон Украина

Русија во текот на ноќта лансираше 85 беспилотни летала и една балистичка ракета кон територијата на Украина, објавија утринава украинските воздухопловни сили.
Нападите во текот на ноќта беа насочени кон области на линијата на фронтот во регионите Суми, Доњецк, Чернигов и Дњепропетровск, објавија воздухопловните сили на каналот Телеграм.
Оттаму, исто така, наведуваат дека нивните единици за противвоздушна одбрана уништиле 61 беспилотно летало.
Главниот штаб на украинските вооружени сили објави во својот дневен утрински извештај дека во текот на изминатите 24 часа на линијата на фронтот имало 139 судири со непријателот.
Од друга страна, руските системи за противвоздушна одбрана во текот на ноќта пресретнале и уништиле 29 украински дронови над различни руски региони, вклучувајќи 10 беспилотни летала над Ростовскиот регион, објавија утринава руските медиуми, повикувајќи се на руското Министерство за одбрана.
Американскиот претседател Доналд Трамп и неговиот руски колега Владимир Путин, по нивната вчерашна средба во Алјаска, не споменаа ништо за потенцијален прекин на огнот во војната во Украина.