Елон Маск му возврати жестоко на Питер Наваро, еден од главните советници на актуелниот американски претседател Доналд Трамп, нарекувајќи го идиот.

Зборувајќи за CNBC, Наваро рече дека Маск „не е производител, туку само составувач на автомобили“ кога станува збор за царините и трговијата.

„Маск сака евтини странски делови, а ние сакаме да ги произведуваме дома“, рече Наваро.

Овие коментари очигледно предизвикаа бурна реакција кај шефот на Tesla, кој возврати со навреда на социјалната мрежа X.

PETER NAVARRO ON ELON MUSK:

“We all understand in the White House (and the American people understand) that Elon's a car manufacturer. But he's not a car manufacturer — He's a car assembler.

In many cases, if you go to his Texas plant, a good part of the engines that he gets… pic.twitter.com/mkp1wRGcvX

— Ron Pragides  (@mrp) April 8, 2025

Navarro is truly a moron. What he says here is demonstrably false.

— Elon Musk (@elonmusk) April 8, 2025

„Наваро е навистина морон. Она што тој го кажува овде е бесрамна лага“, напиша Маск.

Претходно Вашингтон пост објави дека Маск лично побарал од Трамп да ги повлече царините, повикувајќи се на два неименувани извори.

Медиумот потсетува дека Маск вчера сподели видео на Х во кое ја поддржува слободната трговија – што се толкува како јасна критика на политиката на воведување на царини на Трамп.

Најмалку 15 лица загинаа, а повеќе од 70 се повредени откако рано утринава се урна покрив на ноќен клуб во Санто Доминго, главниот град на Доминиканската Република, соопшти Центарот за вонредни операции (ЦОЕ).

Директорот за вонредни ситуации рече дека спасувачките екипи ќе бидат на терен се додека постои можност некој да е жив под урнатините.

#DePlaneta | El techo de la discoteca Jet Set, ubicada en Santo Domingo, colapsó esta madrugada durante la presentación del cantante de merengue Rubby Pérez, quien también quedó atrapado entre los escombros. 📹: Cortesía pic.twitter.com/4Cree5HvNl

— Diario El Salvador (@elsalvador) April 8, 2025

Спасувачите се обидуваат со термички сигнали да утврдат колку луѓе се под урнатините.

„За жал, досега имавме 15 смртни случаи. Се надеваме дека ќе најдеме уште многу живи луѓе“, изјави за новинарите Хуан Мануел Мендес, директор на Центарот за итни операции (ЦОЕ), според аргентинскиот портал Infobae.

„Се додека постои надеж дека некој е жив, нашите тимови ќе работат на спасување на тоа лице. Не сме фокусирани на броење тела, ние сме фокусирани на слушање. Сè уште можеме да ги слушаме гласовите на луѓето кои бараат помош. Се додека е жив дури и еден човек, ние ќе бидеме тука”, рече Мендес.

„Нашиот град се буди за страшната трагедија што се случи во ноќниот клуб „Џет Сет“. Моето најдлабоко сочувство до семејствата на жртвите, а нашите мисли се со семејствата кои чекаат вести за своите најблиски“, изјави градоначалничката на Санто Доминго, Каролина Мехија де Гариго.

Досега се спасени и укажана им е лекарска помош 46 лица, соопшти Националната полиција.

Ноќниот клуб, познат по понеделничките забави со локални познати личности, имаше стотици луѓе за време на настапот на популарниот доминикански пејач Рубио Перес.

Екипите на итната помош продолжуваат да трагаат по преживеани додека се истражуваат причините за трагедијата. Исто така, постои сомневање дека пејачот Перез е заробен под урнатините.

На местото на настанот се испратени десетици возила за итни случаи и единици на Националната полиција, Националниот систем за вонредни ситуации и безбедност, пожарникарите, цивилната одбрана и Министерството за одбрана, а се стравува дека во наредните часови бројот на загинати ќе се зголеми поради фактот што неутврден број луѓе се под урнатините.

Тинејџер се бори за живот откако полицијата го застрелала 9 пати во неговиот двор, јавува NBC. Виктор Перез беше ранет пред три дена во својот дом во Покатело, Ајдахо, набргу откако пристигнала полицијата.

Видеото од мобилен телефон го прикажува моментот кога полицајците девет пати застрелаа 17-годишник со психички и физички предизвик, оставајќи го да се бори за живот додека неговото семејство бара одговори. Виктор Перез е ранет пред својата куќа во Покатело, Ајдахо, неколку секунди по доаѓањето на полицијата. Неговото семејство изјави за локалните медиуми дека Виктор во тој момент минувал низ психичка криза и дека имал нож во рацете.

Полицијата сè уште официјално не го идентификувала Виктор Перез, освен што ја потврдила неговата возраст, но неговото семејство го потврдило неговиот идентитет за локалните медиуми. Семејството рече дека Виктор има церебрална парализа, што му го отежнува одењето и дека многу малку зборува англиски.

Телевизијата КИФИ објави дека неговото семејство било информирано дека левата нога му била ампутирана за време на една од трите операции во болницата по пукањето. Виктор е во критична состојба.

На видеото на сведок објавено на Фејсбук се гледа лице кое лежи на тревникот и држи нож во раката. Жената од видеото се обидува да го смири. „Не, не“, вели таа и се обидува да го задржи или да му го одземе ножот. Пристигнува полицијата, а четворица полицајци со пиштоли му викаат на Виктор да го фрли ножот.

Виктор се обидува да стане и оди кон полицијата, која почнува да пука. После тоа се слушаат преплашени крици од членовите на семејството. „Тој има мозок на мало дете. Тој е инвалид. Едвај оди. Луѓето овде можат да ви го потврдат тоа”, изјавила за КИФИ тетката на Перез, Ана Васкез.

Таа додаде дека Виктор иако понекогаш се нервира, знае да се смири. „Секогаш успеваме да го задржиме“, рече таа. Полицијата во соопштение наведува дека била повикана поради пријавена физичка пресметка во која учествувале двајца мажи и една жена, а еден од мажите било пријавено дека е пијан и имал нож.

На прес-конференција синоќа, началникот на полицијата во Покатело, Роџер Шеи, пуштил снимка од повикот до полиција и покажал фотографија од ножот што го држел Виктор. На снимката се слуша јавувачот како вели дека еден човек удира друг со стап.

Шеи рече дека не може да одговори на прашањата на новинарите поради тековната истрага. Пукањето го истражува Работната група за критични инциденти во Источен Ајдахо, со полиција во Покатело.

Шефот на полицијата Роџер Шеи рече дека полицајците постојано му наредувала на Виктор Перез да го фрли ножот. „Тој не го стори тоа, наместо тоа, стана и тргна кон полицајците додека го држеше оружјето“, рече Шеи. „Во тој момент полицијата отвори оган и застана кога тој падна“, додаде тој.

Бранејќи ги постапките на своите службеници, Шеи додаде дека во овие ситуации полицајците треба да донесат одлуки за неколку секунди. Тие ја оценуваат заканата не само за себе, туку и за сите присутни во близина.

„Во овој случај, две лица беа на само неколку метри од вооружен маж кој не ги послуша наредбите. Заканата беше непосредна, а ситуацијата брзо се развиваше“, рече тој.