Свет
Морнариците на Јужна Кореја, САД и Јапонија одржаа противподморнички вежби

Морнариците на Јужна Кореја, САД и Јапонија спроведоа трилатерални противподморнички вежби за првпат по пет години, во услови на тензии поради серијата севернокорејски ракетни тестови.
Вежбите се одржаа во меѓународни води во близина на источниот брег на Корејскиот Полуостров, само еден ден откако Северна Кореја истрела две балистички ракети во морето близу нејзиниот источен брег, а американскиот потпретседател Камала Харис го посети Сеул и силно утврдената граница меѓу двете Кореи.
Вчерашното тестирање беше трето вакво лансирање на Северна Кореја во последните пет дена. Северна Кореја истрела невиден број проектили оваа година.
„ Вежбите се дизајнирани да ја подобрат способноста да се одговори на зголемените подморнички закани на Северна Кореја, вклучително и нејзините балистички ракети лансирани од подморница (SLBMs) во време кога таа претставува нуклеарна и ракетна закана поради серија тестови на балистички ракети“, се вели во соопштението на јужнокорејската морнарица.
Американската морнарица соопшти дека вежбите ќе ја подобрат интероперабилноста и тактичката и техничката координација на трите земји.
Американската и јапонската морнарица, исто така, рекоа дека вежбите се очекува да промовираат „слободен и отворен Индопацифик“, во услови на тензии околу активностите на Кина во тајванската теснина.
Вежби против подморници не се спроведуваат од 2017 година, бидејќи поранешната прогресивна влада на Јужна Кореја се обиде да ги подобри меѓукорејските односи и да ги олесни разговорите за денуклеаризација меѓу Пјонгјанг и Вашингтон, кои се во застој од 2019 година.
Новиот јужнокорејски претседател Јун Сук-Јол, кој ја презеде функцијата во мај, вети дека ќе ја зајакне трилатералната безбедносна соработка со САД и Јапонија за да се спротивстави на растечките закани од Северна Кореја.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Папата апелира за траен прекин на огнот во Газа и ослободување на заложниците

Папата денес упати силен апел до глобалната заедница да го прекине речиси двегодишниот конфликт меѓу Израел и Хамас повикувајќи на траен прекин на огнот, ослободување на заложниците во Газа и обезбедување хуманитарна помош.
„Уште еднаш упатувам силен апел да се прекине конфликтот во светата земја, кој предизвика толку многу терор, уништување и смрт“, рече папата на својата неделна аудиенција во Ватикан.
„Барам ослободување на сите заложници, постигнување траен прекин на огнот, олеснување безбеден влез на хуманитарна помош и целосно почитување на меѓународното хуманитарно право“, рече тој.
Папата не ги именува Израел или палестинската милитантна група Хамас, но рече дека меѓународното право бара „обврска за заштита на цивилите, забрана за колективно казнување, неселективна употреба на сила и присилно раселување на населението“.
Фото: принтскрин
Свет
Стаб: Само притисок може да ја принуди Русија да преговара

Финскиот претседател Александар Стаб изјави дека е потребно да се изврши силен притисок врз Русија за да се постигне напредок во наоѓањето мирно решение за конфликтот во Украина.
По телефонскиот разговор со украинскиот претседател Володимир Зеленски, Стаб напиша на социјалната мрежа X дека „се спроведува планот за сигурна поддршка на безбедноста на Украина“ нагласувајќи дека Киев е подготвен за мир, а „Русија само чека време“.
„Мора да извршиме притисок врз Русија да седне на преговарачка маса“, рече финскиот претседател додавајќи дека Хелсинки, заедно со своите партнери, ќе продолжи да се стреми кон „праведен мир за Украина“.
Еден ден претходно Стаб истакна дека рускиот претседател Владимир Путин не може да биде убеден во мирот преку Западот, туку преку влијанието на земјите од Истокот, кои одржуваат трговски врски со Москва. Затоа предложи воведување тарифи против земјите што ја продолжуваат економската соработка со Русија.
Финскиот претседател исто така изрази надеж дека „трпението на американскиот претседател Доналд Трамп со Москва набргу ќе истече“ нагласувајќи дека само нови санкции и царини може да ја принудат Русија да го прекине конфликтот.
Фото: принтскрин
Европа
(Видео) Украинци: Експлодира главниот нафтовод што ја снабдува Москва

Главниот нафтовод што испорачува нафтени деривати во Москва експлодира во рускиот регион Рјазан, дознава „Укринформ“ од извор во Одбранбена разузнавачка служба на Украина (ДИУ).
Според нив, вчера се случила силна експлозија на нафтоводот „Рјазан-Москва“, еден од главните правци за снабдување на руската престолнина со нафтени производи.
Според извори на ДИУ, откога локалните канали на „Телеграм“ во Рјазан пријавија гласна експлозија на дел од цевководот, избувна голем пожар. Пожарникарите и амбулантните возила беа испратени во рок од неколку часа за да го изгаснат пожарот, објави „Укринформ“.
An explosion reportedly hit the Ryazan-Moscow oil pipeline on August 26, one of the key fuel supply routes to the Russian capital. The pipeline, repurposed in 2018 by Transneft to transport gasoline—also used by Russia’s military—is now out of operation, RBC-Ukraine reports. pic.twitter.com/qF3Yz4M60X
— NOELREPORTS 🇪🇺 🇺🇦 (@NOELreports) August 27, 2025
Жителите пријавија дека полицијата и други тимови се во областа на селото Божатково во регионот Рјазан работејќи на отстранување на последиците од експлозијата и пожарот.
Според украинските медиуми, од 2018 година овој цевковод е пренаменет за снабдување со бензин на компанијата „Транснефт“, која исто така снабдува гориво и за руската војска.
Според ДИУ, инцидентот предизвикал протокот на нафтени производи кон Москва да биде суспендиран на неодредено време.
фото: принтскрин