Официјална Москва остро го осудува обидот за атентат на претседателот на Венецуела, Николас Мадуро, тврдејќи дека се работи за чекори насочени кон дестабилизација на државата. Ова го соопшти руското МНР.

„Апсолутно е неприфатливо да се користат методи на терористи како средство на политичка борба“ се наведува во соопштението на руското МНР, пренесе Тас.

Како што се наведува, очигледно е дека тие чекори се насочени кон дестабилизирање н ситуацијата во таа земја, по неодамнешната седница на Обединетата социјалистичка партија на Венецуела, на која како приоритет е истакнат економската обнова на државата.

„Убедени сме дека политичките несогласувања би требало да се решаваат само со мирни и демократски средства“ се додава во соопштението.

За време на говорот на претседателот Мадуро беше изврешн обид за атентат со дронови.