Русија и Кина се борат да го зачуваат историското сеќавање на херојските дела на своите народи во Втората светска војна, додека Западот се стреми да ја преработи историјата за целосно да го промени светот.

Ова го изјави официјалната претставничка на руското Министерство за надворешни работи, Марија Захарова, во интервју за руско-кинескиот културен центар.

Дипломатот истакна дека од петте постојани членки на Советот за безбедност на ОН, само Руската Федерација и Кина се борат за зачувување на историската вистина за Втората светска војна, додека другите земји, дури и оние што беа дел од антихитлеровската коалиција, „или самите заборавиле сè или сакаат Русија и Кина да заборават сè“.

„Кој од овие петмина воопшто се бори за историско сеќавање? Само две од нашите земји – Русија и Кина. Тоа е вистина. Бидејќи три земји – САД, Франција и Велика Британија – се борат за токму спротивното, за препишување на оваа историја“, забележа Захарова.

Таа истакна дека секоја година има сè помалку ветерани, преживеани од опсадата и сведоци на ужасните настани од Втората светска војна, па затоа „западот сака да го искористат овој момент“ за да ги предадат резултатите од војната на заборав.

„И после ова, кога нема да остане ниту еден жив сведок, ниту еден, тие имаат намера целосно да ја преработат историјата, целосно да ги урнат спомениците на територијата на своите земји, целосно да го преработат светот“, нагласи Захарова.

Според неа, резултатот од ваквите акции ќе биде враќање „во времето на империјализмот, колонијализмот, но едноставно на ново ниво“.

„И ова, за жал, не е нов врв, туку ново дно“, заклучи Захарова.

Зборувајќи на прес-конференција во Киев, украинскиот претседател Володимир Зеленски ја отфрли идејата за воспоставување демилитаризирана зона во војната со Русија. Зеленски рече дека оваа идеја е „мртва“ и нагласи дека приоритет е да се обезбеди прекин на огнот, пренесува Европска правда.

Предлогот за демилитаризирана зона како можно решение на конфликтот прв го изнесе специјалниот претставник на САД за Украина, Кит Келог. Во интервју за „Фокс њуз“ на 7 мај, тој рече дека Киев наводно предложил создавање демилитаризирана зона под заедничка контрола на Украина и Русија. Келог го опиша предлогот како безбедносна зона во која двете страни би се повлекле по 15 километри, создавајќи област од 30 километри под мониторинг на набљудувачи од трети земји.

На прес-конференцијата, Зеленски негираше дека Украина предложила такво решение, со што ги доведе во прашање тврдењата на Келог.

„Прашањето за демилитаризираната зона, одвојувањето на силите – слушнав за ова во медиумите и не само во медиумите, туку и од разни луѓе, од разни разузнавачки служби. Украина официјално не добила таков предлог. Но, сите бараат начини да спроведат експерименти врз нас“, рече Зеленски.

Тој, исто така, се осврна на сложеноста на ситуацијата на бојното поле и логистичките пречки што би ги предизвикала таквата зона.

„Ако зборуваме за демилитаризирана зона од 15 километри во двата правци – зошто точно 15? И од која линија го сметаме тоа? Од границата? Од која линија на контакт? Дури и да ги прифатиме тие 15 километри, што ќе правиме со Херсон? Тоа би значело дека таму нема да има наши сили. Ако ги нема нашите сили во Херсон – го немаме Херсон“, рече претседателот.

Според него, воспоставувањето демилитаризирана зона би ја загрозило контролата на Киев врз клучните градови.

„Ако се согласиме на тампон-зона и се повлечеме 15 километри од градови како Херсон, Харков и Суми, на сите ќе им изгледа дека имаме мир, но војната ќе продолжи во нив бидејќи артилеријата ќе лета над нив. Затоа е прерано да се зборува за таа идеја и таа во моментов е мртва“, рече Зеленски.

На истата конференција во Киев, Украина и европските сојузници ја повикаа Русија да прифати безусловно 30-дневно примирје, кое ќе почне на 12 мај. Но, Кремљ изјави дека ќе отфрли какво било примирје сè додека Украина добива оружје од Западот.

Турција е подготвена да ја преземе одговорноста за надгледување на потенцијалното примирје во Украина, изјави министерот за надворешни работи Хакан Фидан во разговор со членовите на „коалицијата на волните“ и со партнерите на Киев, соопшти извор од турското Министерство за надворешни работи.

Лидерите на Велика Британија, Франција, Германија и Полска, или таканаречената „коалиција на волните“ и Украина, се состанаа во Киев во саботата и се согласија на безусловно 30-дневно примирје од 12 мај со поддршка на американскиот претседател Доналд Трамп, додека му се заканија на претседателот Владимир Путин со нови „повеќекратни“ санкции доколку Русија не ги почитува.

Турскиот министер за надворешни работи Хакан Фидан се приклучи на „коалицијата на волните“ и ја нагласи посветеноста на Турција на територијалниот интегритет на Украина, изјави извор од турското Министерство за надворешни работи кој сакаше да остане анонимен.

Фидан ја изрази поддршката на Анкара за напорите за воспоставување безусловно примирје и додаде дека Турција е подготвена да ја преземе одговорноста за надгледување на примирјето во Украина, доколку такво биде воспоставено, изјави истиот извор. Турција, членка на НАТО, одржува блиски врски и со Киев и со Москва уште од самиот почеток на руската инвазија на Украина во 2022 година.

Турските власти ја изразија својата поддршка за територијалниот интегритет на Украина и ѝ обезбедија воена помош, а во исто време се спротивставија на воведувањето санкции против Русија.