Свет
Москва со одговор до Бајден“: 92 Американци додадени на црната листа

Русија објави дека додала 92 лица на списокот на Американци на кои им е забранет влезот во земјата, вклучително и новинари од „Њујорк тајмс“, „Вашингтон пост“, „Волстрит џурнал“ и неколку американски функционери, јавува „Гласот на Америка“.
Руското Министерство за надворешни работи објави дека забраната е спроведена „како одговор на русофобниот курс што го спроведува администрацијата на Бајден со декларирана цел да ѝ нанесе стратешки пораз на Москва“.
„Ги потсетуваме сегашните американски власти на неизбежноста од казнување за непријателски дејства“, се вели во соопштението на Министерството.
Новинарите на црната листа, според Министерството, претставуваат „водечки либерално-глобалистички публикации вклучени во производството и ширењето фалсификати за Русија и руските вооружени сили“.
Меѓу забранетите новинари е и главната уредничка на „Волстрит џурнал“, Ема Такер, која ја прогонуваше Русија поради апсењето и осудувањето на новинарот Еван Гершковиќ.
Минатата недела, САД објавија нови санкции против повеќе од 400 субјекти обвинети за поддршка на Русија за време на војната со Украина.
Според Министерството за финансии, санкциите се фокусирани на компании во Русија, Европа, Азија и Блискиот Исток обвинети дека ѝ помагаат на Русија да ги избегне американските санкции и ѝ овозможиле војна во Украина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Италијанската полиција фати Албанец со над 27 килограми кокаин

Италијанската полиција уапси 47-годишен албански државјанин, откако во автомобилот му биле пронајдени 27,6 килограми кокаин.
Дрогата била скриена во посебен простор под предните седишта на возилото.
Покарај кокаинот, полицијата го конфискува и возилото, а приведениот е однесен во притвор во затворот во Катанија.
Според албанските медиуми во италијанските затвори се наоѓаат над 2.000 албански државјани, осудени главно за трговија со дрога.
Свет
Албанија продолжува со рекордни бројки на странски туристи

Албанија продолжува со рекордни бројки на странски туристи, која во периодот јануари – август ја посетиле околу девет милиони.
Албанскиот Институт за статистика објави податоци што потврдуваат дека влезот на странски државјани е за 5,2 отсто поголем ако се спореди со истиот период пред една година, кога беа регистрирани вкупно 8,5 милиони странски државјани.
Само во август бројот на странски државјани кои влегле на албанска територија е 2,3 милиони, што е зголемување од 9,9 отсто, во споредба со истиот месец минатата година.
Албанската економија имаше корист од странските туристи од 2,1 милијарди евра за само шест месеци, до кога ја посетиле 4,76 милиони странци. Овие бројки потврдуваат дека 2025 година ќе биде уште пооптимистичка во однос на туризмот во земјата, додека приходите се очекува да се зголемат за околу 7,7 отсто во споредба со лани.
Се очекува приливот на туристи да продолжи и есенва, со што ќе се продолжи туристичката сезона во земјата. Туроператорите известуваат дека резервациите се високи и за септември и за октомври.
Минатата година Албанија ја посетиле над 11,7 милиони туристи или 15,2 отсто повеќе од претходната година. Очекувањата за годинава се над 12 милиони туристи.
Свет
Жена убиена на свадба во центарот на Шибеник, ја погодила ракета

Жена е повредена кога пиротехничко средство – сигнална ракета – било испукано во близина на катедралата „Свети Јаков“ во Шибеник синоќа, и починала од повредите во болница, соопшти хрватската полиција.
Во соопштението од полициската управа Шибеник-Книн се додава дека е уапсен 52-годишен маж, пренесува Хина. Во тек е кривична истрага, соопшти полицијата.
Хрватските медиуми неофицијално известуваат дека несреќата се случила за време на свадбена прослава, кога осомничениот испукал ракета.