Свет
Москва ќе депортира странци, ги прекршиле мерките за карантин поради коронавирусот

Москва ќе депортира 88 странци кои ги прекршиле мерките за карантин што им биле воведени како претпазливост поради коронавирусот, изјави заменик-градоначалничката на Москва, Анастасија Ракова.
Русија стави во карантин повеќе стотици луѓе за да спречи ширење на коронавирусот, а биле спроведени рации за да се провери дали се придржуваат до мерките.
„Во текот на проверките утврдено е дека 88 лица ги прекршиле условите за изолација. Тоа се странски државјани, кои ќе бидат депортирани“, рекла Ракова, пренесе „Риа новости“.
Таа не открила од кои земји се странците, ниту под какви мерки на изолација се ставени.
Но, додала дека проверките се вршат во населени места, станови на кинески државјани, како и странци кои дошле во Москва од Кина пред воведувањето целосна контрола на границите.
„Полицијата спроведува контрола во болници, хостели, приватни станови, во метроата и во јавниот превоз“, рекла таа.
Кинеската амбасада побара ваквите акции да прекинат нарекувајќи ги дискриминаторски за кинеските државјани.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Факели и емоции: „Цесарица“ одекнуваше на фериботот кон Корчула

Три и пол часа по тргнувањето од Сплит, атмосферата на фериботот кон Корчула не стивнуваше. Следеа хитовите на Оливер, а кога бендот ја отпеа „Цесарица“, беа запалени и факели, објави Индекс.хр.
Погледнете ја атмосферата и запалените факели за време на настапот со „Цесарица“:
Регион
Грција бара помош за справување со големите пожари

За активните пожари на неколку различни локации низ целата земја, Грција побара помош од Европскиот механизам за цивилна заштита, со цел да се испратат шест авиони.
Од попладнево, грчките пожарникари водат битка во источниот дел на областа Атика, поширокиот регион на Атина, во северна Грција, на островите Евија и Китира, како и во јужниот дел на Пелопонез, од бројот 112 за итни случаи беа испратени низа пораки за превентивна евакуација до жителите на зафатените области.
Портпаролот на противпожарната служба информираше дека во сите пожари интервенираат голем број пожарникари заедно со копнени и воздушни средства, но и дека во деловите каде што се пожарите е пријавена штета, чија процена ќе се направи кога ќе заврши гаснењето.
– Сите пожари што избувнуваат овие денови, а особено денеска, брзо се шират, стануваат опасни, а се очекува овие услови да преовладуваат и во наредните денови. Поради оваа причина, нашата земја побара помош од Европскиот механизам за цивилна заштита, со цел да ни обезбеди шест авиони, рече Василис Ватракојанис.
Свет
Поради гладување 90.000 жени и деца итно имаат потреба од медицинска интервенција во Газа

Секој трет жител на Појасот Газа со денови не добива храна, предупреди Светската програма за храна (WFP) на Обединетите нации. Во последното соопштение се наведува дека 90.000 жени и деца итно имаат потреба од медицинска интервенција поради тешка неухранетост.
Според Министерството за здравство во Газа, само вчера починале уште девет лица од глад, со што бројот на жртви од неухранетост од почетокот на конфликтот достигна 122.
Израел, кој го контролира влезот на сите залихи во Газа, повторува дека не постои блокада и ја обвинува Хамас за лошата распределба на ресурсите.
Меѓународната заедница, вклучувајќи ги Германија, Франција и Велика Британија, побара итно олеснување на влезот на помошта, а генералниот секретар на ОН Антонио Гутереш остро ја осуди „рамнодушноста и недостигот на човечност“ во глобалниот одговор на кризата.