Свет
Над 250 лица во светот загинале правејќи селфи
Следниот пат кога ќе стоите на работ на висока и остра карпа или на врвот од водопад, внимавајте и не брзајте да направите селфи. Оти тоа би можело да биде последното нешто што сте го направиле.
Повеќе од 250 луѓе ширум светот починале додека правеле селфи во последните шест години, покажува најновата студија на истражувачи од Институтот за медицина со седиште во Њу Делхи. Наодите кои ги анализираа извештаите од вестите за 259 смртни случаи поврзани со правење селфи од октомври 2011 до ноември 2017 година беа објавени во издание на весник за семејна медицина и примарна грижа.
Од 259 смртни случаи, истражувачите најдоа дека најголемиот дел жртвите настрадале во несреќи поврзани со транспортот – на пример, додека се сликале пред воз кој наидувал, па паднале од карпи. Во други случаи, жртвите настрадале од напади на животни, од огнено оружје или, пак, од електричен удар.
,,Смртните случаи при правење селфи станаа главен јавен здравствен проблем”, изјави Агам Бансал, водечки автор на студијата за „Вашингтон пост“.
Иако студијата покажа дека во Индија има најголем број смртни случаи при селфи, бројни извештаи за фатални инциденти, исто така, доаѓаат и од Русија, САД и Пакистан.
Бансал вели дека самиот чин на правање селфи не е смртоносен, туку опасностите се јавуваат кога луѓето преземаат ризик додека се бидуваат да ја направат совршената фотографија.
Тој е загрижен што најчесто жртви во ваквите ситуации се млади луѓе. Повеќе од 85 проценти од жртвите се на возраст меѓу 10 и 30 години, рече Бансал.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Девојка од Чикаго на 17 години стана доктор на науки
Дороти Џин Тилман од Чикаго стана најмладата личност, на 17 години, што успеа да се здобие со докторска диплома за интегрирано бихевиорално здравје во Аризона.
„Ова е прекрасна прослава и се надеваме дека Дороти Џин ќе инспирира повеќе студенти. Но, ова е нешто многу ретко и уникатно“, вели вонредниот професор Лесли Менсон.
Кога повеќето ученици се обидуваат да се адаптираат во средно училиште, Дороти веќе беше запишана на колеџот во Лејк Каунти во северен Илиноис, каде што дипломира психологија.
Во 2018 година таа дипломира на отсекот хуманитарни науки на колеџот „Екселсиор“ во Њујорк. Две години подоцна, магистрира на колеџот „Јунити“ во Мејн пред да биде примена на Програмата за бихевиорално управување.
Поголемиот дел од нејзиното образование го реализира на далечина, преку онлајн настава.
Како што вели таа, најголема заслуга за целото нејзино образование има нејзината баба, како и нејзината мајка, на која е благодарна за помошта и насочувањето. Секако, целиот образовен процес не бил без жртва.
„Немав секојдневна училишна работа, немав училишно фотографирање или работи кои создаваат единство меѓу врсниците “, вели таа.
Свет
Трамп вети олеснување на прописите во САД за поседување оружје што ги воведе Бајден
Поранешниот американски претседател и републикански претседателски кандидат Доналд Трамп вети во говорот во Националната асоцијација за пушки (NRA) дека ќе ги олесни прописите за поседување оружје што ги воведе демократскиот претседател Џозеф Бајден.
Трамп го искористи обраќањето до илјадници членови на NRA во Далас за да ја расветли неговата политика, но и да ги охрабри членовите на NRA да гласаат на ноемвриските избори, пренесува Ројтерс. „Треба да ги натераме сопствениците на оружје да гласаат. Мислам дека сте бунтовен куп.
„Бидете бунтовни и гласајте овој пат“, рече Трамп во говорот што траеше повеќе од 90 минути.Националната асоцијација за пушки (НРА) со ентузијазам го поддржа Трамп за време на претседателската трка во 2016 година и во текот на неговата администрација.
Регион
Под сомнение за планирање терористички напад уапсено е малолетно девојче од Црна Гора
Во Австрија е уапсено четиринаесетгодишно девојче од Црна Гора, кое, според австриските медиуми планирало терористички напад на Јакоминиплац во Грац, а истражителите од Државната служба за државна безбедност и борба против екстремизмот во Штаерска успеале да спречат тоа.
При претресот на куќата, како што пишува истиот медиум истражителите заплениле секира и нож.
Информациите за планираниот напад дојдоа од Европска безбедносна управа. На овој начин, локалните истражители од Државниот завод за државна безбедност и борба против екстремизмот (ЛСЕ) на Штаерска им влегле во трага на првично непознатите лица.