Свет
Над 30 луѓе загинаа во судир на камион и автобус во Бразил

Над 30 луѓе загинаа во судир на камион и автобус во Бразил, соопштија пожарникарите.
По завршувањето на расчистувањето на местото на несреќата од главниот автопат во близина на градот Теофило Отони во државата Минас Жераис, државната противпожарна служба процени дека бројот на загинати е меѓу 32 и 35, меѓу кои и најмалку едно дете.
Останува непознат точниот број на загинати поради состојбата на телата кои изгореле до непрепознатливост.
Официјални лица од пожарникарите велат дека ќе биде потребна форензичка истрага за да се утврди причината за несреќата, бидејќи изјавите на сведоците се разликуваат.
Пожарникарите првично известија дека автобусот, во кој се превезувале 45 патници, му се дупнала гумата, поради што возачот изгубил контрола над возилото пред да се судри со камион што доаѓал на патот што го поврзува густо населениот југоисток на Бразил со посиромашниот североисток.
Меѓутоа, очевидци известија и дека гранит блок што го превезувал камионот се откинал, паднал на патот и предизвикал судир со автобусот.
Автобусот тргнал од Сао Паоло и се упатил кон државата Баија.
Пожарникарите соопштија дека од урнатиот автобус спасиле 13 патници.
Несреќата ја преживеале тројца патници во автомобил кој исто така излетал и се заглавил под камионот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Противниците на Трамп денеска на масовни протести низ САД

Околу 1.200 демонстрации се планирани денеска ширум САД, а организаторите очекуваат тоа да биде најголемиот ден на протести против американскиот претседател Доналд Трамп и неговиот сојузник Илон Маск, објави Ројтерс.
Протестите наречени „Одземени раце“ ќе им дадат можност на противниците на Трамп да го изразат своето незадоволство од надворешната и внатрешната политика на Трамп на САД, наведува агенцијата.
„Ова е масовен протест кој испраќа многу јасна порака до Маск, Трамп, републиканските конгресмени и сите сојузници на движењето Направете ја Америка повторно голема (MAGA) дека не сакаме нивните раце во нашата демократија, заедници, училишта, пријатели и соседи“, рече Езра Левин, ко-основач на Indivisible, една од групите што ги организираа настаните овој викенд.
Според податоците од веб-страницата на настанот, околу 150 активистички групи се пријавени за учество.
Планирани се протести во сите 50 држави, како и во Канада, Британија, Франција, Германија, Мексико и Португалија.
Најголемите собири се очекуваат на Националниот плоштад во Вашингтон.
Групите кои се противат на обновената воена акција на Израел во Газа и акциите на администрацијата на Трамп против протестите во кампусите ќе учествуваат и на протестите во Вашингтон, објавија организаторите, пренесува Танјуг.
Свет
Во Мјанмар се регистрирани 81 последователен потрес, од кои најсилниот бил со јачина од 7,5 степени

Според податоците на Министерството за метеорологија и хидрологија на Мјанмар, од разорниот земјотрес на 28 март до денес, во таа земја се регистрирани 81 последователен потрес, со јачина од 2,8 до 7,5 степени според Рихтеровата скала, јави Ксинхуа.
Тие потреси следеа по земјотресот со јачина од 7,7 степени што го погоди Мјанмар на 28 март во 12:51 часот. локално време.
Бројот на загинатите во земјотресот се искачи на 3.354, додека 4.850 лица се повредени, а 220 се водат како исчезнати, јавија утринава локалните медиуми.
Свет
Најмалку 47 лица повредени во судир на два туристички автобуси во Токио

Најмалку 47 лица, претежно странски државјани, се повредени денеска во судир на два туристички автобуси на автопатот во западниот дел на Токио.
Никој од повредените не е во животна опасност, а судирот се случил околу 10.15 часот во близина на влезот во тунелот Коботоке на автопатот, јави Кјодо.
Автобусите претходно тргнале од железничката станица во Токио и патувале до езерото Кавагучи во соседната префектура Јаманаши.
Според полицијата, автобусите кои биле под управа на истата компанија постојано забрзувале и намалувале поради гужвата на патот, а несреќата се случила кога возачот на последниот автобус не забележал дека првиот автобус закочил.