Свет
Над 50.000 загинати во земјотресите во Турција и Сирија
![](https://makfax.com.mk/wp-content/uploads/2023/02/e5b3238f-c806-4cad-9e7b-6905eef51649.jpeg)
Бројот на загинатите во земјотресот што на почетокот на месецот го погоди југот на Турција во близина на границата со Сирија надмина 50 илјади, покажуваат најновите податоци од двете земји.
Во земјотресот само во Турција загинаа 44.218 луѓе, според државната новинска агенција Анадолија, која ги цитира податоците на агенцијата за катастрофи АФАД.
Во соседна Сирија досега се регистрирани 5.900 смртни случаи. Повеќе од девет илјади последователни потреси следеа по земјотресот на 6 февруари, објави АФАД.
Над половина милион луѓе се евакуирани од областа погодена од катастрофа во Турција.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
Најмалку 13 загинати во судир на воз во Индија
![](https://makfax.com.mk/wp-content/uploads/2024/06/јк.jpg)
Најмалку 13 лица загинаа во судир на патнички и товарен воз во источната индиска држава Западен Бенгал, соопшти денеска полицијата.
Премиерката на Западен Бенгал Мамата Банерџи изјави дека лекарите и спасувачките екипи пристигнале на местото на несреќата, пренесува Ројтерс.
Според неа, возот „Канчанџунга експрес“, кој ги поврзува североисточните држави Асам и Трипура со Западен Бенгал, бил удрен од товарен воз.
Регион
За една недела тројца исчезнати туристи пронајдени мртви на грчките острови
![](https://makfax.com.mk/wp-content/uploads/2023/08/plaza-grcija-more-1.jpg)
За само една недела тројца исчезнати туристи се пронајдени мртви на грчките острови, јавија грчките медиуми. Турист од САД кој исчезна на островот Матраки вчера е пронајден мртов како трет во изминатата недела, јавува грчката телевизија Скај њуз.
55-годишен маж исчезна од својот хотел на грчкиот остров Матраки во Јонското Море минатиот вторник, а 74-годишен маж од Холандија беше пронајден мртов на островот во саботата.
Британскиот ТВ водител д-р Мајкл Мозили беше пронајден мртов на егејскиот остров Сими пред една недела. Тој очигледно паднал по стрмна падина, изјави градоначалникот на Сими, Лефтерис Папакалодукас за Sky News.
Според грчките медиуми, во Грција моментално се водат како исчезнати уште неколку туристи.
Американски турист, 59-годишниот Алберт Калибет, исчезна на егејскиот остров Аморгос додека планинареше, а операцијата за потрага по двајца исчезнати француски туристи продолжува на егејскиот остров Сикинос.
Во соопштението на грчките власти се наведува дека спасувачката мисија ќе користи доброволци, пожарникари и ќе регрутира дополнителен полициски тим од блискиот остров Иос.
Свет
Шест лица загинаа во свлечиште во Еквадор, 30 се водат за исчезнати
![](https://makfax.com.mk/wp-content/uploads/2024/06/vcv.jpg)
Најмалку шест лица загинаа, а 30 се водат за исчезнати во лизгање на земјиште во градот Банос де Агуа Санта во централен Еквадор, соопштија властите.
Свлечиштето е предизвикано од силно невреме кое во неделата ги зафати Централна и Јужна Америка, а предупредувања за лизгање на земјиштето и поплави беа издадени во повеќе земји, пренесува Ројтерс.
Властите во Ел Салвадор издадоа предупредување поради обилните врнежи, а во Гватемала неколку авиокомпании ги пренасочија летовите.