Свет
Нападите врз Газа продолжуваат додека Нетанјаху има состанок со воениот кабинет

Нападите на израелските сили врз Појасот Газа продолжија во текот на ноќта, додека премиерот Нетанјаху утринава свика состанок на неговиот воен кабинет.
Според тамошното Министерство за здравство управувано од Хамас, во двонеделното бомбардирање на Појасот загинаа илјадници цивили, додека Израел тврди дека погодува само воени цели.
Најмалку 320 цели биле погодени во Газа во текот на вчерашниот ден и во текот на ноќта, соопштија утринава израелските одбранбени сили (ИДФ).
Меѓу нив имало „тунели во кои се сместени терористите на Хамас, десетици оперативни командни центри, од кои некои засолниле терористи на Хамас и Исламски џихад, воени комплекси и набљудувачки пунктови“, според новата верзија на ИДФ.
Понатаму, Израел погоди цели што „претставуваа закана за силите во областа околу Појасот Газа кои се подготвуваат за копнени операции, вклучително и десетици минофрлачки гранати и локации за лансирање противтенковски ракети“.
ИДФ изврши напади и на границата со Либан, тврдејќи дека погодила дури четири ќелии на Хезболах, со дополнителни напади на либанска територија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Ирански генерал: Во текот на ноќта уништивме стратешки цели во Израел

Иран објави дека во текот на ноќта уништил стратешки цели во Израел со помош на беспилотни летала, пренесува агенцијата „Франс прес“.
„Разни видови деструктивни беспилотни летала, со можност за прецизно таргетирање, ги уништија стратешките позиции на ционистичкиот режим во Тел Авив и Хаифа“, изјави генерал Киумарс Хеидари, командант на иранските копнени сили.
Израелски воен претставник изјави дека 20-ина проектили биле лансирани во последниот бран ирански напади, од кои повеќето биле пресретнати. Сепак, како што изјави израелски воен претставник за Би-би-си, некои проектили поминале низ противвоздушната одбрана и погодиле отворени области.
Свет
Иран најави нов напад со дронови

Иран предупреди дека бран беспилотни летала ќе го погоди Израел во наредните часови.
Висок воен командант најави дека нападите ќе се интензивираат.
Иран и синоќа изврши напад, кој траеше четири часа. Овој напад беше комбиниран, со беспилотни летала и проектили на многубројни цели во Израел, со што почна деветтиот бран ирански напади.
Свет
Русите тврдат дека синоќа уништиле 51 украински дрон

Руските единици за воздушна одбрана уништија 51 украинско беспилотно летало над регионот Белгород, соопшти вчера вечерта руското Министерство за одбрана.
Во последните недели и Русија и Украина користат напади со беспилотни летала на голем број прекугранични цели, па руските сили вчера вечерта извршија таков напад врз Киев и неговата поширока област. Лидерите на Киев досега објавија дека при нападот се повредени најмалку 11 лица, како и дека е уништена инфраструктурата.
Руското Министерство за одбрана соопшти дека споменатото уништување на украински беспилотни летала се случило вчера, меѓу 20 и 23 часот.
Американскиот претседател Доналд Трамп уште еднаш се осврна на конфликтот меѓу Русија и Украина.
„Убеден сум дека може да се постигне договор со Москва во врска со крајот на конфликтот во Украина. Сè уште чекам да видам дали договорот ќе биде потпишан или не“, изјави американскиот претседател за новинарите.
Фото: илустрација