Свет
Напад врз млади кои се подготвувале за приемен испит, порасна бројот на жртви во Кабул
Авганистанското Министерство за здравство соопшти дека во самоубиствениот напад во шиитскиот кварт во Кабул загинаа 48, а повредени се 67 лица.
Според претходниот биланс, бројот на жртви и повредени беше речиси двојно помал.
Официјалните лица соопштија дека бомбаш-самоубиец нападнал приватна зграда, во која група млади момчиња и девојки се подготвувале за приемен испит за факултет.
По експлозијата, припадниците на силите за безбедност почнале да пукаат, поради што се претпоставува дека имало повеќе напаѓачи, меѓутоа официјално зад нападот стоел еден бомбаш.
Членот на шиитскиот верски совет, Џавид Гавари, ја обвини Исламска држава за нападот, наведувајќи дека терористичкиот акт ги содржи сите знаци на претходните џихадистички напади врз шиитските џамии, училишта и културни центри. Според неговите зборови, во претходните две години само во Кабул биле извршени 13 напади врз шиитската заедница. Талибанците негираа учество во нападите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Белгија издвојува девет милиони евра за украинската енергетска инфраструктура
Белгија ќе додели дополнителна помош од девет милиони евра за да придонесе за поправка на оштетената енергетска инфраструктура во Украина, најави белгиската министерка за развојна соработка, Каролин Генез.
„Преку ОН, Белгија ќе придонесе за поправка на енергетската инфраструктура околу градот Харков, кој сега секојдневно трпи бомбардирање од руската армија. Со воена поддршка, овие средства ќе помогнат да се изгради отпорноста на Украина“, рече министерот, пренесува RTBF.
Според неа, Белгија ќе одвои средства за поддршка на проекти во рамките на Програмата за развој на Обединетите нации, која е специјализирана за економски развој.
Свет
Генералното собрание на ОН го повика Советот за безбедност да ја прими Палестина за членка
Генералното собрание на Обединетите нации ги зајакна правата на Палестина во рамките на организацијата и повика таа да биде прифатена како членка, пренесува Би-Би-Си.
Палестина има статус на земја-набљудувач не-членка од 2012 година, што дозволува некои права помалку од полноправна членка.
За членството може да одлучува само Советот за безбедност на ОН.
САД неодамна ставија вето на кандидатурата за полноправно членство, но гласањето денска може да се смета како гест на поддршка за Палестинците.
Палестинскиот претседател Махмуд Абас ја поздрави резолуцијата, велејќи дека таа ги поддржува палестинските напори за уште едно гласање за ова прашање од страна на Советот за безбедност.
Свет
Шпанија, Ирска и Словенија ќе ја признаат Палестина на 21 мај
Шпанија, Ирска и Словенија планираат симболично да ја признаат Палестинската држава на 21 мај, изјави шефот за надворешна политика на ЕУ, Жозеп Борел.
Тој го потврди датумот во интервју за шпанското јавно радио, откако ирскиот јавен радиодифузен сервис РТЕ објави дека тоа е моментот кога сите три земји планирале да дејствуваат.
Словенечката влада вчера соопшти дека донела декрет за признавање на палестинска држава, што ќе биде внесен во нејзиниот парламент до средината на јуни.
Потоа, најверојатно ќе има повеќе нации што ќе го следат примерот бидејќи и Белгија одлучи да го стори тоа, додаде Борел.