Свет
Напад на железничка станица, киднапирани 32 лица во Нигерија
Вооружени напаѓачи киднапирале 32 лица од железничка станица во јужната нигериска држава Едо, соопшти денеска канцеларијата на гувернерот на таа држава.
Во соопштението се наведува дека луѓе вооружени со пушки ја нападнале станицата, дека некои луѓе кои биле на станицата биле застрелани и дека 32 лица биле киднапирани, пренесува Ројтерс.
Државниот комесар за информации рече дека војската и полицијата ги интензивираат операциите за пребарување за да ги спасат жртвите на киднапирањето.
Нигериските железници ги затворија станиците и го суспендираа транспортот до понатамошно известување. Портпаролот на државната полиција изјави дека вооружени лица киднапирале непознат број патници кои чекале воз на железничка станица во градот Игуебен во државата Едо, јужна Нигерија.
Киднаперите „пукале спорадично во воздух“ пред да ги киднапираат патниците, но неколку граѓани останале на местото на нападот со прострелни рани, изјави тој, пренесе АП.
Овој инцидент е уште еден во низата напади на железничките станици во Нигерија. Владата на таа земја се обидува да ја запре се поголемата несигурност што ја зафати земјата во пресрет на претседателските избори закажани за следниот месец.
Иако властите ветија дека ќе ја зголемат безбедноста на железничките станици, аналитичарите предупредуваат дека силите за национална безбедност се преоптеретени, според Ројтерс.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Во германски супермаркети пронајдени речиси сто килограми кокаин
Пратки со банани од Јужна Америка во кои имало вкупно 95 килограми кокаин, случајно завршиле во многу филијали на супермаркети во Западна Германија.
Според обвинителството, дрога била пронајдена во единаесет продавници, пренесува германската медиумска групација RND.
Вредноста на запленетата материја на црниот пазар се проценува на повеќе од седум милиони евра.
Инспекторите веруваат дека погрешната пратка била доставена до централниот магацин и оттаму преку нормалниот дистрибутивен ланец била транспортирана до поединечни продавници.
Надлежните се уште истражуваат од каде точно е запленетиот кокаин.
Според досега достапните информации и објави од полицијата, пратката со банани пристигнала на пристаништето во Антверпен по морски пат. Оттаму, стоката што содржела дрога најверојатно по грешка била испратена во продавниците.
Пратката со дрога во кутии со овошје била откриена пред две недели од вработени во две продавници во Менхенгладбах и пријавиле во полиција.
Подоцна во текот на истрагата било откриено дека истиот ден кутии со кокаин биле пронајдени и во продавниците на тој трговски синџир во Дуизбург, Крефелд и општините Вирзен, Хајнцберг и Нојс во Рајнската област.
Свет
(Видео) Силен дожд и поплави во Англија: наставата е откажана, многу патишта се непроодни
Обилни врнежи и поплави погодија делови од Англија и Велс предизвикувајќи прекин на сообраќајот и материјална штета.
Патишта и куќи се поплавени во централна и јужна Англија, а во некои области во текот на ноќта врнеше дожд како за еден месец, пренесуваат локални медиуми.
Footage of the flooding yesterday in Dunstable
📌 Bedfordshire | England 🏴 #floods #flooding #England #Dunstable
🎥 : @chrisrich88 pic.twitter.com/mvGKgMZ7fY— DISASTER TRACKER (@DisasterTrackHQ) September 23, 2024
На фудбалскиот терен на АФЦ Вимблдон во Лондон се појавила дупка, а итните служби примиле 350 повици поврзани со поплави.
Extensive flooding caused what looked like a 'golf course' on the pitch at the Cherry Red Records Stadium.
📌 London | England 🏴 #CarabaoCup #AFCWimbledon #Newcastle pic.twitter.com/p8ZFzowmaP
— DISASTER TRACKER (@DisasterTrackHQ) September 23, 2024
Локалните власти соопштија дека сите служби за итни случаи работат што е можно побрзо и дека ранливите луѓе се приоритет. Долгите врнежи од дожд се очекува да продолжат и во текот на утрешниот ден, што може да зафатат делови од Шкотска.
Жолто предупредување за дожд е во сила во поголемиот дел од Англија до крајот на денот, со исклучок на крајниот југозапад и делови од северна Англија и источен Велс. Заедно со врнежите најавен е и значително опаѓање на температурата, која поради северниот ветер ќе биде пониска од просечната за овој период од годината.
Десетици училишта низ Бедфордшир, Нортхемптоншир и Питерборо беа затворени во текот на денот. Некои најавија дека очекуваат утре повторно да можат да одржат настава. Но, се уште нема потврда за тоа, според написите на тамошните медиуми.
Многу патишта се сè уште непроодни, а од утрово не функционираат и некои железнички линии.
Свет
Нетанјаху: „Пред нас се сложени денови“
Израелскиот премиер Бенјамин Нетанјаху во изјава за израелската јавност се осврна на неодамнешните настани на северната граница со Либан.
Според написите на локалните медиуми, по проценката на ситуацијата во воениот штаб во Тел Авив, Нетанјаху изјавил:
– За оние кои сè уште не разбираат, сакам да ја разјаснам политиката на Израел – не чекаме закана, туку ја спречуваме. Секаде, на кој било фронт, во секое време. Ги елиминираме нивните високи личности, ги елиминираме терористите, ги елиминираме проектилите – и не запираме, рече Нетанјаху.
– Кој ќе се обиде да ни наштети, ние го удираме уште посилно. Ветив дека ќе го промениме безбедносниот баланс, односот на силите на север – и тоа го правиме. Ние уништуваме илјадници проектили и ракети насочени кон Израел, кон градови и граѓани. Пред нас се сложени денови. Барам две работи од вас, граѓани на Израел: прво, следете ги упатствата на командата на домашната стража, бидејќи тоа спасува животи, и второ, застанете заедно со решителност, одговорност и, се разбира, трпение, рече Нетанјаху, пренесуваат медиумите во регионот.