Свет
Наредено апсење на поранешната прва дама на Филипините поради корупција
Антикорупцискиот суд на Филипините наредил апсење на поранешната прва дама Имелда Маркос откако ја прогласи за виновна по седум точки од обвинението за корупција од времето на владеењето на нејзиниот сопруг и поранешен диктатор Фердинанд Маркос.
Екстравагантната Маркос (89), позната по колекцијата од 3 000 рала чевли, накит и уметнички дела, се соочува со серија обвиненија за корупција откако нејзиното семејство е симнато од власта во бунтот во 1986 година, поддржан од војската.
Судот нареди Маркос, која е застапничка во парламентот, да отслужи 6 до 11 години затвор за секоја од седумте точки на обвинението. Таа беше обвинета дека префрлила околу 200 милиони долари во Швајцарија за време на нејзиниот мандат како гувернерка на Манила.
Маркос има право да поднесе жалба против налогот за апсење.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Шојгу: Русија никогаш не планирала да ги нападне земјите на НАТО
Русија никогаш не планирала да ги нападне земјите на НАТО, изјави рускиот министер за одбрана Сергеј Шојгу.
„Руската Федерација никогаш не била закана за НАТО. Ние немаме ниту геополитички ниту воени интереси да ги нападнеме земјите од блокот, ние едноставно го штитиме нашиот народ на нашите историски територии“, рече Шојгу на состанокот на министрите за одбрана на земјите-членки на Шангајската организација за соработка (SCO) во главниот град на Казахстан, Астана.
Шојгу нагласи дека Русија секогаш вложувала максимални напори за одржување на стратешката стабилност и рамнотежа на силите во светот, пренесува Интерфакс.
Свет
Трамп: Подготвен сум да го обновам конзервативниот сојуз со Орбан
Поранешниот американски претседател и републикански претседателски кандидат Доналд Трамп изјави дека е подготвен да го обнови конзервативниот сојуз со унгарскиот премиер Виктор Орбан.
Во видео пораката Трамп изјави дека со нетрпение очекува блиска соработка со Орбан кога, како што наведе, повторно ќе положи заклетва како 47-ми претседател на САД, пренесе АП.
Во својата порака Трамп го нарече Орбан голем човек и истакна дека додека бил претседател на САД, работел со него на подобрување на вредностите и интересите на САД и Унгарија.
Свет
Блинкен пристигнува во Израел, седми пат од почетокот на војната
Американскиот државен секретар во вторник ќе го посети Израел, седми пат по нападот на палестински Хамас на 7 октомври врз јужен Израел и војната што следеше со израелскиот одговор во Појасот Газа.
Јавниот сервис Кан објави дека Блинкен ќе дојде во Израел за да разговара за најавената операција на израелската армија во Рафах, како и за напорите да се обезбеди пауза во борбите и да се ослободат повеќе од 100 заложници кои ги држеше Хамас.
Блинкен моментално е во посета на Кина.