Свет
Наставничката сексуално злоставувала 15-годишно момче во автомобил во Луизијана, таткото повикал полиција
![](https://makfax.com.mk/wp-content/uploads/2024/01/2023-deputies-ouachita-parish-sheriff-74409357-830x0.jpg)
Наставничка од Луизијана наводно испратила разголени фотографии на 15-годишно момче, го допирала несоодветно во нејзиниот автомобил пред нејзиното мало дете и му кажала на тинејџерот дека е загрижена дека нема да биде таа што ќе ја земе неговата невиност, според властите.
Тејтум Хеч (32) е уапсена во средата откако таа и тинејџерот разменувале развратни пораки околу една и пол година во кои таа му предлагала да влезе преку прозорецот од нејзината спална соба за да има секс со неа, се наведува во судските документи.
Пред околу една година, двајцата се сретнале во близина на куќата на жртвата, каде што наставничката наводно го допирала по гениталиите додека нејзиното дете било во автомобилот, покажаа судските документи.
Наводно, наставничката во друга прилика му рекла на тинејџерот дека се плаши дека тој ќе најде некој друг да му биде „прв“, откако момчето и кажало дека е исплашено.
Наводната врска била откриена кога таткото на момчето дознал и повикал полиција.
Момчето потоа им ги покажало на инспекторите пораките што ги разменувале на Инстаграм, а таа дала отказ на работа на крајот на декември кога започнала истрагата.
Жртвата, исто така, тврдела дека Хеч испраќала голи селфиња, но сликите исчезнале бидејќи таа користела режим на Инстаграм.
Хеч, наводно, признала во полиција во средината на декември дека разговарала со момчето на Инстаграм, но не одговорила на некои прашања бидејќи се плашела да не ги изгуби своите деца, пишуваaт медиумите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Легендарниот рокер Бора Чорба погребан со хитот “Погледај дом свој анџеле“
![](https://makfax.com.mk/wp-content/uploads/2024/08/bora-corba.jpg)
Легендарниот рокер, фронтмен на групата „Рибља чорба“, Бора Ѓорѓевиќ (72) денес е погребан. Семејството, колегите, но и бројни пријатели и обожаватели се собраа на Градските гробишта во Чачак за да го кажат последното збогум и да се простат од него.
Хорот на гимназијата од Чачак по црковниот обред го испеа најголемиот хит на Бора „Погледај дом свој анџеле“, а овој момент расплака многумина и тоа беше најтажната сцена од гробиштата.
Рокерот Бора Ѓорѓевиќ (72) почина во средата на 4 септември во Љубљана по тешко боледување.Легендарниот рокер ќе почива во родниот Чачак, што му беше и последна желба.
Роден е на 1 ноември 1952 година.
Свет
Вселенското летало Старлајнер на Боинг слета без екипаж
![](https://makfax.com.mk/wp-content/uploads/2024/09/NASA.jpg)
Вселенското летало Старлајнер на Боинг слета без екипаж во пустината во Ново Мексико, со што заврши тримесечната пробна мисија отежната од технички проблеми.
Вселенското летало доцна синоќа самостојно го почна своето шестчасовно патување до Земјата, а астронаутите Буч Вилмор и Сани Вилијамс, првиот екипаж што леташе со Старлајнер, останаа на Меѓународната вселенска станица (МВС).
Беше одлучено Вилмор и Вилијамс да останат на МВЦ до февруари 2025 година, бидејќи Старлајнер се врати на Земјата користејќи маневри премногу опасни за екипажот.
Леталото повторно влезе во атмосферата на Земјата околу 5 часот утрово по средноевропско време, со орбитална брзина од приближно 27.400 километри на час.
Вилмор и Вилијамс ќе продолжат да спроведуваат научни експерименти додека се во вселената, а се очекува да се вратат на Земјата во февруари 2025 година со вселенско летало на компанијата СпејкИкс.
Свет
Регистриран прв случај на детска парализа во Пакистан по 16 години
![](https://makfax.com.mk/wp-content/uploads/2020/06/pakistan.png)
Пакистан планира итна акција за вакцинација следната недела, откако беше пријавен првиот случај на детска парализа во главниот град во последните 16 години, во услови на пораст на болеста во другите делови на земјата, соопштија денеска властите.
Повеќе од 33 милиони деца на возраст под 5 години ќе бидат вакцинирани од врата до врата почнувајќи од понеделник, рече шефот за полио Ајеша Раза, затоа што вкупниот број на нови случаи годинава се искачи на 17.
Ширењето на вирусот во регионот кој претходно беше прогласен за област без детска парализа претставува нов предизвик за програмата за искоренување финансирана заеднички од ОН и Фондацијата Гејтс, пренесува ДПА.
Случаите со детска парализа во Пакистан го достигнаа врвот од 147 болни во 2019 година, но се намалија на само шест минатата година.