Свет
НАТО цели кон зголемување на бригдите за околу 50 отсто, тврди воен претствник

НАТО ќе побара од Германија да обезбеди уште седум бригади, односно околу 40.000 војници, за одбрана на Алијансата, во рамките на новите цели за вооружување и бројот на војници за кои министрите за одбрана на земјите-членки ќе се договорат следната недела, пренесува Ројтерс повикувајќи се на извори.
Неименуван висок воен претставник рече дека целта на земјите-членки на НАТО во иднина ќе биде да обезбедат меѓу 120 и 130 бригади.
Тоа би значело зголемување за околу 50 отсто во однос на сегашната цел од околу 80 бригади, вели изворот.
Портпаролот на Министерството за одбрана во Берлин рече дека не може да потврди какви одлуки ќе донесат министрите за одбрана на НАТО следната недела, како и лидерите на НАТО на самитот во Холандија на крајот на јуни.
„Покрај тоа, целите на планирањето и капацитетот на силите на НАТО се доверливи од безбедносни причини“, додаде портпаролот.
НАТО не одговори веднаш на барањата за коментар. Во 2021 година, Германија се согласи да обезбеди десет бригади единици, кои обично броjат околу 5.000 војници, за НАТО до 2030 година, а моментално има осум бригади и гради деветта во Литванија, која ќе биде готова од 2027 година.
Се проценува дека обезбедувањето дополнителни 40.000 активни војници ќе биде голем предизвик за Берлин, бидејќи германските вооружени сили, Бундесверот, сè уште не ја исполниле целта од 203.000 војници поставена во 2018 година, а според податоците на германското Министерство за одбрана, моментално имаат недостиг од околу 20.000 редовни војници.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Администрацијата на Трамп се заканува дека ќе му ја одземе акредитацијата на Харвард

Администрацијата на Трамп го ескалираше спорот со Универзитетот Харвард, велејќи дека универзитетот можеби повеќе не ги исполнува стандардите за акредитација и ќе побара правни мерки во врска со своите евиденции за меѓународни студенти.
Овој потег е најновиот во низата постапки против Харвард, кој ја тужеше федералната влада откако официјалните лица ги намалија милијардите долари стипендии за универзитетот и презедоа чекори за да му забранат да прима меѓународни студенти.
Администрацијата ги повторува своите напори да наметне промени на Харвард и другите врвни универзитети низ САД, тврдејќи дека тие станале бастиони на левичарската „разбудена“ мисла и антисемитизам. „Харвард останува непоколеблив во своите напори да ја заштити својата заедница и своите основачки принципи од неоснована одмазда од страна на федералната влада“, се вели во соопштението на Харвард.
Министерството за образование на САД и Министерството за здравство и човечки услуги потврдија дека формално ја известиле агенцијата за акредитација на Харвард, Комисијата за високо образование на Нова Англија, дека Харвард го прекршил федералниот закон против дискриминација со тоа што не ги заштитил еврејските и израелските студенти на кампусот.
Тие предупредија дека постојат „силни докази што сугерираат дека училиштето можеби повеќе не ги исполнува стандардите за акредитација на комисијата“, откако Канцеларијата за граѓански права на Министерството за здравство и човечки услуги заклучи минатиот месец дека Харвард го прекршил Законот за граѓански права.
Свет
Бројот на жртви расте по серијата земјотреси во Гватемала: пронајдено е тело на тинејџер

Бројот на жртви од серијата земјотреси што ја погодија Гватемала во вторник се искачи на четири, откако беше откриено телото на тинејџер закопан во свлечиште.
Најсилните земјотреси во вторник попладне беа со магнитуда од 4,8 и 5,7 степени, со епицентри во градовите Аматитлан и Алотонанго, во близина на главниот град, според Американскиот геолошки завод (USGS).
Според агенцијата за координација на катастрофи Конред, бројот на жртви се искачи на четири по откривањето на телото на тинејџер во Санта Марија де Хесус (југозапад), областа најтешко погодена од земјотресите.
Неколку часа претходно, претседателот Бернардо Аревало објави на X дека бројот на жртви е три: двајца мажи чие возило било затрупано од камења и жена која била жртва на лизгање на земјиштето во селото. Во својот последен извештај, Конрад исто така рече дека земјотресите оставиле стотици луѓе без покрив над главата и оштетиле десетици куќи, како и неколку патишта и мост.
Аревало ја прекина наставата во училиштата. Неработен ден е прогласен во трите најтешко погодени департмани: Гватемала Сити, Ескуинтла и Сакатепекес. Стотици луѓе ја поминаа ноќта од вторник до среда на улиците или во парковите од страв од потреси.
Свет
Рубио денес ќе се сретне со Лавров

Американскиот државен секретар Марко Рубио ќе се сретне со рускиот министер за надворешни работи Сергеј Лавров на маргините на состанокот на министрите за надворешни работи на АСЕАН во Куала Лумпур денес, изјави висок функционер на американскиот Стејт департмент.
Руската министерка за надворешни работи Марија Захарова изјави дека се планира состанок меѓу рускиот министер за надворешни работи Лавров и американскиот државен секретар Рубио.
„Можам да потврдам: таков состанок се подготвува“, изјави Захарова за руската државна новинска агенција ТАСС во коментари објавени рано утрово.
Тоа би бил втор состанок лице в лице меѓу Рубио и Лавров и доаѓа во време кога американскиот претседател Доналд Трамп е сè повеќе фрустриран од рускиот претседател Владимир Путин додека војната во Украина се одолговлекува.
Трамп, кој се врати на власт оваа година ветувајќи брз крај на војната што започна во 2022 година, зазеде помирувачки тон кон Москва, менувајќи ја цврстата поддршка за Киев од неговиот претходник Џо Бајден.
Но, во вторник, еден ден откако Трамп одобри испраќање американско одбранбено оружје во Украина, тој упати невообичаено директна критика кон Путин, велејќи дека изјавите на лидерот на Кремљ за напредок кон мирот се „глупости“.