Свет
Научниците велат дека вулканот Килауеjа може да избувне во секој момент

Геолозите предупредија во средата дека хавајскиот вулкан Килауеја наскоро би можел да доживее експлозивни ерупции од врвот и да исфрли големи карпи и пепел во воздухот.
Заканата од експлозивна активност ќе се зголеми како што лавата од врвот на вулканот, еден од најактивните во светот, истекува, а во наредните недели се можни и експлозии ако лавата падне под нивото на водата, велат од Американскиот геолошки институт.
Ако лавата падне под ова ниво, таа би можела да ја вжешти водата и да создаде пара. Притисокот од парата би можел да се зголеми како што паѓаат карпите и да создаде брана во ѕидовите на вулканот, предизвикувајќи „експлозии од пара“ без „предупредување“, велат од Обсерваторијата за вулкани на Хаваи (HVO).
Во тој случај, вулканот би можел да исфрли „карпи“ од лава големи и по неколку десетици сантиметри, велат од Американскиот геолошки институт. Тој, исто така, би можел и да исфрли во воздухот помали камења на оддалеченост од неколку километри.
„Остатоците исфрлени при вакви експлозии можат да влијаат на областа околу Халема’ума’у и врвот на вулканот Килаулеја“, додаваат од опсерваторијата.
Исто така, постои и опасност од испуштање пепел и сулфур диоксид. Пепелта може да предизвика иритација на очите и дишните патишта, да ја намали видливоста и да ја попречи работата на електричните водови. Досега, ерупциите на вулканот уништиле 36 градби.
Никој не живее во близина на кратерот на врвот од вулканот, но луѓето сè уште продолжуваат да го посетуваат националниот парк што се наоѓа во близина. Паркот ќе биде евакуиран пред да се влошат условите, велат властите.
На речиси 2000 жители им беше наредено да ги евакуираат своите домови, но некои ја игнорираа наредбата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Сијарто: Унгарија нема да го поддржи пристапувањето на Украина во ЕУ

Унгарскиот министер за надворешни работи Петер Сијарто денес изјави дека Унгарија нема да го поддржи пристапувањето на Украина во Европската Унија без оглед на, како што изјави, заканите на украинскиот претседател Володимир Зеленски.
Коментирајќи го говорот на Зеленски на состанокот на амбасадорите претходниот ден, Сијарто на прес-конференцијата рече дека украинскиот претседател одржува „непријателски став кон Унгарија, и унгарската нација“, пренесува МТИ.
„Јасно е дека тој се однесува кон Унгарија и Унгарците како кон непријатели“, рече Сијарто.
Регион
(Видео) Голем пожар во Грција: наредена итна евакуација

Поради големиот шумски пожар што избувна денес во Грција, властите на таа земја наредија евакуација на неколку села западно од Атина, објави противпожарната служба, пренесуваат медиумите во регионот.
Повеќе од 180 пожарникари, 15 авиони и 12 хеликоптери се вклучени во гаснењето на шумскиот пожар што ја зафати боровата шума во планините во близина на Коринт, пренесува АП.
Massive fire in Corinthia Greece . Villages evacuted.
Seen firefighters battle major blaze today.
115 firefighters including three commandos unit, with 25 aircraft assisting . pic.twitter.com/5X4DECwXUp— Samiran Datta (@SamiranDatta5) July 22, 2025
Временските услови се особено тешки за пожарникарите, со оглед на тоа што Грција беше погодена од топлотен бран што донесе температури до 40 степени Целзиусови во многу делови од земјата.
Порано денес, противпожарен хеликоптер се урна во морето и потона додека се обидуваше да се наполни со вода за да се справи со друг пожар во близина на Атина.
Тројца членови на екипажот на хеликоптерот беа спасени и однесени во болница, според написите.
Фото: принтскрин
Свет
Почина Ози Озборн: легендата на хеви металот и фронтмен на групата Блек Сабат

Британската хеви метал легенда Ози Озборн, фронтмен на бендот Блек Сабат, почина на 76-годишна возраст, соопшти денес неговото семејство.
„Со неопислива тага мораме да објавиме дека нашиот сакан Ози Озборн почина утрово. Тој беше опкружен со семејство и љубов“, напишаа неговата сопруга Шерон и децата, објавија медиумите.
Пејачот, кој го доби прекарот „Принц на темнината“, страдаше од Паркинсонова болест неколку години.
Озборн, чие вистинско име беше Џон Мајкл Осборн, беше вокалист на хеви метал бендот „Блек Сабат“ по заминувањето на големиот Рони Џејмс Дио, тогаш популарен соло музичар.
Од 2002 година, тој е ѕвезда на реалното шоу „Озборнови“, кое прикажува секојдневни сцени од животот на неговото семејство.
Фото: принтскрин