Свет
„Најверојатно, ќе биде наследничка!“: Ким Џонг-ун ја подготвува ќерката за претседател
![](https://makfax.com.mk/wp-content/uploads/2024/01/ни.jpg)
Кандидатот за директор на јужнокорејската разузнавачка агенција Чо Тае Јонг изјави дека како негов најверојатен наследник ја гледа ќерката на севернокорејскиот лидер Ким Џонг-ун, Џу-ае.
Џу-ае, за која се верува дека е родена во 2013 година, се најде во центарот на вниманието кога татко ѝ ја донесе интерконтиненталната балистичка ракета „Хвасонг-17“ на местото за лансирање на 18 ноември 2022 година за време на нејзиниот прв јавен настап, објави „Јонхап“.
Оттогаш, нејзините јавни активности се фокусирани на воени настани. Севернокорејските државни медиуми почнаа да ја нарекуваат Џу-ае почитуваната ќерка на Ким наместо неговата сакана или најомилена ќерка, што ги поттикна шпекулациите дека таа се подготвува да биде наследничка на Ким.
„Врз основа на анализите на нејзините јавни активности и нивото на почит од моментот на нејзиното појавување во јавноста, се чини дека Ким Џу-ае, најверојатно, ќе биде наследничка“, рече Тае Јонг.
Сепак, тој рече дека се отворени сите можности кога станува збор за наследување на власта во Северна Кореја бидејќи сегашниот лидер на Северна Кореја е сè уште млад и очигледно нема здравствени проблеми, а има и други роднини што би можеле да го наследат.
Премногу е рано да се каже дали Ју-ае би можела да биде наследничка на Ким Џонг-ун бидејќи Северна Кореја е патријархално општество во кое доминираат мажи.
Се верува дека Ким има уште едно дете, чиј пол не е познат.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
(Видео) Возел џип на плажа, па почнал хаосот: полицаец спречил поголема катастрофа
![](https://makfax.com.mk/wp-content/uploads/2024/07/Screenshot_9.jpg)
Полицаец скокнал во автомобил во движење за да спречи пијан возач и на тој начин да спречи трагедија.
На плажа во рускиот град Краснојарск во Сибир се појави џип управуван од пијан маж.
🚔 Policajac heroj uskočio u automobil u pokretu kako bi zaustavio pijanog vozača
🏖 Na plaži u Krasnojarsku se pojavio terenac kojim je upravljao pijani muškarac i uleteo pravo među prestravljene turiste.
🚨 Kako bi ga zaustavio, policajac je sustigao automobil, otvorio zadnja… pic.twitter.com/Qhglt8aqbk
— Sputnik Србијa (@rs_sputnik) July 5, 2024
Со својот автомобил тој влетал право во преплашените туристи, а потоа во реката, пренесуваат локалните медиуми.
За да го спречи, полицаецот го стигнал автомобилот, ја отворил задната врата, скокнал во патничкиот простор и го принудил возачот да застане.
Ја спречил трагедијата и смртта на невините туристи кои скаменети ја гледале шокантната сцена.
Европа
Сопругата на шпанскиот премиер на суд под обвинение за корупција и вршење влијание
![](https://makfax.com.mk/wp-content/uploads/2024/07/begona-pedro-sancez.jpg)
Бегона Гомез, сопруга на шпанскиот премиер Педро Санчез, денеска се појави пред судот во Мадрид за да одговори на прашања поврзани со наводите за корупција и вршење влијание во случајот поради кој нејзиниот сопруг размислуваше да поднесе оставка во април.
Сослушувањето во петок е дел од прелиминарната истрага за тоа дали Гомез ја злоупотребила својата позиција како сопруга на премиерот за да влијае на нејзините деловни активности, соопшти судот пред сослушувањето.
Ниту Гомез ниту нејзиниот адвокат не разговараа со новинарите надвор од судницата пред Гомез да се појави зад затворени врати пред судијата, кој по неколку минути го одложи рочиштето за 19 јули.
Гомез јавно не го коментираше случајот, но Санчез постојано остро ги отфрли обвинувањата против неговата сопруга, велејќи дека тие се неосновани и оркестрирани од неговите десничарски политички ривали.
Европа
Украина: Соборивме 32 руски беспилотни летала во текот на ноќта
![](https://makfax.com.mk/wp-content/uploads/2024/07/ukrainska-vojska1.jpg)
Воздухопловните сили на Украина соопштија дека ги собориле сите 32 беспилотни летала лансирани од Русија во напад во текот на ноќта од четврток до петок.
Украинската армија собори беспилотни летала во седум региони, објавија тие на Телеграм. Три беспилотни летала беа соборени над јужниот регион на Миколаев, а уште три над регионот Дњепропетровск, според гувернерите на тие региони.
Last night, Ukraine's air defense took down 32 of 32 Russian-Iranian Shahed kamikaze drones, according to the Ukrainian Air Force. pic.twitter.com/rTr8Pe3Drb
— BREAKING NEWS: UKRAINE (@MrFukkew) July 5, 2024
Гувернерот на регионот Киев објави дека противвоздушната одбрана соборила и беспилотни летала во раните утрински часови во петокот.
Ројтерс сè уште не ја потврди независно оваа информација.