Американските и руските делегации денеска пристигнаа во Истанбул на разговори за нормализирање на работата на нивните дипломатски претставништва, откако војната во Украина го предизвика најголемиот конфликт меѓу Москва и Западот од Студената војна.

На снимката на Ројтерс се гледа како неколку автомобили влегуваат во дворот на рускиот конзулат во центарот на Истанбул.

Разговорите ќе ги водат новиот руски амбасадор во Вашингтон, Александар Дарчиев и заменик-помошникот државен секретар на САД, Соната Колтер, соопшти руското МНР.

🇷🇺🇺🇸 Russian delegation, helmed by Ambassador to the US Alexander #Darchiev arrives at the @rusya_istanbul — venue for the consultations with the US delegation, headed by Sonata #Coulter, DAS of State for Russia & Central Europe, which will be begin shortly.

📍 Istanbul, Türkiye pic.twitter.com/6lbbp5vt1h

— MFA Russia 🇷🇺 (@mfa_russia) April 10, 2025

Главниот фокус, велат Москва и Вашингтон, е обновувањето на дипломатските мисии по долгогодишни расправии, меѓусебни тврдења за заплашување, па дури и замрзнување на дипломатските средства меѓу двете нуклеарни сили.

„Украина не е, апсолутно не е на дневен ред“, изјави во вторникот портпаролката на Стејт департментот Тами Брус.

„Овие разговори се единствено фокусирани на работата на нашите амбасади, а не на нормализацијата на билатералните односи во целина, што може да се случи, како што рековме, само кога ќе се воспостави мир меѓу Русија и Украина“.

И Москва и Вашингтон во последниве години се жалеа на тешкотии при добивање акредитиви за нивните дипломати, што ја отежнува работата на нивните амбасади, пренесува медиумот.

Русија сподели дека дури и плаќањето на дипломатите стана тешко поради западните ограничувања, додека американските дипломати велат дека нивното движење во Русија е ограничено. Двете страни се пожалија на заплашување.

Во прашање е и дипломатскиот имот.

Вашингтон стави шест руски имоти под ограничувања, вклучувајќи го имотот Киленворт на Лонг Ајленд, руската традиционална куќа за одмор во Мериленд, руските конзулати во Сан Франциско и Сиетл и трговските мисии во Вашингтон и Њујорк.

Руско-американската државјанка Ксенија Карелина, која беше осудена на 12 години затвор во Русија за донирање 51,80 долари за украинска добротворна организација во САД, утринава беше предадена на американските власти во размена на затвореници со Москва.

Акцијата се случила рано утринава на територијата на Обединетите Арапски Емирати, поточно во Абу Даби. Убавата Ксенија им беше предадена на Американците во замена за Артур Петров.

Ксенија беше уапсена на почетокот на 2024 година во Јакетеринбург, додека ги посетувала нејзините баба и дедо.

Ксенија Карелинa живеела во Лос Анџелес и вежбала балет до нејзиното апсење, а американско државјанство добила во 2021 година.

Таа отиде во Русија во јануари 2024 година за да ги посети роднините, но САД дознаа за нејзиното апсење дури на 8 февруари. Крис Ван Херден, момчето на Ксенија, претходно изјави за CNN дека и купил билет за Русија како роденденски подарок. Тој рече дека таа е „горда што е Русинка и не гледа вести“. Меѓутоа, веднаш штом пристигнала на руска територија, била уапсена, а подоцна осудена за помагање на Украина.

Да потсетиме, руската Федерална служба за безбедност (ФСБ) ја обвини Ксенија Карелинa за учество во „јавни акции за поддршка на режимот во Киев“.

Австриската министерка за европски прашања, Клаудија Плаколм, член на Австриската народна партија, побара да се забрза проширувањето на Европската Унија. „Во Западен Балкан, конечно, мора да има конкретни чекори што ќе ги почувствува населението“, рече таа во интервју за АПА.

Таа се надева дека ЕУ ќе ги добие првите кандидати за членство во следните неколку години“, а најдоцна до 2030 година. А земајќи ја предвид агресивната трговска политика на американскиот претседател Доналд Трамп, таа смета дека Европа мора сама да преземе иницијатива наместо само да се надева.

Плаколм истакнува дека „повеќе од 20 години се зборува за Западен Балкан, но без значителен напредок, бидејќи најчесто соседните земји го блокираат процесот“. Во овој контекст, таа е отворена за можноста за ограничување на правото на вето во рамките на ЕУ.

„Покорисно би било кога би можеле да преземеме некои чекори побргу и да се вратиме на едногласност само на крајот од процесот. Но, сепак мислам дека е важно да се најде договор за клучните прашања и да се води дијалог“.

ЕУ ризикува да го изгуби кредибилитетот на Западен Балкан, предупредува таа.

„Постои опасност дека ако ја пропуштиме европската интеграција, Западен Балкан ќе стане играчка на другите глобални сили“, рече таа веројатно алудирајќи на влијанието на Русија и Кина.

„Се чувствува, особено кога ќе погледнеме назад на демонстрациите во Србија, дека населението е повеќе од кога било подготвено за реформи, за европска интеграција и дека сега, конечно, му требаат конкретни подобрувања. Се гледа дека тоа го поддржуваат младите луѓе, студентите што излегуваат на улица и имаат барања за политичарите“, објасни министерката.

Плаколм се залага за постепена интеграција на понапредните кандидати во ЕУ преку вклучување во програмите на ЕУ.

„Веќе сега можеме да одиме чекор по чекор и да се шириме или да почнеме европски програми во земји што се веќе на вистинскиот пат“, рече таа.

Земјите што ги смета за најнапредни се Црна Гора, Северна Македонија и Албанија. На прашањето дали би можеле да станат членки до 2030 година, таа одговори: „Се надевам, би го сакала тоа“.

За кандидатскиот статус на Украина, вели дека тоа е геополитичка одлука.

„Јасно е дека ја поддржуваме Украина како Австрија и како ЕУ бидејќи на 24 февруари 2022 година беше нападната земја на европска почва. И приближувањето до нашите европски принципи, нашите вредности, може да бидат само од корист. Но, дури и ако војната против руската агресија заврши навргу, Украина нема да биде подготвена да стане членка на Европската Унија преку ноќ“, рече министерката. Таа потсети дека процесот за некои земји траел повеќе од 20 години.

„Во овој поглед, Западен Балкан е далеку пред Украина“.

Плаколм не реагира позитивно на предлогот за членство на Канада во ЕУ, што го предложи поранешниот германски министер за надворешни работи, Зигмар Габриел, силен противник на идеите на Трамп за анексија: „Веќе има доволно кандидати што чекаат“. Сепак, смета дека ЕУ треба да ги зајакне меѓународните партнерски односи – вклучително и со Канада.

Зборувајќи за сегашните глобални турбуленции, кои, меѓу другото, беа предизвикани од трговската политика на Трамп, Плаколм повика на зајакнување на европската самодоверба: „Важно е Европа да не се повлече, да го зајакнеме стратешкиот суверенитет, да не зависиме од милоста на другите и да нè гледаат како силен глобален играч, а не како пион“.

ЕУ го спореди со „стар брод што стои на море и чека поволен ветер“, додавајќи дека „можеме самите да ги свртиме едрата за да го искористиме ветрот“.

Плаколм го поздравува планот на Европската комисија за зајакнување на европската одбрана.
„Мило ми е што ја преземаме одговорноста да се зајакнеме, особено во однос на одбраната, Австрија, во согласност со својот Устав, ќе ги искористи сите расположливи можности, особено финансиските.

Зборувајќи за буџетот на ЕУ по 2027 година, таа истакна дека Австрија, која во моментот се бори со висок буџетски дефицит, ќе продолжи да се залага за штедлив пристап.

„Нашата позиција останува непроменета бидејќи и нашиот статус како нето-придонесувач во Европската Унија исто така ќе остане непроменет. Затоа, се разбира, се залагаме за внимателна и претпазлива употреба на финансиските ресурси на Европската Унија. Би имало одреден потенцијал за ефикасност и заштеда доколку помалку се губиме во детали и ситници.