Свет
Најмалку осум жртви на бурата Кјара во Европа

Најмалку осум луѓе загинаа во налетот на невремето, проследено со обилен дожд и силен ветер, кое ги погоди северните делови на Европа.
На удар се најде и Корзика, каде што ветерот достигнал брзина и до 200 километри на час. На Корзика избил шумски пожар против кој се борат 300 пожарникари. Две пристаништа се затворени, а летовите откажани. Речиси 2.000 домаќинства останале без електрична енергија.
Невремето Кјара погоди и други делови на Европа. Силен ветер ги зафати југот на Германија и Австрија.
Во северна Баварија, каде што ветерот достигнал брзина до 160 километри на час, невремето произвело рекордна количина електрична енергија.
Во североисточниот дел на Германија се очекува ново невреме, кое најпрвоин ќе удри кај балтичкиот брег, а се очекува и пороен дожд. Невреме се очекува и во Франција и Белгија.
Смртни случаи се регистрирани во Полска, Шведска, Велика Британија, Словенија, Германија и во Чешка.
Вo Полска има три жртви. Мајка и ќерка загинале кога се урнал објект за изнајмување ски-опрема во местотo Буковина Татранска во близина на границата со Словачка, а третата жртва бил нивен роднина.
Во Шведска маж се удавил кога се превртел чамецот во кој бил со уште едно лице, кое се води како исчезнато.
Во Словенија загинале две лица, а на југот на Англија едно лице. Жртвите настрадале кога дрва се урнале на нивните автомобили.
Во Германија загинал возач на камион кога удрил во паркирана приколка на работници кои го чистеле автопатот во покраината Хесен.
Во Чешка едно лице загинало во сообраќајна несреќа кога, најверојатно, дрво паднало на неговото возило.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Стаб: Се надевам дека кај Трамп наскоро ќе го снема трпението за Путин

Финскиот претседател Александар Стаб денес изјави дека се надева дека трпението на американскиот претседател Доналд Трамп со рускиот претседател Владимир Путин наскоро ќе исчезне и додаде дека европските земји ќе продолжат да се залагаат за траен мир во Украина.
Според него, единствениот начин да се принуди Путин да ја заврши војната во Украина е преку неговите сојузници, со проценка дека оние кои можат да го убедат рускиот претседател да постигне примирје се на Истокот, објавува „ Ile“.
Финскиот претседател, исто така, рече дека го предупредил Трамп дека Путин користи „типични руски тактики на одложување“ за да избегне средба со украинскиот претседател Володимир Зеленски.
Фото: принтскрин
Свет
Мерц: Германија нема да ја признае палестинската држава на Генералното собрание на ОН

Германскиот канцелар Фридрих Мерц денес изјави дека Германија нема да се придружи на иницијативата на западните сојузници за признавање на палестинска држава на Генералното собрание на Обединетите нации следниот месец.
Мерц го објави ова на заедничка прес-конференција со канадскиот премиер Марк Карни, кој минатиот месец изјави дека Канада планира да ја признае државата Палестина на Генералното собрание, по слични најави од Франција и Велика Британија, пренесува Ројтерс.
„Ставот на федералната влада е јасен, во врска со евентуалното признавање на државата Палестина. Канада го знае тоа. Ние нема да се придружиме на оваа иницијатива. Не гледаме дека условите се исполнети“, рече Мерц.
Фото: принтскрин
Свет
(Видео) Протести во Израел за прекин на огнот во Газа, блокиран главниот автопат во Тел Авив

Израелците денес излегоа на улиците на протести барајќи итно ослободување на заложниците и прекин на огнот во Газа.
Демонстрации и блокади на патиштата беа одржани во целата земја. Главниот автопат во близина на Тел Авив беше блокиран, а демонстрантите палеа гуми на патот северно од крајбрежниот град.
We are NOT our government!
Once again, this morning, Israelis flood the streets, blocking all major highways and blocking the homes of the war criminals – the illegal Israeli government.
End the war now!
Bring them home now!
Stop the atrocities in Gaza now! pic.twitter.com/w2E24VYp4j— Ami Dror 🇮🇱 עמי דרור (@AmiDror) August 26, 2025
Форумот на заложници и исчезнати семејства повика на разни протестни акции со слоганот „Израел стои заедно“. Голем протест е планиран за вечер на плоштадот во центарот на Тел Авив.
Демонстрантите го обвинуваат израелскиот премиер Бенјамин Нетанјаху за продолжување на војната од политички причини. Неговите крајнодесничарски коалициски партнери, од кои зависи неговиот политички опстанок, се спротивставуваат на прекинот на огнот.
Thousands of Israelis are blocking all major highways today demanding:
✊ End the war!
✊ Bring them home!
✊ End the Gaza atrocities!We are not our government!
🎥 Yair Palti pic.twitter.com/i4oaBM3zzj— Ami Dror 🇮🇱 עמי דרור (@AmiDror) August 26, 2025
Пред нешто повеќе од една недела стотици илјади Израелци изразија солидарност со заложниците за време на масовен протест.
Вкупно 50 заложници сè уште се држат во Појасот Газа, од кои се верува дека 20 се живи.
Исламистичката терористичка организација Хамас објави дека се согласила со новиот предлог за прекин на огнот поднесен од Египет и Катар, кои посредуваат во конфликтот.
Според медиумските извештаи, ова е ревидирана верзија на претходно договорениот предлог на специјалниот претставник на САД, Стив Виткоф. Планот вклучува 60-дневен прекин на огнот, во кој првично би биле ослободени десет живи заложници во замена за палестински затвореници.