Свет
Најмалку петмина загинати во експлозија во регионот Баго во Мјанмар
Најмалку пет лица, меѓу кои тројца поранешни полицајци и пратеник, се убиени во експлозија во регионот Баго во Мјанмар, објави порталот за вести „Мјанмар нау“, повикувајќи се на свои извори.
„Колку што знам, експлозијата се случила кога отвориле пакет“, вели извор кој сакаше да остане анонимен.
Bomb attack in #Myanmar: 5 killed
▪️5 people were killed in a bomb attack targeting a lawmaker in Myanmar's Bago state.
▪️A lawmaker, three policemen and a civilian were killed in the explosion. pic.twitter.com/2oB3rrjnC1— EHA News (@eha_news) May 4, 2021
Четвртиот поранешен полицаец, наводно, е критично повреден и е пренесен во болница.
Според „Мјанмар нау“, силната експлозија погодила куќа во селото Зи Оке, во која се криеле полициските дезертери и пратеник од Националната лига за демократија по воениот удар во февруари. Петтата жртва на експлозијата е сопственик на куќата.
На 1 февруари, војската во Мјанмар ја собори цивилната влада и прогласи вонредна состојба во траење на една година. Пучот предизвика масовни протести и беше пречекан со смртоносно насилство, што резултираше во смрт на неколку стотици луѓе.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
„Тик ток“ укинува стотици работни места, ја користи вештачката интелигенција
Социјалната мрежа „Тик ток“ соопшти дека укинува стотици работни места бидејќи се фокусира на зголемена употреба на вештачка интелигенција во модерирање на содржината.
Отпуштањата најмногу се однесуваат на персоналот во Малезија, каде првично беа пријавени повеќе од 700 работни места, но Тик Ток подоцна соопшти дека помалку од 500 вработени ќе бидат отпуштени, јави South China Morning Post.
Вработените, од кои повеќето биле ангажирани во операции за модерирање, биле известени за отпуштањата преку електронска пошта.
Свет
Иран ја поништи смртната казна на активистката за работнички права, Мохамади
Врховниот суд на Иран ја укина смртната казна на активистката за работнички права Шарифе Мохамади.
Нејзиниот адвокат вели дека казната на Мохамади ќе биде преиспитана во ново судење. Мохамади беше приведена во декември минатата година и оттогаш беше сместена во повеќе затвори. Револуционерниот суд во јули ја осуди Мохамади на смрт за вооружен отпор против Исламската Република.
Мохамади беше активна во одбрана на работничките права во иранската провинција Гилан.
Регион
Пронајдено телото на уште една жртва од поплавите во БиХ, операцијата за извлекување е во тек
Уште една жртва од минатонеделните катастрофални поплави е пронајдена во областа Коњиќ, така што бројот на загинати само во Херцеговско-неретванскиот кантон се искачи на 21. Операцијата за спасување е во тек.
Покрај 21 загинат во оваа област, тројца загинаа во Фојница, така што во БИХ досега се евидентирани вкупно 24 жртви од поплавите, пренесува Н1.
Откако ќе заврши извлекувањето на телото, ќе следи идентификација, изјави за Н1 градоначалникот на Коњиќ, Осман Ќатиќ.
Се трага по телата на уште три исчезнати лица во Јабланица, а по едно во Коњиќ.