Свет
Најмалку 12 загинати во верижен судир на камион и автобус во Индија
Најмалку 12 лица загинаа, а 30-ина се повредени во верижен судар меѓу камион натоварен со јаглен и автобус во средата во областа Голагат во индиската држава Асам, соопшти полицијата, пренесе PTI.
Несреќата се случила утрово кога автобус со 45 патници се судрил со камион, изјави началникот на полицијата во Голагат, Рајен Синг, за PTI.
„Досега загинаа 12 лица. Повредените се пренесени во болница“, рече тој.
Премиерот Нарендра Моди изрази сочувство за загубата на животите во несреќата.
„Сочувство до семејствата на загинатите. Нека повредените оздрават што побргу. Локалната администрација дава секаква можна помош за настраданите“, соопштија од кабинетот на премиерот во објава на Х.
Виш лекар на Медицинскиот факултет и болницата „Џорхат“ за новинарите изјави дека состојбата на некои од повредените е критична.
Во меѓувреме, министерот за транспорт нареди истрага за инцидентот и побара од првите луѓе на неговиот оддел да стигнат до местото на несреќата во областа Голагат.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Америка подигa бодликава жица на границата со Мексико пред инаугурацијата на Трамп
Агентите на американската гранична патрола вчера подигнаа бодликава жица меѓу градот Ел Пасо во Тексас и неговиот мексикански сосед Сиудад Хуарез, забележа репортер на АФП.
Агентите на Царината и граничната заштита (ЦБП), исто така, спроведоа безбедносни вежби во близина на меѓународниот мост што ги поврзува двата града, што беше забележано три дена пред инаугурацијата на Доналд Трамп, кој се враќа во Белата куќа во понеделник.
Минувањето на автомобили беше во прекин 40 минути.
„Ова е второ затворање што го гледам за една недела“, изјави за АФП Јадира Мартинез, корисник на меѓународниот мост.
По неговата победа, Трамп рече дека сака да прогласи национална вонредна состојба за да го спроведе својот план за масовно протерување мигранти и дека има намера да ги искористи вооружените сили за тоа.
„Закана број еден за нашата внатрешна безбедност е јужната граница со Мексико#, изјави вчера Кристи Ноем, која новоизбраниот претседател ја назначи за шеф на американското Министерство за домашна безбедност, посебно одговорна за контрола на имиграцијата.
Свет
„Тик-ток“: Утре се гаснеме во Америка
„Тик-ток“ синоќа предупреди дека ќе биде принуден да престане со работа во САД утре, освен ако не добие јасна изјава од Белата куќа за својата иднина.
Ова се случува откако Врховниот суд го потврди законот со кој се забранува Тик-ток во Соединетите држави поради национална безбедност, освен ако кинеската матична компанија „Бајт денс“ не го продаде на одобрен американски купувач, што компанијата го одбива.
Со оваа одлука, популарната апликација за кратки видеа е во опасност утре да исчезне.
Судската одлука ги фрла платформата и нејзините 170 милиони американски корисници во неизвесност, а нејзината судбина во рацете на Доналд Трамп, кој вети дека ќе го спаси ТикТок откако ќе се врати на претседателската функција во понеделник.
Свет
Израел ќе ослободи 737 палестинци во замена за заложниците
Израел ќе ослободи 737 палестински затвореници во замена за првите израелски заложници, што е првата фаза од договорот за прекин на огнот во Појасот Газа одобрен од израелската влада, објави Министерството за правда.
Како дел од првата фаза од договорот за прекин на огнот меѓу Израел и Хамас во Газа, Владата одобрува ослободување на 737 затвореници и притвореници, се вели во соопштението на Министерството.
Меѓу затворениците што се очекува да бидат ослободени е и Закарија Зубеиди, одговорен за неколку напади врз израелски цивили и поранешниот водач на бригадите Ал Акса, вооруженото крило на партијата Фатах, кој избега од израелски затвор во 2021 година.