Свет
Најмалку 144 лица загинаа, а 732 се повредени во земјотресот во Мјанмар

Најмалку 144 лица загинаа, а 732 се повредени во земјотресот што рано денеска го погоди Мјанмар, јави мјанмарската државна телевизија МРТВ.
Се стравува дека бројот на загинати и повредени е многу поголем, изјави за телевизијата лидерот на воената хунта во Мјанмар, Мин Аунг Хлаинг.
„По земјотресот ги отворивме патиштата за меѓународна помош“, рече тој.
Силен земјотрес со јачина од 7,7 степени според Рихтеровата скала утрово го погоди централниот дел на Мјанмар, а беше почувствуван и во Тајланд, Лаос, Индија и Кина.
Американскиот геолошки институт (USGS) објави дека епицентарот на земјотресот бил на 16 километри северозападно од градот Сагаинг на длабочина од десет километри.
Десет минути подоцна, Мјанмар го погоди уште еден земјотрес, но нешто поблаг, со јачина од 6,4 степени според Рихтеровата скала.
Силни земјотреси се проширија на Тајланд и Јунан во југозападна Кина, а видеата на социјалните мрежи покажуваат оштетувања на зградите во Бангкок.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Зеленски: На прекин на огнот ќе одговориме со прекин, а на напади со напади

Украинскиот претседател Володимир Зеленски изјави дека Русија не била способна да одговори ниту на предлогот за 30-дневно примирје по Велигден, ниту на поограничената верзија на примирјето.
Тој истакна дека Русија речиси 3.000 пати го прекршила сопствениот прекин на огнот за време на Велигден.
„Овој ден не беше доволен за Москва да одговори ниту на предлогот за целосно 30-дневно примирје по Велигден, ниту на предлогот барем да се продолжи примирјето на небото, со воздржување од ракетни и беспилотни напади врз цивилната инфраструктура“, напиша Зеленски на платформата „Икс“.
„Природата на украинските дејствија ќе остане симетрична: ние ќе одговориме на прекин на огнот со прекин на огнот, а на руските напади – со нашите сопствени, во одбрана. Дејствата секогаш зборуваат погласно од зборовите“, рече тој.
Европа
(Видео) Вака папата Франциско се молеше сам на дожд

Меѓу неговите многубројни должности и одлуки, покојниот папа Франциско особено уживаше во друштвото на другите луѓе, црпејќи енергија од средбата со нив и возвраќајќи им ја наклонетоста со зборови на охрабрување или едноставно со грижлива насмевка, пишува „Ватикан Њуз“.
Папата Франциско сакаше да биде меѓу луѓето. Тоа беше видливо секоја среда наутро на општите аудиториуми, како и кога тој се појавуваше напладне во недела на прозорецот од својата работна соба во Апостолската палата и се молеше на Ангелот Господов. Иако беше физички оддалечен од собраните на плоштадот Свети Петар, весело мавташе и поздравуваше бројни групи верници, пренесува „Ватикан Њуз“.
Кога избувна пандемијата на коронавирус, а Ватикан беше затворен за јавноста, папата служеше миса секое утро во 6 часот во капелата на неговата резиденција што беше емитувана од Дикастеријата за комуникации преку социјалните медиуми, телевизија и радио. На секоја миса, тој се молеше за различни групи погодени од пандемијата – од медицински персонал до наставници и затвореници.
🔴#Covid 5 anni fa la “Statio Orbis” di #PapaFrancesco in Piazza #SanPietro.
👉Era il #27marzo 2020 nel pieno della pandemia e la preghiera del #Papa da solo, sotto la pioggia, in una Piazza San Pietro deserta fa il giro del mondo.
👉Accanto a lui il #Crocifisso di San Marcello… pic.twitter.com/xcMT5JrQcU— Tv2000.it (@TV2000it) March 27, 2025
„На 27 март 2020 година, папата Франциско го одржа историскиот Статио Орбис: сам на пуст и дождлив плоштад Свети Петар, благословувајќи го целиот свет со Светата Тајна, нудејќи го Христос како единствен извор на живот и надеж во момент на голема глобална неизвесност“, пишува „Ватикан Њуз“.
Регион
Вучиќ: Папата Франциско ќе биде вечна инспирација

Светот изгуби исклучителен духовен водач кој ширеше љубов, мир и солидарност преку своето апостолско дело, објави денеска српскиот претседател Александар Вучиќ по повод смртта на папата Франциско, оценувајќи дека животот на папата посветен на верата, љубовта и служењето на другите треба да биде инспирација за целиот свет.
На платформата Х, Вучиќ истакна дека работата на папата Франциско за зајакнување на меѓурелигискиот дијалог и неговата посветеност на хуманизмот оставиле неизбришлива трага во историјата. „Папата Франциско беше гласник на надежта и помирувањето, секогаш во служба на најранливите, а неговото заминување е загуба и тага за сите нас, бидејќи својот живот го посвети на верата, љубовта и служењето на другите. Тој ќе биде вечна инспирација за сите нас“, рече тој.
Вучиќ, во име на граѓаните на Република Србија и во свое лично име, изрази длабоко сочувство до Римокатоличката црква и до сите верници ширум светот. „Нека му е вечна слава“, напиша тој на социјалната мрежа Икс.