Таткото на Австралијката Холи Боулс (19), една од шесте туристи кои починаа од труење со метанол во Лаос минатиот месец, во интервју за Би-Би-Си изјави дека бил во неверување кога сфатил дека неговата ќерка нема да преживее.

Медиумот потсетува дека, тиинејџерката патувала низ Југоисточна Азија со својата најдобра пријателка Бјанка Џонс. Тие се разболеле откако испиле алкохол за кој се верува дека е контаминиран со метанол. Бјанка почина на 21 ноември, а Холи еден ден подоцна.
На крајот, во малото туристичко гратче Ванг Виенг загинаа вкупно шест туристи. Сите пиеле контаминирани алкохолни пијалоци, имено вотка, за која се верува дека содржела смртоносна количина на метанол.

Процесот на тагување, рече таткото на Холи, бил олеснет поради фактот што тој е најдобар пријател со таткото на Бјанка, Марк. Тие двајца пред 25 години патувале и во Тајланд.

„Едноставно е бизарно да се помине низ истото со вашиот најдобар пријател. Самото тоа што сме заедно и само разговараме ни помага да ги поминеме деновите“, рече тој.

Патувањето на Холи беше планирано за да го прослави нејзиното дипломирање, а од почетокот Шон разговараше со неа на секои неколку дена.

Холи и Бјанка биле пренесени во болница откако не успеале да се одјават од хостелот Нана Бакер, каде што биле пронајдени во несвест.

Шон и неговото семејство добиле информација дека Холи и Бјанка не се чувствуваат добро преку пријателите на девојките.

„Кога добивате информации од втора рака. Навистина беше тешко да се сфати точно во каква состојба е“, рече тој.

Тој и таткото на Бјанка, Марк, излетале следниот ден, дотогаш девојчињата биле во болница во Удон Тани, преку границата од Лаос во Тајланд.

„Таа едноставно беше полна со живот. Беше самоуверена, полна со љубов, беше вистинска пријателка. Таа беше сè што сакате да биде вашата ќерка”, рече Шон.

Сега, вели Шон, неговиот фокус е на подигање на свеста за труење со метанол кај другите млади луѓе кои патуваат низ Југоисточна Азија.

„Ние апсолутно сакаме кој е одговорен за ова да биде изведен пред лицето на правдата и ќе направиме се што можеме за да се осигураме дека тоа ќе се случи“, рече тој.

Останатите четири жртви се Симон Вајт, 28-годишна адвокатка од Велика Британија, Џејмс Луис Хатсон, 57-годишен Американец и две жени од Данска, Ен-Софи Оркилд Којман (20) и Фреја Венервалд Соренсен (21). ). Досега се уапсени осум лица.

Израел ќе остане на стратешка локација, планината Хермон на сириската граница, додека не се постигне друг договор, најави премиерот Бенјамин Нетанјаху.

Израелските сили ја окупираа планината Хермон по падот на владата на сирискиот претседател Башар ал Асад овој месец, влегувајќи во демилитаризирана зона меѓу Сирија и Голанската висорамнина, претходно окупирана од Израел.

Официјални лица го опишаа потегот како ограничена и привремена мерка за обезбедување на границите на Израел, но не посочија кога армијата би можела да се повлече, а министерот за одбрана Израел Кац минатата недела им нареди на војниците да се подготват да останат на планината Хермон во текот на зимата.

Вчера Нетанјаху отиде на локацијата на оперативен брифинг со воените команданти и безбедносните службеници.

„Ние ја задржуваме оваа проценка за да одлучиме за распоредување на ИДФ на оваа важна локација додека не се најде друг договор кој ќе овозможи безбедност за Израел“, рече тој во изјавата објавена од неговата канцеларија доцна синоќа.

Преминот на Израел во тампон зоната создадена по арапско-израелската војна во 1973 година беше критикувана како кршење на меѓународните договори од многу земји и Обединетите нации, кои повикаа на повлекување на израелската армија.

Повеќе од 30 луксузни хотели и висококатници долж плажите на Јужна Флорида тонат на неочекуван начин, покажува новото истражување.

Научниците од Универзитетот во Мајами изјавија дека 35 структури по должина од 20 километри, од Мајами Бич до Сани Ајлс Бич, потонале за два до осум сантиметри. Според студијата, околу половина од тие објекти се стари помалку од една деценија, а во некои случаи потонувањето може да биде поврзано со изградбата во близина.

Не е невообичаено зградите да потонат малку брзо по изградбата, но научниците беа изненадени од нивното откритие бидејќи некои од промените се случија само неколку години по изградбата.

„Откривањето на обемот на жариштата на потонување долж јужниот брег на Флорида беше неочекувано“, рече Фарзане Азиз Занјани, главен автор на студијата.

„Студијата ја нагласува потребата за тековно следење и подлабоко разбирање на долгорочните импликации за овие структури“, додаде тој.

Студијата го вклучила и градот Сурфсајд, каде се урна зграда во 2021 година, при што загинаа 98 луѓе. Се верува дека колапсот е предизвикан од пропаѓањето на армиран бетон поради лошо одржување и неисправен дизајн.

Тој инцидент ја истакна потребата за следење на стабилноста, „особено во крајбрежните области со корозивни еколошки услови“, велат научниците. До придвижување може да дојде поради тежината на облакодерите и вибрации. Плимните струи исто така играат улога.

Сателитските снимки кои се користат за снимање на промените покажуваат дека тонењето е најзабележливо во близина на зградите на Сани Ајлс Бич. Прелиминарните податоци укажуваат и на тонење по плажите на окрузите Бровард и Палм Бич, кои се посеверно.