Свет
Најмалку 37 загинати во моќниот земјотрес кој ги погоди индонезиските острови
Најмалку 37 лица загинаа во земјотресот со јачина од 7 степени според Рихтеровата скала кој ги погоди индонезиските острови Бали и Ломбок, пренесе „Си-ен-ен“.
Силниот потрес предизвикал локалните жители и туристите во паника да ги напуштат домовите, хотелите и рестораните.
Сите жртви биле на островот Ломбок, информира Хаџи Рум, шеф на Агенцијата за управување со катастрофи. Тој бројката на загинати ја соопшти во интервју за индонезиската телевизија „Метро“ и рече дека сите загинати биле убиени поради рушење на нивните домови.
Рум додаде дека 28 од смртните случаи се регистрирани во северениот дел на островот Ломбок. Останатите биле пријавени на други делови од островот.
Официјалните претставници не го потврдуваат бројот на повредени лица во земјотресот, изјави Рум, додавајќи дека пациентите од болниците биле преместени на отворено како мерка на претпазливост од нови, последователни потреси. Тој истакна и дека делови од Ломбок останале без електрична енергија.
Епицентарот на земјотресот се наоѓал на длабочина од 15 километри во близина на северниот брег на Ломбок, а бил почувствуван и на Бали. Само пред една недела, на Ломбок беше регистриран земјотрес со јачина од 6,4 степени според Рихтеровата скала, пренесе „Ројтерс“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Русија нема сила повторно да го нападне Киев, изјави Зеленски за АФП
Претседателот на Украина, Володимир Зеленски во интервју за Агенцијата Франс прес (АФП) изјави дека не верува оти Русија има сила повторно да го нападне Киев.
Тие немаат сила за голема офанзива против главниот град, како што имаа на почетокот на инвазијата, посочи Зеленски додавајќи оти главни цели на Кремљ се Харков и Донбас.
Тој ги обвини западните земји што му забраниле да ја нападне Русија со нивното оружје.
„Русите можат да не нападнат на наша територија, тоа е најголемата предност што ја има Русија, но ние не можеме да направиме ништо со западното оружје на нивните вооружени системи лоцирани на руска територија. Немаме право“, вели Зеленски.
Според него, Западот се плаши и од руски и од украински пораз и оваа ситуација ја нарече апсурдна.
„Ние сме во апсурдна ситуација кога Западот се плаши дека Русија ќе ја изгуби војната. А во исто време тие не сакаат Украина да ја изгуби. Затоа што конечната победа на Украина ќе доведе до пораз на Русија и конечна победата на Русија ќе доведе до пораз на Украина“, истакна Зеленски.
Регион
Пленковиќ, хрватскиот премиер кој доби трет мандат најави прва седница за понеделник
Откако хрватскиот Сабор вчера ја поддржа 16. Влада на Република Хрватска, а третата предводена од лидерот на Хрватската демократска заедница (ХДЗ) Андреј Пленковиќ, тој во изјава за медиумите рече дека првата седница на новата Влада ќе биде во понеделник и најави продолжување на посветената работа во интерес на хрватскиот народ.
„Благодарам на мнозинството во хрватскиот Сабор што ни ја укажа довербата да станеме Влада на Република Хрватска по трет пат и ние, како што правевме претходните осум години, посветено ќе работиме во интерес на хрватскиот народ, сите наши сограѓани, економијата, врската меѓу татковината и иселениците Хрвати и да спроведеме програма врз основа на која ја добивме довербата на хрватските гласачи“, рече Пленковиќ откако Собранието гласаше за неговата трета Влада
Тој им се заблагодари на сите партнери кои ја поддржаа Владата.
Пратениците во хрватскиот Сабор вчера гласаа за доверба на новата влада на премиерот Андреј Пленковиќ.
За доверба на Владата гласаа 79 пратеници, против беа 61 пратеник, а еден беше воздржан.
Свет
Убиени тројца странски туристи и еден Авганистанец
Вчера од вооружени лица во централен Авганистан се убиени тројца странски туристи и еден Авганистанец, а четворица странски државјани и тројца Авганистанци се ранети, соопшти талибанското Министерство за внатрешни работи.
Според светските агенции не е позната националноста на туристите, ниту кој го извршил нападот за кој што се уапсени четири лица.