Свет
Најмалку 80 загинати во пожарите на Хаваи: Отворена истрага како се управувало со кризата
Според новиот извештај објавен денеска, најмалку 80 луѓе загинале во шумските пожари што го опустошија хавајскиот остров Мауи, а покрената е и истрага како се спроведувало справувањето со кризата од страна на властите за што локалните жители имаат сериозни сомнежи дека има пропусти.
Досега во прифатни центри сместени се 1.418 лица. Исцрпените жители се полни со прашања како се случи нивниот град, поранешната престолнина на поранешното Кралство Хаваи, Лахаина, да биде целосно уништен.
Три дена по катастрофата се уште е нејасно дали некој од жителите воопшто добил предупредување од властите дека се наближува сериозна опасност. На островот има сирени за итни случаи наменети за предупредување за природни катастрофи и други закани, но се чини дека тие не се вклучиле. Не се ни знае точно какви известувања биле испратени или дали воопшто биле испратени преку СМС пораки, мејлови или телефонски повици.
За време на пожарот неколку пати снемало струја, а бројот 911 за итни случаи во некои делови на островот воопшто не работел.
И покрај сето горенаведено, портпаролот на агенцијата одговорна за управување со кризи за Си-ен-ен изјави дека предупредувачките пораки се емитуваат преку мобилните телефони на жителите и електронските медиуми.
Поради бројот на истовремени пожари, пожарникарите не можеа да одговорат насекаде, па многу жители на Лахаина едноставно беа принудени да скокнат во морето за да избегаат од пламените јазици, соопшти крајбрежната стража.
Поради бројни нејаснотии, јавната обвинителка на оваа пацифичка американска држава Ен Лопез отвори истрага за „да се разгледаат одлуките донесени од властите пред и за време на пожарот“, а ревизијата ќе биде јавно објавена.
Инаку, бројот на загинати го надминува бројот на загинати во цунамито во 1960 година, кога на Хаваите загинаа 61 лице.
Началникот на округот на полицијата Џон Пелетиер изјави во четвртокот дека може да има околу 1.000 исчезнати, но тоа не значи дека сите загинале или се сметаат за официјално исчезнати.
Дури и оние чии домови не ги зафатил пожарот се предупредени на можна опасност по здравјето бидејќи делумно е оштетена водоводната мрежа. Некои жители се плашат од разбојници.
Локалните власти дозволуваат само оние кои можат да докажат дека биле таму пред несреќата да се вратат во Лахаина, а најавен е и полициски час.
Шумскиот пожар што избувна во четвртокот беше поттикнат од силните ветрови, а уште повеќе е зголемена јачината на ураганот Доре, кој моментално минува низ Тихиот Океан.
Пожарникарите и денеска продолжуваат со локализирање на пожарот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Русија има сила повторно да го нападне Киев, изјави Зеленски за АФП
Претседателот на Украина, Володимир Зеленски во интервју за Агенцијата Франс прес (АФП) изјави дека не верува оти Русија има сила повторно да го нападне Киев.
Тие немаат сила за голема офанзива против главниот град, како што имаа на почетокот на инвазијата, посочи Зеленски додавајќи оти главни цели на Кремљ се Харков и Донбас.
Тој ги обвини западните земји што му забраниле да ја нападне Русија со нивното оружје.
„Русите можат да не нападнат на наша територија, тоа е најголемата предност што ја има Русија, но ние не можеме да направиме ништо со западното оружје на нивните вооружени системи лоцирани на руска територија. Немаме право“, вели Зеленски.
Според него, Западот се плаши и од руски и од украински пораз и оваа ситуација ја нарече апсурдна.
„Ние сме во апсурдна ситуација кога Западот се плаши дека Русија ќе ја изгуби војната. А во исто време тие не сакаат Украина да ја изгуби. Затоа што конечната победа на Украина ќе доведе до пораз на Русија и конечна победата на Русија ќе доведе до пораз на Украина“, истакна Зеленски.
Регион
Пленковиќ, хрватскиот премиер кој доби трет мандат најави прва седница за понеделник
Откако хрватскиот Сабор вчера ја поддржа 16. Влада на Република Хрватска, а третата предводена од лидерот на Хрватската демократска заедница (ХДЗ) Андреј Пленковиќ, тој во изјава за медиумите рече дека првата седница на новата Влада ќе биде во понеделник и најави продолжување на посветената работа во интерес на хрватскиот народ.
„Благодарам на мнозинството во хрватскиот Сабор што ни ја укажа довербата да станеме Влада на Република Хрватска по трет пат и ние, како што правевме претходните осум години, посветено ќе работиме во интерес на хрватскиот народ, сите наши сограѓани, економијата, врската меѓу татковината и иселениците Хрвати и да спроведеме програма врз основа на која ја добивме довербата на хрватските гласачи“, рече Пленковиќ откако Собранието гласаше за неговата трета Влада
Тој им се заблагодари на сите партнери кои ја поддржаа Владата.
Пратениците во хрватскиот Сабор вчера гласаа за доверба на новата влада на премиерот Андреј Пленковиќ.
За доверба на Владата гласаа 79 пратеници, против беа 61 пратеник, а еден беше воздржан.
Свет
Убиени тројца странски туристи и еден Авганистанец
Вчера од вооружени лица во централен Авганистан се убиени тројца странски туристи и еден Авганистанец, а четворица странски државјани и тројца Авганистанци се ранети, соопшти талибанското Министерство за внатрешни работи.
Според светските агенции не е позната националноста на туристите, ниту кој го извршил нападот за кој што се уапсени четири лица.