Свет
Најсреќна земја во светот – психолог откри три работи што Финците никогаш не ги прават

Финска петта година по ред е најсреќната земја во светот, што покажа неодамнешното истражување, а многумина се прашуваат зошто.
Според извештајот за 2022 година, луѓе од 156 земји одговарале на прашања за својот живот, а некои од факторите земени предвид биле социјалната поддршка, очекуваниот животен век, дарежливоста и отсуството на корупција.
Психологот Френк Мартела вели дека луѓето често го прашуваат зошто Финците се толку задоволни од својот живот, а тој одлучил да сподели три работи што припадниците на оваа нација никогаш не ги прават.
Не се споредуваат со соседите
Во Финска има позната реплика од еден поет: „Не споредувај се со другите и не фали се со својата среќа“, а тие, дефинитивно, ова го сфаќаат сериозно.
Мартела вели дека еднаш на улица видел еден од најбогатите луѓе во земјата како го турка својот син во количка до трамвајската станица, без разлика што има пари и за количката и за возачот, едноставно решил така.
Значи, секој се однесува како обичен човек и секој си поставува свои стандарди, без разлика колку се успешни другите или што поседуваат.
Тие не ги земаат несериозно придобивките од природата
Според едно истражување пред неколку години, дури 87 % од Финците веруваат дека природата е многу важна бидејќи им дава мир, им ја враќа енергијата и им овозможува да се релаксираат. Ова многу е блиску до многумина бидејќи зеленило има и во големите градови.
Една специфична работа што се однесува на одморите, бидејќи вработените во Финска имаат право на четири недели летен одмор и една недела зимски одмор, па многумина го користат летниот одмор за да излезат во природа и да се исклучат од мрежата.
Тие не се сомневаат во другите, но имаат доверба
Статистиката покажува дека луѓето се посреќни кога има поголем степен на меѓусебна доверба во една земја, а тоа важи и за чесноста и правичноста.
Експериментот „изгубен паричник“ од минатата година покажа дека во Хелсинки 11 од 12 паричници им се вратени на нивните сопственици. Финците ја ценат искреноста и сосема е веројатно дека некаде ќе го најдете она што сте го заборавиле, односно дека никој нема да ви го украде.
Тоа го покажува и фактот што многу деца сами се возат во јавен превоз и си играат на отворено без надзор, пренесува „Данас.рс“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Египетскиот претседател: Светот е сведок на историски момент

Светот е сведок на историски момент, напиша египетскиот претседател Абдел Фатах ал-Сиси, чија земја одигра клучна улога во посредувањето на разговорите.
Тој го опиша Шарм ел-Шеик, градот каде што се одржаа разговорите, како град на мирот и лулка на дијалогот.
„Овој договор не само што затвора едно поглавје од војната, тој, исто така, отвора врата на надеж за народите од регионот за иднина обележана со правда и стабилност“, рече Сиси.
Министерството за надворешни работи на Египет претходно го опиша прекинот на огнот како „позитивен развој“ и „пресвртница“ во војната.
Во соопштението се додава дека министерот за надворешни работи Бадр Абделати ќе отпатува во Париз за да присуствува на министерски состанок организиран од Франција, кој ќе се фокусира на ситуацијата во Газа.
Фото: ЕПА
Свет
Зеленски: Руските залихи на бензин се намалија за една петтина поради нашите напади

Украинските напади на долг дострел врз руските енергетски објекти можеби го намалија снабдувањето со бензин на Русија за околу една петтина, изјави украинскиот претседател Володимир Зеленски, додека двете страни ги засилија нападите врз енергетската инфраструктура.
„Ројтерс“ процени во август дека украинските напади го намалија руското рафинирање на нафта за речиси една петтина во одредени денови.
„Тоа сè уште треба да се потврди, но веруваме дека тие изгубија до 20 проценти од снабдувањето со бензин – директно како резултат на нашите напади“, им рече Зеленски на новинарите.
Кремљ рече дека домашниот пазар на гориво на Русија е целосно снабден.
Зеленски рече дека украинските сили користеле домашни ракети „Нептун“ и „Фламинго“ во неодамнешните напади, дел од напорите на Украина да ја прошири својата домашна вооружена индустрија.
Украинскиот претседател, исто така, рече дека руските сили извршиле 1.550 напади врз енергетски цели во Чернигов, Суми и Полтава во септември, но погодиле само 160 цели.
Фото: ЕПА
Свет
Ердоган: Искрено му се заблагодарувам на Трамп

Турскиот претседател, Реџеп Таип Ердоган, го поздрави договорот за прекин на огнот меѓу Израел и палестинското движење Хамас, пренесува „Анадолу“.
„Исклучително сум задоволен што преговорите меѓу Хамас и Израел, одржани во египетскиот град Шарм ел Шеик со придонес на Турција, завршија со прекин на огнот во Газа“, напиша Ердоган на турската социјална платформа NSosyal.
„Искрено му се заблагодарувам на претседателот на Соединетите Американски Држави, Доналд Трамп, кој покажа потребна политичка волја да ја охрабри израелската влада да го прифати прекинот на огнот, и на нашите братски земји Катар и Египет за нивната значајна поддршка во постигнувањето на договорот“, додаде турскиот претседател.
Ердоган нагласи дека Анкара внимателно ќе го следи спроведувањето на договорениот прекин на огнот и ќе продолжи да придонесува во процесот.
Турција, истакна тој, ќе продолжи да ја поддржува изградбата на независна и суверена палестинска држава со целосен територијален интегритет, во границите од 1967 година, со Источен Ерусалим како нејзин главен град.
„Во оваа пригода, им испраќам најискрени поздрави на моите палестински браќа и сестри, кои две години издржаа неописливо страдање борејќи се за живот и достоинство во нехумани услови, губејќи ги своите деца, родители, роднини и пријатели, и кои, и покрај сите трагедии што ги преживеаа, не се откажаа од својот чесен став“, рече Ердоган.
Договорот за прекин на огнот е дел од план од 20 точки, објавен на 29 септември, кој повикува на ослободување на сите израелски затвореници во замена за палестински затвореници, разоружување на Хамас и обнова на Газа.
Фото: ЕПА