Најмалку 170 Палестинци помлади од 18 години се убиени во израелските напади на окупираниот Западен Брег, а повеќе од 1.400 се повредени од 7 октомври минатата година, соопшти хуманитарната организација „Спасете ги децата“.

Организацијата наведува дека бројот на палестински деца убиени во израелските напади на окупираниот Западен Брег е двојно зголемен од 7 октомври минатата година, објави Sky News.

Од 170 загинати деца, 70 биле на возраст под 15, а четири на возраст под девет години, се прецизира во соопштението.

Американскиот претседател Џо Бајден синоќа соопшти дека го помилувал својот син Хантер, кој чекал пресуда за случаи на недозволено поседување огнено оружје, лажни изјави при проверка на оружјето, за што претходно бил прогласен за виновен, како и за затајување данок, што тој самиот призна.

Иако Бајден претходно уверуваше дека нема да даде претседателско помилување на неговиот 54-годишен син, сега одлучи да го стори тоа.

Објавена е изјавата на неговиот син Хантер Бајден:

„Ги признав и преземав одговорност за моите грешки во најтемните денови на мојата зависност – грешки кои беа искористени за јавно да се понижат и срамат мене и моето семејство поради политиката“, се вели во соопштението.

„И покрај сето ова, јас сум трезен повеќе од пет години поради мојата длабока вера и непоколеблива љубов и поддршката од моето семејство и пријателите“, рече Хантер Бајден.

„Во маката на зависност, потрошив многу можности и предности. Во закрепнувањето, може да ми се даде можност да се поправам каде што е можно и да ги обновам нашите животи ако никогаш не ја земам здраво за готово милоста што ми е дадена.

„Никогаш нема да го земам здраво за готово помилувањето што ми беше дадено и ќе го посветам животот што повторно го изградив за да им помагам на оние кои се уште се болни и страдаат“, рече тој.

Поранешниот генерален секретар на НАТО, Јенс Столтенберг денеска изрази уверување дека привременото отстапување на територијата на Русија ќе биде опција за брз крај на украинската војна.

„Потребна ни е линија за прекин на огнот и, се разбира, идеално таа треба да ги покрива сите територии кои Русија во моментов ги контролира, но гледаме дека тоа не е многу реално во блиска иднина. Украина би можела привремено да отстапи дел од своите територии за ова цел“, рече тој.

Столтенберг рече и дека е важно владата во Киев да добие безбедносни гаранции во замена за привремени територијални отстапки.