Свет
На Роналдо му се заканува доживотен затвор
„Од септември 2018 година Обвинителството повторно го разгледува случајот со обвинувањето за силување од 2009 година. Нашите детективи работат на информациите што ги дава жртвата. Оваа истрага е во тек и засега нема да бидат откриени нови детали “, соопшти полицијата во Лас Вегас во кратка изјава.
Поради ова, на Кристијано Роналдо воопшто не му е сеедно, па затоа португалскиот фудбалер конечно се јави во врска со обвиненијата на Кетрин Мајорга, која го обвини дека ја силувал во Лас Вегас во 2009 година. Таа тогаш била студентка која работела во ноќен клуб како хостеса. Роналдо ја поканил да се дружат во неговиот хотелски апартман и потоа, тврди таа, ја силувал, иако во неколку наврати јасно му ставила до знаење дека не сака сексуален однос.
„Тоа се лажни вести, сакаат да се промовираат користејќи го моето име. Јас сум среќен човек и сè е во ред “, коментираше на обвиненијата за силување Кристијано Роналдо во видео со насмевка од уво до уво.
Но, подоцна, веројатно не му беше до смеа. Полицијата во Лас Вегас го потврди случајот за силување од 2009 година. Во исто време, Кетрин Мајорга излезе со нови детали за целиот случај.
Ова би можело да биде почеток на големи проблеми за Роналдо бидејќи во американската сојузна држава Невада нема застарување на силување ако жртвата го пријавила случајот во полиција во период од четири години. Ситуацијата за португалскиот фудбалер е уште потешка ако се земат предвид отежнувачките околности во овој случај – признанието на Роналдо дека ѝ платил на девојката за да молчи! Кога сите негови злодела ќе се соберат, лесно може да ја добие најтешката казна – доживотен затвор! Во Невада со такви престапници нема милост. Во такви случаи, можноста за помилување, т.е. пуштање на условна слобода е можна дури откако сторителот ќе отслужи најмалку 10 години затвор.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Атентаторот на словачкиот премиер: Пукав зошто не се согласувам со политиката на владата
На социјалните мрежи е објавено видео на кое се гледа наводниот атентатор и на кое тој зборува за причините поради кои се обидел да го убие словачкиот премиер Роберт Фицо.
„Не се согласувам со политиката на владата“, наводно вели атентаторот на видеото.
#BREAKING 🚨‼️🇸🇰 Video of the assassin of Robert Fico Slovakia Premier. The reason for the assassination is that Fico is allegedly liquidating the media. Incredible statement from the suspect. #Slovakia #Fico pic.twitter.com/lRA4EFPOwG
— The Macro Story (@themacrostory) May 15, 2024
Фицо беше застрелан по состанокот на владата во Хандлова, околу 150 километри североисточно од Братислава. Атентатот се случил кога Фицо отишол меѓу насобраниот народ.
Според информациите, премиерот на Словачка бил застрелан со неколку истрели во градите и стомакот. Со хеликоптер итно бил пренесен во болница и според словачките медиуми состојбата е многу сериозна. Словачката влада објави дека животот на Фицо е во опасност.
Регион
Телото на Светлана Драгијевиќ на обдукција, соседите се сомневаат на срцев удар
Телото на Светлана Драгијевиќ, мајката на осомничениот за убиството на малата Данка, која денеска почина во Злот, е предадено на Службата за судска медицина на болницата Бор каде ќе биде извршена обдукција.
Имала проблеми со срцето и соседите се сомневаат дека се работи за инфаркт.
Од апсењето на нејзините синови Дејан и Далибор, осомничени за убиство на малата Данка и прикривање на злосторството, а подоцна и на нејзиниот сопруг Драгослав, Светлана живее сама и често се жалела на здравствени проблеми.
Таа самата го погреба својот син Далибор, кој почина во притвор на 7 април.
– Слушнавме дека денеска излегла во населбата да побара помош. Прво влегла во двор, па ја преминала улицата до куќата на другите соседи и успеала само да каже: „дај ми чаша вода, не се чувствувам добро“ и се струполила. Луѓето веднаш повикаа брза помош, но ништо не можеа, изјави еден од жителите на Злот, кој не сакал да ја коментира судбината на Драгијевиќ.
Свет
Путин го осуди атентатот на премиерот на Словачка: Пренесете му ги зборовите на најискрената поддршка и желби за брзо и целосно закрепнување
Претседателот на Русија, Владимир Путин, испрати телеграма до претседателката на Словачка и го осуди атентатот на премиерот на Словачка, Роберт Фицo.
Атентатот врз словачкиот премиер Роберт Фицо нема оправдување, тоа е грозоморно злосторство, изјави рускиот претседател Владимир Путин. Во телеграмата што и ја испратил на својата словенечка колешка Зузана Чапутова, тој изразил и желба за опоравување на Фицо, пренесува ТАСС.
„Со огорченост дознав за обидот за убиство на Роберт Фицо, премиерот на Словачка, ова монструозно злосторство не може да има никакво оправдување“, напиша Путин во својата телеграма на веб-страницата на Кремљ и додаде:
„Го познавам Роберт Фицо како храбар и подготвен човек, навистина се надевам дека овие квалитети ќе му помогнат да ја издржи оваа тешка ситуација“, се обрати рускиот лидер и продолжи: „Ве молам пренесете му ги зборовите на најискрената поддршка, исто така и желбите за брзо и целосно закрепнување“.