Свет
На советот НАТО – Русија во Брисел се расправале за распадот на Југославија

Денешниот состанок на заедничкиот совет НАТО – Русија во Брисел од разговори за Украина се претвори во дискусија за распадот на Југославија.
Според неофицијалните информации на хрватските медиуми, Русите го отвориле прашањето за распадот на Југославија со тврдењето дека НАТО ја разби Југославија со своите бомбардери, што според Русите е само еден во низата докази дека воената алијанса била агресивна во проширувањето на поранешните социјалистички држави.
На ваквите руски тврдења прв одговорил претставникот на Хрватска, амбасадорот Марио Нобило.
Средбата, секако, се одржала зад затворени врати, a деталите неофицијално говорат дека за овој дел од разговорот со Русите, кој се однесува на распадот на Југославија, јавно проговорил и генералниот секретар Јенс Столтенберг.
Новинарите на прес-конференција го прашаа Столтенберг како тој одговори на тврдењата на Русија дека улогата на НАТО во Југославија и Либија е контроверзна.
Столтенберг потврди и дека за време на состанокот на советот НАТО – Русија, претставниците на Хрватска, Словенија и на Црна Гора зеле збор и разговарале за тоа што навистина се случило за време на распадот на Југославија, а што е спротивно на она што денеска го кажаа Русите.
„Неколку сојузници, кои беа дел од поранешна Југославија, многу јасно кажаа дека Југославија не се распадна поради НАТО, туку поради внатрешни причини, внатрешни конфликти. НАТО дојде подоцна за да спречи злосторства“, рече Столтенберг.
„Целата идеја дека НАТО е виновен за распадот на Југославија е погрешна. Требаше да се запрат злосторствата, првин во БиХ, а потоа и во Косово. Но, во тој момент Југославија веќе се распадна“, додаде генералниот секретар на алијансата.
Извори на хрватските медиуми наведуваат дека средбата на сојузниците од НАТО со Русите, веднаш по иницирањето на темата за распадот на Југославија, станала поемотивна и добила посилен тон. Наводно Хрватите го смениле тонот на разговорот, сакале да нагласат дека Русија може да биде конструктивен играч во меѓународната безбедносна политика. Тие изјавиле дека за време на распадот на Југославија, Русија била конструктивна и активно соработувала со западните сили.
Акумулацијата на руски војници на руска територија во близина на границата со Украина сè уште ги остава сојузниците цврсто убедени дека Русија се подготвува за голема инвазија, па НАТО сака да види деескалација на руската страна.
И условите што Москва неодамна ги постави за НАТО, вклучително и писмени гаранции дека нема да има повеќе проширување на НАТО на исток и барање силите на НАТО да се повлечат на линиите од 1997 година, пред да се прошират во Централна и Источна Европа, за време на состанокот убедливо се отфрлени од сите триесет сојузнички земји.
Сојузниците ги потврдија политиката на отворени врати на НАТО и правото на секоја нација да избира свои безбедносни аранжмани.
„Сојузниците јасно ставија до знаење дека нема да се откажат од нивната способност да се заштитат и бранат меѓусебно, вклучително и присуството на трупите на НАТО во источниот дел на алијансата“, изјави генералниот секретар Јенс Столтенберг на прес-конференција по советот НАТО – Русија.
Како и на средбата во Женева во понеделникот, на која Американците и Русите разговараа за истото прашање, на денешната средба во Брисел ништо не беше решено, беа утврдени само позициите на двете страни, со очекување дека дијалогот може да продолжи, но со условот Русија да ги намали тензиите.
НАТО е заинтересиран за дијалог со Русите за некои важни прашања за кои веќе неколку години не се разговарало во дијалогот.
Тоа се теми, како: новиот договор за контрола на вооружувањето, договорот за потранспарентно спроведување на воените вежби, за намалување на опасноста од сајбер-напади и слично. НАТО, едноставно, не сака да зборува за најголемите желби на Русија напишани во два предлога за безбедносни договори, кои Москва ги испрати до САД и НАТО со желба да ги склучи и со тоа да ја промени безбедносната архитектура на Европа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Нов жесток напад врз демонстрантите во Србија

Протестите продолжуваат во неколку градови во Србија вечерва по вчерашните напади од страна на поддржувачите на Српската напредна партија (СНС) врз демонстрантите во Врбас и Бачка Паланка. Собирите беа организирани од „студенти во блокада“, кои ги повикаа граѓаните да излезат на улиците и да протестираат пред канцелариите на СНС и полициските штабови.
Најголемите собири се одржуваат во Белград, Нови Сад, Ниш, Крагуевац и други градови, вклучувајќи ги Суботица, Шабац, Лесковац, Сомбор, Панчево и Ваљево.
Novi Sad
SNS na gradjane pirotehnikom pic.twitter.com/8tk37G5df0— Žaklina Tatalović (@zaklina_prva) August 13, 2025
Ескалација во Нови Сад вечерва
Ситуацијата во Нови Сад ескалираше кога пиротехнички средства беа лансирани кон граѓаните од правец на просториите на СНС. Демонстрантите одговорија со кршење прозорци во партиските простории, по што полицијата во опрема за разбивање демонстрации, формираше кордон. На протестот беа фрлени и факели.
Протестната колона во Нови Сад тргна од студентскиот кампус, по дебатата „Медиумите во ерата на репресија“, кон главните простории на СНС.
Вчера во Врбас, поддржувачи на СНС и Александар Вучиќ ги нападнаа демонстрантите со пиротехнички средства, камења, шишиња и клучеви. Еден граѓанин претрпе повреда на ногата, а помошник снимател на Н1 беше погоден со камења. Сличен напад се случи и во Бачка Паланка.
Директорот на српската полиција, Драган Васиљевиќ, изјави дека полицијата „спречила големи конфликти“ синоќа, дека граѓани и полицајци биле повредени, а неколку лица биле приведени. „Не заштитувавме една група, туку јавен ред и мир“, рече Васиљевиќ.
фото: принтскрин
Европа
Американски портал објави што му рекол Трамп на Зеленски на состанокот со европските лидери

Американскиот претседател Доналд Трамп им порача на украинскиот претседател Володимир Зеленски и на европските лидери дека неговите цели за претстојната средба со рускиот претседател Владимир Путин се постигнување прекин на огнот и проценка на можноста за сеопфатен мировен договор.
Според „Аксиос“, повикувајќи се на два извори запознаени со ова прашање, средбата меѓу Трамп и Путин е закажана за 15 август во Алјаска. За време на обемните разговори на 13 август, во кои учествуваа европски лидери, Зеленски и американски претставници, Трамп рече дека неговата цел е да преговара за прекин на огнот и подобро да процени дали постои реална шанса за мировен договор во војната меѓу Русија и Украина.
Трамп ги намали очекувањата за големи добивки во Алјаска, нарекувајќи ја средбата „воведен состанок“. Сепак, францускиот претседател Емануел Макрон и германскиот канцелар Фридрих Мерц, кои исто така учествуваа во разговорот, потврдија дека Трамп јасно ставил до знаење дека сака да се обиде да постигне прекин на огнот.
Според еден извор, Зеленски му рекол на Трамп за време на разговорот дека „на Путин не може да му се верува“. Изворот рекол дека Трамп проценил дека мировниот договор ќе вклучува размена на територии. „Трамп рекол дека работа на Владимир и на Володимир е да разговараат еден со друг за територии, а не е негова“, рекол изворот.
Друг извор тврди дека Макрон зазел „многу цврст“ став, кажувајќи му на Трамп дека „средбата била голема работа која му се дава на Путин“. „На Трамп не му се допаднало“, додаде изворот. Исто така, беше забележано дека Мерц и генералниот секретар на НАТО, Марк Руте, биле „многу активни“, додека италијанската премиерка Џорџа Мелони „изнела некои добри поенти“.
Според истиот извор, полскиот претседател Карол Навроцки го потсетил Трамп на Битката за Варшава пред точно 105 години, кога Полска и Украинците се бореле заедно против болшевичка Русија.
На состанокот присуствуваа само некои лидери на ЕУ, а од источниот дел на НАТО беа присутни само Полска и Финска. Финска е исто така членка на „коалицијата на волните“, која ги започна разговорите по заедничката прес-конференција на Мерц и Зеленски.
Макрон по повикот изјави дека територијалните прашања „нема да бидат предмет на преговори“ со никого освен со Зеленски. Мерц по повикот откри дека Украина е подготвена да разговара за територијални прашања, но дека почетната точка ќе биде фронтовската линија. „Правното признавање на окупираните територии не е тема за преговори“, нагласи тој.
Зеленски рече дека прашањето за состанокот меѓу претседателите на САД и Русија во Алјаска на 15 август било опфатено во низа разговори и дека Трамп му рекол дека ќе остане во контакт по тој состанок.
фото: принтскрин
Свет
Нетанјаху: Нашата визија е Голем Израел

Израелскиот премиер Бенјамин Нетанјаху изјави дека се чувствува како да е на „историска и духовна мисија“ и е „многу“ поврзан со визијата за Голем Израел.
Новинарот Шерон Гал, кој кратко време беше десничарски член на Кнесетот, му подари на Нетанјаху она што тој го опиша како амајлија со „мапа на Ветената земја“.
Гал на шега додаде дека не сака дополнително да го „вмешува“ премиерот во случајот во кој Нетанјаху е обвинет за прифаќање накит и други луксузни предмети од неколку бизнисмени за себе и неговата сопруга, Сара.
На прашањето дали чувствува поврзаност со „визијата“ за Голем Израел, Нетанјаху одговори: „Многу“.
Терминот Голем Израел почнал да се користи по Шестдневната војна во јуни 1967 година за да се однесува на Израел и териториите што потоа ги освоил – Источен Ерусалим, Западниот Брег, Појасот Газа, Синајскиот Полуостров и Голанската Висорамнина.
Прашањето на Гал за Голем Израел дојде откако го праша Нетанјаху дали чувствува дека е на мисија во име на еврејскиот народ. Премиерот одговори дека е на „мисија на генерации – генерации Евреи кои сонувале да дојдат тука, а генерации Евреи ќе дојдат по нас“.
„Ако ме прашате дали имам чувство за мисија, историски и духовно, одговорот е да“, заклучи Нетанјаху.
фото: принтскрин