Свет
Невреме во Хрватска, град и снег ги побеле населбите покрај Јадранот

Најавеното невреме го зафати подрачјето на Кварнер во Хрватска, па град ги побеле областа Нови Винодолски, Цриквеница и делови од островот Крк.
По една недела со температури на воздухот значително повисоки од просечните за овој период од годината, за време на викендот стана постудено, а од запад пристигна циклон со поизразени врнежи во областа Кварнер. Во саботата попладне имаше невреме со грмежи. Во областите Цриквеница и Винодол 15 минути паѓаше град и ги побеле улиците.
Дождот во пониските предели премина во снег и лапавица во највисоките делови на Горски котар, така што малку снег падна на Платка и во Бегово Раздоље. Но, не е доволно за да се создаде снежна покривка. На Платка штотуку е најавен крајот на зимската сезона, која траеше од првиот снег во ноември минатата година, а викендов е прва во сезоната пролет-лето.
Зголемување на облачноста од запад во сабота попладне и навечер најави Државниот хидрометеоролошки завод. Се очекуваат пообилни врнежи од дожд и пороен дожд со грмежи, особено во северниот дел на Јадранот и Горски Котар.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
40 ранети во Израел, двајца критично

Вкупно 40 лица побарале медицинска помош по вечерашниот ирански ракетен напад врз Израел, соопштија локалните здравствени служби. Двајца од повредените се во критична состојба.
Најголем број пациенти се лекуваат во болницата Ичилов во Тел Авив – 18 лица.
Според лекарите, пријавените повреди вклучуваат рани од шрапнели, вдишување чад и состојба на шок.
Свет
Израелската војска: Иран истрела помалку од 100 балистички ракети, повеќето ги пресретнавме

Портпаролката на израелската војска, Ефи Дефрин, рече дека помалку од 100 балистички проектили биле истрелани од Иран кон Израел.
Дефрин рече дека „повеќето од ракетите биле пресретнати од воздушната одбрана или паднале пред да стигнат до израелска територија“.
„Регистрирани се ограничен број погодоци на згради, а дел од штетата е предизвикана од фрагменти од пресретнати проектили“, додаде тој.
Според израелските медицински служби, во нападот биле ранети 40 лица.
Свет
Нетанјаху: Ова е можност за иранскиот народ да се спротивстави на режимот

Израелскиот премиер Бенјамин Нетанјаху вечерва и порача на јавноста дека можат да ги напуштат засолништата, откако новиот бран ирански ракети прелета над израелска територија.
„Иранскиот режим никогаш не бил послаб. Ова е можност за иранскиот народ да се спротивстави на режимот“, рече Нетанјаху во вечерашното обраќање.
Тој директно им се обрати и на граѓаните на Иран: „Јас сум со вас, израелскиот народ е со вас“, рече тој.
Министерот за одбрана на Израел, Израел Кац изјави дека Иран „ја преминал црвената линија со лансирање ракети кон израелските цивилни области“ и најави: „Техеран ќе плати висока цена“.
Оваа иранска одмазда следеше по израелските воздушни напади на иранска територија, при што беа погодени нуклеарни постројки и беа убиени високи команданти и научници.