Свет
Неколку Израелци уапсени за наводен терористички напад врз Палестинци

Неколку Израелци осомничени за тероризам против Палестинци биле уапсени вчера од безбедносните сили и приведени на распит, но нивниот идентитет и други детали од истрагата не се објавени со судска наредба, се вели во полициското соопштение, пренесува „Хаарец“.
Детали за апсењата до кои дошле израелски извори велат дека меѓу осомничените има најмалку тројца на возраст од 18 и 19 години. За терористичките акти извршени од Израелците се вели дека биле насочени кон Палестинците и безбедносните сили.
Апсењата беа извршени во рамките на заедничката акција на Шин Бет и полицијата. Двајца од осомничените биле однесени на распит во областа на израелската полиција на Западниот Брег, а другиот го испрашува агенцијата за безбедност.
Наводните терористи биле приведени за вмешаност во повреда на петгодишно палестинско дете минатиот месец, како и за нелегално поседување оружје и за членство во терористичка организација, што е сериозно обвинение за кое ретко се обвинети Израелци.
Петгодишното палестинско дете доби рани на лицето откога израелски доселеници фрлале камења кон автомобилот со кој патувало кон Западниот Брег источно од Рамала.
Нападот се случил по ескалацијата на насилството на доселениците предизвикана од смртта на Ахувија Сандак, 16-годишник кој починал кога неговиот автомобил се превртел за време на полициска бркотница. Полицајците ги бркале Сандак и неговите пријатели, кои биле осомничени дека фрлале камења кон палестинските возила.
По смртта на Сандак, доселениците го насочија својот гнев кон Палестинците и кон израелските полицајци.
Истиот месец доселениците нападнаа и десетгодишно палестинско девојче од селото Мадама на Западниот Брег, јужно од Наблус. Девојчето било рането во главата и лицето.
Минатиот месец доселениците повикаа и на убиство на палестински возачи на автобуси на Западниот Брег. Расистички графити „Убиј ги арапските возачи“ се појавија во Моди’ин Илит, најголемата нелегална населба на окупираните палестински територии.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Стаб: Се надевам дека кај Трамп наскоро ќе го снема трпението за Путин

Финскиот претседател Александар Стаб денес изјави дека се надева дека трпението на американскиот претседател Доналд Трамп со рускиот претседател Владимир Путин наскоро ќе исчезне и додаде дека европските земји ќе продолжат да се залагаат за траен мир во Украина.
Според него, единствениот начин да се принуди Путин да ја заврши војната во Украина е преку неговите сојузници, со проценка дека оние кои можат да го убедат рускиот претседател да постигне примирје се на Истокот, објавува „ Ile“.
Финскиот претседател, исто така, рече дека го предупредил Трамп дека Путин користи „типични руски тактики на одложување“ за да избегне средба со украинскиот претседател Володимир Зеленски.
Фото: принтскрин
Свет
Мерц: Германија нема да ја признае палестинската држава на Генералното собрание на ОН

Германскиот канцелар Фридрих Мерц денес изјави дека Германија нема да се придружи на иницијативата на западните сојузници за признавање на палестинска држава на Генералното собрание на Обединетите нации следниот месец.
Мерц го објави ова на заедничка прес-конференција со канадскиот премиер Марк Карни, кој минатиот месец изјави дека Канада планира да ја признае државата Палестина на Генералното собрание, по слични најави од Франција и Велика Британија, пренесува Ројтерс.
„Ставот на федералната влада е јасен, во врска со евентуалното признавање на државата Палестина. Канада го знае тоа. Ние нема да се придружиме на оваа иницијатива. Не гледаме дека условите се исполнети“, рече Мерц.
Фото: принтскрин
Свет
(Видео) Протести во Израел за прекин на огнот во Газа, блокиран главниот автопат во Тел Авив

Израелците денес излегоа на улиците на протести барајќи итно ослободување на заложниците и прекин на огнот во Газа.
Демонстрации и блокади на патиштата беа одржани во целата земја. Главниот автопат во близина на Тел Авив беше блокиран, а демонстрантите палеа гуми на патот северно од крајбрежниот град.
We are NOT our government!
Once again, this morning, Israelis flood the streets, blocking all major highways and blocking the homes of the war criminals – the illegal Israeli government.
End the war now!
Bring them home now!
Stop the atrocities in Gaza now! pic.twitter.com/w2E24VYp4j— Ami Dror 🇮🇱 עמי דרור (@AmiDror) August 26, 2025
Форумот на заложници и исчезнати семејства повика на разни протестни акции со слоганот „Израел стои заедно“. Голем протест е планиран за вечер на плоштадот во центарот на Тел Авив.
Демонстрантите го обвинуваат израелскиот премиер Бенјамин Нетанјаху за продолжување на војната од политички причини. Неговите крајнодесничарски коалициски партнери, од кои зависи неговиот политички опстанок, се спротивставуваат на прекинот на огнот.
Thousands of Israelis are blocking all major highways today demanding:
✊ End the war!
✊ Bring them home!
✊ End the Gaza atrocities!We are not our government!
🎥 Yair Palti pic.twitter.com/i4oaBM3zzj— Ami Dror 🇮🇱 עמי דרור (@AmiDror) August 26, 2025
Пред нешто повеќе од една недела стотици илјади Израелци изразија солидарност со заложниците за време на масовен протест.
Вкупно 50 заложници сè уште се држат во Појасот Газа, од кои се верува дека 20 се живи.
Исламистичката терористичка организација Хамас објави дека се согласила со новиот предлог за прекин на огнот поднесен од Египет и Катар, кои посредуваат во конфликтот.
Според медиумските извештаи, ова е ревидирана верзија на претходно договорениот предлог на специјалниот претставник на САД, Стив Виткоф. Планот вклучува 60-дневен прекин на огнот, во кој првично би биле ослободени десет живи заложници во замена за палестински затвореници.