Свет
Нема индикации дека режимот на Путин наскоро ќе падне, тврди Германската тајна служба

15 месеци од почетокот на руската војна против Украина, германската тајна служба БНД тврди дека нема индикации дека е можна дестабилизација на режимот на рускиот претседател Владимир Путин.
Шефот на БНД Бруно Кал наведува дека и покрај индивидуалните критики, како онаа поврзана со пребавната испорака на муниција, нема индиции дека системот во Кремљ е потресен или дека може да падне, пренесува Танјуг, повикувајќи се на агенција dpa.
Тој истакна дека, сепак, не може целосно да се исклучи падот на режимот.
„Русија сè уште е способна да води долготрајна војна, особено затоа што регрутираше нови војници и го обезбеди неопходното оружје и муниција“, рече Кал во Федералната академија за безбедносна политика (БАКС) во Берлин.
Поради сето ова, тој смета дека не станува збор за слабост на руската армија или дека нејзините активности би можеле да бидат прекинати.
Тој додава дека се уште има слаби точки и можни изненадувања во однос на можностите на вооружените сили.
Тој предупреди дека Путин би можел да успее со својата стратегија да се потпре на времето како фактор и масовноста на силите, доколку Западот доволно не ја поддржи Украина и не организира отпор.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Пукање во училиште во Грац, има загинати: напаѓачот пукал во две училници

Грац, Австрија, моментално е под опсада по пукање во училиште, јавуваат светските агенции.
Локалните медиуми јавуваат дека има загинати.
BREAKING – The death toll has climbed to 8 in the school shooting in Graz, Austria, according to a report by Kronen Zeitung. https://t.co/RRHYhJJcn5 pic.twitter.com/3HHwHyLCf9
— Vanguard Intel Group 🛡 (@vanguardintel) June 10, 2025
Во Грац моментално е во тек голема полициска операција по нападот во училиште во градскиот округ Ленд. Досега се потврдени пет смртни случаи, јавува Krone.
Австриската станица ORF објави дека речиси еден час е во тек голема полициска операција, по пукањето.
Портпаролот на полицијата, Фриц Грундниг, изјави за ORF дека може да има жртви, додека ORF, исто така, јавува дека се верува дека осомничениот напаѓач извршил самоубиство.
Според полицијата, акцијата започнала околу 10 часот наутро. Наводно се слушнале истрели во училиштето, што полицијата го потврди. Потоа е вклучен алармот. Зградата моментално темелно се пребарува, според написите во светските медиуми.
Регион
Пожар во затвор во Сплит, неколку затвореници хоспитализирани

Неколку затвореници се повредени во пожарот во сплитскиот затвор Билице, кој е изгаснат, соопшти денес Сплитскиот противпожарен оперативен центар.
Како што е наведено, затворскиот персонал го изгаснал пожарот што избувнал синоќа, а пожарникарите ги евакуирале затворениците, од кои неколку побарале медицинска помош поради вдишување чад и биле пренесени во сплитската болница.
„Добивме дојава за пожар во една од ќелиите на затворот околу 21:30 часот, а по пристигнувањето на пожарникарите затворскиот персонал веќе го изгаснал пожарот во најголем дел, а пожарникарите веднаш ги евакуирале затворениците“, изјавиле за Хина од Противпожарниот центар.
Свет
Фицо: Не повикувам на укинување на демократијата, но ЕУ треба да размисли за промена на системот

За време на вчерашната посета на Узбекистан, словачкиот премиер Роберт Фицо посочи дека авторитарните држави можат да бидат економски поефикасни од демократиите и повика на преиспитување на европскиот демократски модел.
Фицо рече дека Европа треба да размисли за реформирање на својот систем на управување базиран на слободни избори за да остане глобално конкурентна. Тој ги пофали земјите како Узбекистан, Кина и Виетнам за нивната способност да дејствуваат порешително по економските прашања.
Кога новинарите го прашаа, Фицо појасни дека не повикува на крај на демократијата, но тврдеше дека вклучувањето премногу политички партии во донесувањето одлуки ја ослабува способноста на државата да дејствува.
„Ако имате сто политички партии, не можете да се натпреварувате“, рече тој.
„Ако владата се состои од четири политички субјекти, не можете да се натпреварувате“, додаде тој.
Фицо, кој се врати на власт во 2023 година за да го преземе својот четврти мандат, се соочи со масовни протести во последните месеци, а критичарите го обвинуваат за авторитарни аспирации и водење проруска надворешна политика.