Свет
(Видео) „Несмасни изговори“: Руското МНР за тврдењата дека зборовите на Греам се извадени од контекст
Тврдењата на „Ројтерс“ дека коментарите на американскиот сенатор Линдзи Греам за време на состанокот со украинскиот претседател Владимир Зеленски можеби биле извадени од контекст претставуваат несмасни, бесрамни изговори, вели руското Министерство за надворешни работи во соопштението објавено во понеделникот, пренесува ТАСС.
„Излегува дека сенаторот Греам не го кажал тоа или не го кажал на таков начин. Исто како кај сличните канибалистички размислувања на поранешниот американски претседател Џорџ В. Буш, и сега се извлекуваат несмасни, срамни изговори. Така, наводно, зборовите на сенаторот биле извадени од контекст, имало некакво монтажа и слично. Кој би се посомневал дека самиот политичар и неговите спин-доктори – врвните англосаксонски медиуми и новински агенции – глумат лудило. Што е следно? Ќе ни кажат дека Линдзи Греам е производ на вештачката интелигенција и дека всушност не постои?“, реторички прашува руското МНР.
Во соопштението се нагласува дека „овој обид е осуден на неуспех“.
„Веќе е невозможно да се исчистите себеси (и својата репутација) од валканицата на таквите забелешки, дури и ако се тие изговорени одделно“, додава Министерството.
Претходно, на состанокот во Киев со Зеленски, Греам го поврза фактот дека „Русите умираат“ во украинскиот конфликт со американската помош за Украина велејќи дека тоа се „најдобрите пари што некогаш сме ги потрошиле“.
Руското МНР истакна дека ова не е прв случај на такви изјави со омраза и дека „сенаторот не е сам“.
„Нацистичката филозофија на омраза кон Русите е всушност она што ги обединува режимот во Киев и неговите американски раководители“, велат оттаму.
Министерството исто така посочи дека масовното негодување кај народот ја принудило западната пропагандна машинерија „со своите запчаници, како ‘Ројтерс’ и Би-би-си, кои ја водеа кампањата за перење на сенаторот, да иницира пристап за управување со кризи и обид да се смени ситуацијата“.
„Целата оваа приказна со кукавички оправдувања и смешни обиди да се аболира Линдзи Греам е уште еден удар за веќе избледената репутација на ‘Ројтерс’ и на Би-би-си, кои беа оставени да извлечат од хаосот и од име на Вашингтон и на Киев. Ова не е новинарство, туку ПР-агенции, кои извршуваат задача за колективниот Запад“, заклучи руското МНР.
Во исто време, портпаролката на руското МНР, Марија Захарова, го повика Греам да сними кратко видео во кое ќе каже дали навистина го мислел она што го кажал на средбата со Зеленски.
„Сакам да дадам еден не толку лош предлог. Ако сенаторот Греам смета дека неговите зборови се извадени од контекст и дека не го мисли тоа, има можност да се изјасни за тоа. Може да го земе телефонот, да ја вклучи камерата, да ја сврти кон себе и да сними кусо видео“, рече Захарова во видеото што го објави на „Телеграм“.
Таа додаде дека „само така сите ќе дознаеме што навистина се случило и дали тој навистина го мисли тоа што го кажал или тоа го исценирал киевскиот режим“.
Захарова претходно му порача на Греам да се сети дека една од американските инвестиции довела до Втората светска војна и до холокаустот.
„Министерот за економија на нацистичка Германија, Хјалмар Шахт, за време на нирнбершкиот процес изјави дека Третиот Рајх бил спонзориран и од странство и ги именувал двете најголеми американски корпорации: ‘Форд’ и ‘Генерал моторс’. Со него бил склучен премолчен договор – слобода во замена за молчење. И покрај протестите на советските претставници, тој беше ослободен и доживеа 93 години“, потсети Захарова.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бројот на бегалци во Германија годинава достигна нов врв
Бројот на бегалци кои живеат во Германија годинава достигна нов врв, покажуваат денешните владини податоци, пренесува Дојче веле.
Околу 3,48 милиони бегалци со различни видови дозволи за престој живееле во Германија на крајот на јуни 2024 година, што е за приближно 60.000 повеќе отколку на крајот на 2023 година.
Една третина од овие бегалци дошле од Украина.
Бројката вклучува и некои поединци кои се обврзани да ја напуштат Германија, но остануваат во земјата под политика на толеранција која опфаќа низа ситуации, како што се болест, недостаток на документи за идентификација или луѓе чии деца имаат дозвола за престој.
Статистиката беше дадена како одговор на барањето на партијата Социјалистичка левица во парламентот и првпат беше објавена од Ној Оснабрикер Цајтунг.
Свет
Лавров: Русија не сака ескалација, но западните политичари се однесуваат како деца
Рускиот министер за надворешни работи Сергеј Лавров денеска изјави дека Русија не сака да ги ескалира тензиите со западните земји, но дека, како што наведе, „политичарите на овие земји се однесуваат како деца“.
„Не сакаме ескалација. Се чини дека западните политичари навистина имаат менталитет на дете, иако како возрасни заземаат одговорни позиции: министри, премиери, канцелари, претседатели“, рече Лавров.
Лавров нагласи дека неколку месеци во светот се разговара за тоа како Русија наводно само се заканува и зборува за „црвени линии“.
Свет
Израелска армија: Убиени околу десет високи команданти на Хезболах
Портпаролот на израелската армија, контраадмирал Даниел Хагари, изјави дека заедно со Ибрахим Акил, во денешниот израелски воздушен напад врз јужен Бејрут биле убиени околу десет високи команданти на либански Хезболах.
Хагари на прес-конференција рече дека Акил и другите членови на елитната единица Радван на Хезболах се собрале во подрумот на една зграда кога биле мета и убиени.
Весникот „Тајмс оф Израел“ наведува дека Хагари рекол дека тоа биле „командантите кои го подготвиле и го воделе планот на терористичката организација Хезболах за напад на северната територија на државата Израел.
Портпаролот на израелската војска тврди дека како дел од таа инвазија, Хезболах планирал упад на израелска територија сличен на нападот на Хамас од Газа на јужна израелска територија на 7 октомври минатата година. Тогаш започна војната меѓу Израел и таа палестинска исламистичка организација.
Во меѓувреме, израелскиот министер за одбрана Јоав Галант на платформата X објави дека ќе продолжи „секвенцата на акции во новата фаза“ од конфликтот со Хезболах додека не се постигне целта за безбедно враќање на Израелците раселени поради прекуграничниот конфликт во нивните домови.