Свет
Нетанјаху: Израел напредува кон елиминирање на терористичката Хамас

Израелскиот премиер Бенјамин Нетанјаху изјави дека Израел „постигнува напредок кон елиминација на терористичката Хамас“.
Нетанјаху, обраќајќи им се на учесниците на Колеџот за национална одбрана, рече дека има продолжување за победување на остатоците од Хамас, пренесоа израелските медиуми.
Тој додаде дека интензивната фаза од битката во Рафа е при крај и ја нагласи важноста од постигнување на сите цели во војната: враќање на заложниците, спречување на Хамас да владее со Газа, без да има воена контрола, како и спречување повторно да бидат закана за Израел.
Нетанјаху вели дека е посветен на враќањето на жителите на јужните и северните погранични населби кои не беа во можност да живеат безбедно во своите домови откако Хамас го нападна јужен Израел на 7 октомври минатата година, кога започна војната во Газа и прекуграничните судири со либанскиот Хезболах.
На предавањето на израелскиот премиер присуствуваа странски студенти од Германија, Јапонија, Италија, Чешка и Кореја, пренесоа израелските медиуми.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Илјадници вработени во лондонското метро штрајкуваат со глад поради платите

Илјадници вработени во лондонското метро денеска почнаа серија штрајкови поради платите и условите за работа, а синдикатот за железница, поморство и транспорт соопшти дека членовите, вклучувајќи ги машиновозачите, сигналистите и работниците за одржување, ќе учествуваат во штрајкови во различни периоди до четврток.
Транзитниот оператор „Транспорт за Лондон“ објави дека од имало прекин во системот за испорака на услуги и дека се очекува малку или воопшто да нема возови да сообраќаат од понеделник до четврток .
Компанијата вели дека им понудила на вработените зголемување на платите од 3,4 проценти, но синдикатот се уште инсистира на намалување на работната недела од 35 часа на 32 часа, што компанијата вели дека не може да си го дозволи.
Свет
Папата Лав Четиринаесетти го прогласи 15-годишниот компјутерски гениј за прв светец на Католичката црква

Папата Лав Четиринаесетти го прогласи 15-годишниот компјутерски гениј за прв светец на Католичката црква од т.н. Милениум генерација давајќи ѝ на следната генерација католици пример за некој што користи технологија за ширење на верата.
Папата го канонизираше Карло Акутис, кој почина во 2006 година, за време на миса на плоштадот „Свети Петар“ на која присуствуваа десетици илјади луѓе, многу од нив од таа генерација и парови со мали деца. На првата миса за канонизација на светци од почетокот на неговото папство, Лав канонизираше и друг Италијанец кој почина млад, свештеникот Џорџо Фрасати.
Ватиканот соопшти дека 36 кардинали, 270 епископи и стотици свештеници се пријавиле да присуствуваат на мисата со папата Лав во почит и кон епархијата и кон обичните верници.
Двете церемонии беа закажани за почетокот на оваа година, но беа одложени поради смртта на папата Франциско во април. Франциско се залагаше за канонизација на Акутис, убеден дека на црквата ѝ се потребни такви луѓе за да привлече млади католици, а истовремено да покаже дека обрнува внимание на ветувањата и опасностите од дигиталното доба.
Акутис беше роден на 3 мај 1991 година во Лондон, во богато, но не строго католичко семејство. Семејството се преселило во Милано кратко време по неговото раѓање, а неговото детство било обележано со сè посилна религиозна посветеност.
Момчето покажало особен интерес за компјутерските науки и го добило прекарот „инфлуенсер на Бога“ благодарение на најголемото технолошко наследство што го оставил зад себе – повеќејазична веб-страница што ги документирала таканаречените евхаристиски чуда признати од црквата – проект што го имплементирал во време кога развојот на ваквите страници го правеле професионалци.
Во октомври 2006 година, на 15-годишна возраст, Акутис се разболел и му била дијагностицирана акутна леукемија. Починал во рок од неколку дена.
Постапката за канонизација на Акутис била брза, бидејќи епархијата видела дека тој станува исклучително популарен меѓу младите католици, кои го гледале како современ модел.
Фрасати, другиот светец канонизиран денес, е роден во 1901 година и починал во 1925 година.
Свет
Се урна покрив на супермаркет во Германија, двајца се тешко повредени

Две лица се тешко повредени, а уште двајца се со полесни повреди при делумно уривање на покрив на супермаркет во Лаухринген, Југозападна Германија, во близина на границата со Швајцарија, соопшти полицијата, пренесува ДПА.
Инцидентот се случил вчера околу 17:45 часот по локално време во делот на супермаркетот каде се наоѓала контролната сала, во квартот Валдшут.
Причините за уривањето се уште се истражуваат, а не е познато колку купувачи биле во продавницата во моментот на несреќата.