Бројот на загинати во силниот земјотрес што го погоди Мјанмар се искачи на повеќе од 1.000 луѓе, додека спасувачите очајнички ги бараат преживеаните под урнатините на зградите.

Плиткиот земјотрес со јачина од 7,7 степени ја погоди областа северозападно од градот Сагаинг во центарот на Мјанмар ,вчера, во раните попладневни часови, а неколку минути подоцна следеше афтершок со јачина од 6,7 степени.

Земјотресот уништи згради, урна мостови и уништи патишта низ поголемиот дел од земјата, а големи штети беа пријавени во вториот по големина град Мандалеј.

Најмногу смртни случаи во Мандалеј, бројките не се конечни

Владејачката хунта во саботата објави дека 1.002 лица биле потврдени мртви и 2.376 повредени, а најголем дел од смртните случаи се во Мандалеј. Во соопштението тие велат дека бројките се уште не се конечни: „Се уште се собираат податоци“.

Во соседен Тајланд, каде исто така се почувствуваа потреси, властите во Бангкок соопштија дека досега се пронајдени шест мртви, а 26 повредени, додека 47 лица се уште се водат како исчезнати. Повеќето од нив биле на градилиште на облакодер во близина на популарниот пазар Чатучак. Претходно властите објавија дека 10 лица загинале, а околу 100 се водат за исчезнати.

🧵 Massive 7.7 Earthquake rocked Myanmar today, flattening buildings and shaking Southeast Asia

The devastation is unreal… 🧵Thread 👇

⚠️ Near Mandalay—Myanmar’s second-largest city. 6.4 aftershock hit minutes later. Bangkok felt it 600 miles away—skyscrapers collapsed… pic.twitter.com/hBvnmP1hJL

— Culture War Report (@CultureWar2020) March 29, 2025

Поради големите проблеми во комуникацијата во Мјанмар, се уште не се знае вистинскиот обем на катастрофата, а се очекува бројот на жртвите значително да се зголеми.

Најсилниот земјотрес што го погодил Мјанмар во повеќе од еден век

Според американските сеизмолози, ова е најсилниот земјотрес што го погодил Мјанмар во повеќе од еден век. Земјотресот бил толку силен што оштетил згради во Бангкок, стотици километри оддалечени од епицентарот.

Спасувачите во главниот град на Тајланд ја поминаа ноќта барајќи работници заробени во урнатиот облакодер од 30 ката, кој се урнал за неколку секунди, претворајќи се во куп урнатини.

Властите во Бангкок објавија дека ќе испратат повеќе од 100 инженери на терен за да ги прегледаат оштетените згради, откако добија повеќе од 2.000 извештаи за штета.

Mandalay’s historic Shwe Boan Shein Mosque, in Myanmar destroyed. Dozen dead or missing inside. #earthquake pic.twitter.com/dBGiMeCHhx

— Anonymous (@YourAnonCentral) March 28, 2025

Иако немаше големи разурнувања, потресите предизвикаа драматични сцени.

Жена се породи на улица

Дури и болниците беа евакуирани – една жена се породи надвор откако беше преместена од зградата на болницата. Еден хирург продолжи да го оперира пациентот по евакуацијата, завршувајќи ја процедурата на отворено, изјави портпаролот за „АФП“

Најлошо беше во Мјанмар, каде четиригодишната граѓанска војна, која започна со воен удар, го уништи системот за здравство и итната помош.

Водачот на Хунтата Мин Аунг Хлаинг упати исклучително редок апел за меѓународна помош, што укажува на сериозноста на ситуацијата. Претходните воени власти одбија странска помош дури и по големи природни катастрофи.

Земјата прогласи вонредна состојба во шесте најпогодени региони. Во една од најголемите болници во главниот град, Најпида, лекарите мораа да ги лекуваат повредените на отворено.

Over 40 construction workers are reported missing, following the collapse of an under construction high-rise building in the Thai capital of Bangkok, as a result of today’s 7.7 magnitude earthquake in Myanmar. pic.twitter.com/ydkbxExorf

— OSINTdefender (@sentdefender) March 28, 2025

„Нашиот град изгледа како да се урна“

Еден функционер ја опиша ситуацијата како „област на масовни жртви“.

Мандалеј, град со повеќе од 1,7 милиони жители, претрпе сериозни штети. Фотографиите покажуваат десетици згради срамнети со земја.

Спасувач од Амарапура, антички град кој сега е област на Мандалај, рече дека извлекле тела на 30 луѓе од срушените повеќекатници.

„Никогаш не сум доживеал вакво нешто – нашиот град изгледа како да е урнат“, рече тој, проценувајќи дека околу една петтина од зградите се уништени.

Има недостиг од спасувачи

Еден жител кој телефонски разговарал со АФП рече дека болница и хотел се уништени, а градот има хронично недостиг од спасувачки персонал.

Друг сведок од Мандалеј, кој сакаше да остане анонимен, рече дека осум лица загинаа, а повеќе останаа заробени откако се урна градилиште во областа Пигијтагон.

„Целиот град Мандалај е погоден од земјотресот. Спасувачките служби и болниците се преоптоварени. Ние помагаме најдобро што можеме со она што го имаме во соседството“, рече тој.

Фотографиите покажуваат купишта тули и урнатини пред оштетената џамија во Мандалеј. Според нивните тврдења, таму загинале најмалку 20 лица, но оваа бројка не може да се потврди независно.

Трамп вети помош од САД

Долги линии автобуси и камиони чекаа на влезот во Најпидау рано во саботата.

Почнаа да пристигнуваат понуди за помош од странство. Американскиот претседател Доналд Трамп во петокот вети американска помош.

„Тоа е страшно“, им рече Трамп на новинарите во Овалната соба на прашањето дали ќе одговори на апелот на властите во Мјанмар.

„Тоа е навистина, навистина лошо, и ние ќе помогнеме. Веќе контактиравме со таа земја“.

Помош понудија и Индија, Франција и Европската унија, додека Светската здравствена организација најави дека подготвува медицински материјали за трауматски повреди. Кинескиот претседател Си Џинпинг упати сочувство, објавија државните медиуми.

Украинскиот претседател, Володимир Зеленски, рече дека Украина нема да прифати никаков договор за минералните суровини што ќе ја загрози нејзината интеграција со Европската унија, но додаде дека се уште е рано да се извлечат заклучоци за драматично проширениот договор за минералите предложен од Вашингтон.

Украинскиот лидер им рече на новинарите дека украинските адвокати мора да го разгледаат нацртот пред да може да каже нешто повеќе за американската понуда, чие резиме сугерира дека САД ги бараат сите приходи од природните ресурси на Украина во текот на многу години.

Тој истакна дека Киев нема да прифати дека помошта од милијарди долари од САД е заем, иако не кажа дали најновата верзија на нацртот содржи такво барање.

Зеленски рече и дека текстот е „целосно различен“ од претходниот нацрт на договорот што тој требаше да го потпише со Доналд Трамп пред нивните разговори минатиот месец да се претворат во спор.

„Не сакам да предизвикам бран коментари, сакам адвокатите на највисоко ниво да спроведат анализа“, рече Зеленски на прес-конференција во Киев.

Последниот предлог на САД ќе бара од Киев да му ги испрати на Вашингтон сите приходи од фондот што ќе ги контролира украинските ресурси додека Украина не ја отплати американската воена помош со камата.

Вицепремиерката Јулија Свириденко им рече на пратениците дека Киев ќе заземе став за новиот нацрт откако ќе се постигне консензус. Дотогаш, јавната дебата би била штетна, рече таа.

Михајло Подољак, висок функционер во кабинетот на претседателот Володимир Зеленски, за Ројтерс изјави дека сè уште нема финален нацрт.

„Сè уште траат консултациите на ниво на неколку министерства“, рече тој.

Администрацијата на Трамп со недели го притиска Киев да потпише договор со кој Вашингтон ќе добие права на украинските ресурси.

Зеленски вели дека нема да потпише договор што ќе ја осиромаши неговата земја. Во четвртокот, тој рече дека Вашингтон постојано ги менува условите, но додаде дека не сака САД да мислат дека се противат на предлогот.

Тројца извори запознаени со преговорите изјавија дека Вашингтон ги променил своите барања. Според последниот нацрт, Украина нема да има идни безбедносни гаранции и од неа се бара да придонесе во заеднички инвестициски фонд со приходи од природни ресурси управувани од државни и приватни компании.

Нацртот предвидува дека Вашингтон има приоритет при купување ресурси и враќање на сите пари испратени во Украина од 2022 година, со годишна каматна стапка од четири отсто, пред Украина да добие пристап до приходите на фондот.

Според Министерството за финансии, украинскиот буџет за 2024 година се состоел, меѓу другото, од 1,2 милијарди такси за користење на подземни ресурси, 1,8 милијарди дивиденди и други плаќања од државните компании и 19,4 милијарди од приходите на државните компании.

Со заедничкиот инвестициски фонд би управувала американската корпорација за меѓународен развој и би имала пет членови на одборот, од кои тројца би биле назначени од САД, а двајца од Украина. Средствата би се заменувале за девизи и би се испраќале во странство.

Водачот на шпанската нарко банда Лос Пантоја, Хесус Хередија, не се вратил во затвор откако добил отсуство во текот на викендот, а судот во градот Кадиз распишал налог за негово апсење, објавија денеска шпанските медиуми.

Тој отслужуваше шестгодишна затворска казна за трговија со дрога, јави јавната телевизија Ртве.

Тој беше уапсен во 2020 година заедно со 40 други членови на неговата организација, а две години подоцна беше осуден на затвор од судот во Алгесирас.