Свет
Нетанјаху се огласи по одлуката на Меѓународниот суд: „Срамотни обвинувања, ќе продолжиме да ги браниме граѓаните“
Израел ќе продолжи да се брани себеси и своите граѓани, почитувајќи го меѓународното право, изјави денеска израелскиот премиер Бенјамин Нетанјаху по пресудата на Меѓународниот суд на правдата во Хаг.
Врховниот суд на Обединетите нации не нареди прекин на огнот во Газа во случајот на геноцид, туку побара од Израел да се обиде да ги намали смртните случаи и штетите во својата воена офанзива во палестинската енклава, пренесува Ројтерс.
Нетанјаху ги нарече обвинувањата за геноцид „безобразни“ и срам што „нема да биде избришан со генерации“. Тој посочи дека и покрај почитувањето на меѓународното право, Израел има право на самоодбрана.
„Светскиот суд во Хаг со право го отфрли срамното барање да ни го одземе ова право“, рече Нетанјаху во врска со одлуката на Меѓународниот суд на правдата да не нареди прекин на огнот, и покрај воведените мерки.
Меѓународнио суд не му нареди на Израел да ја прекине својата офанзива во Газа, туку побара од него да стори сé што е во негова моќ за да спречи акти на геноцид.
Денешната одлука на судот е само привремена мерка, бидејќи може да поминат години пред да се разгледа целосниот случај што Јужна Африка го покрена против Израел за геноцид врз Палестинците во Појасот Газа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Трамп вети олеснување на прописите во САД за поседување оружје што ги воведе Бајден
Поранешниот американски претседател и републикански претседателски кандидат Доналд Трамп вети во говорот во Националната асоцијација за пушки (NRA) дека ќе ги олесни прописите за поседување оружје што ги воведе демократскиот претседател Џозеф Бајден.
Трамп го искористи обраќањето до илјадници членови на NRA во Далас за да ја расветли неговата политика, но и да ги охрабри членовите на NRA да гласаат на ноемвриските избори, пренесува Ројтерс. „Треба да ги натераме сопствениците на оружје да гласаат. Мислам дека сте бунтовен куп.
„Бидете бунтовни и гласајте овој пат“, рече Трамп во говорот што траеше повеќе од 90 минути.Националната асоцијација за пушки (НРА) со ентузијазам го поддржа Трамп за време на претседателската трка во 2016 година и во текот на неговата администрација.
Регион
Под сомнение за планирање терористички напад уапсено е малолетно девојче од Црна Гора
Во Австрија е уапсено четиринаесетгодишно девојче од Црна Гора, кое, според австриските медиуми планирало терористички напад на Јакоминиплац во Грац, а истражителите од Државната служба за државна безбедност и борба против екстремизмот во Штаерска успеале да спречат тоа.
При претресот на куќата, како што пишува истиот медиум истражителите заплениле секира и нож.
Информациите за планираниот напад дојдоа од Европска безбедносна управа. На овој начин, локалните истражители од Државниот завод за државна безбедност и борба против екстремизмот (ЛСЕ) на Штаерска им влегле во трага на првично непознатите лица.
Свет
Потона брод во близина на брегот на Црното Море, се трага по исчезнатите членови на екипажот
Романските спасувачки тимови денеска трагаа по тројца исчезнати членови на екипажот на товарен брод што потона во близина на брегот на Црното Море, соопштија поморските власти.
Информациите кои ги добиле се дека рано утрината дека бродот „Мохамад З“ под знаме на Танзанија потонал на 26 наутички милји од дунавското село Сфанту Џорџ.
Во потрагата и спасувањето биле вклучени Морнаричкиот центар за координација на спасување (МРЦЦ), граничната полиција и два блиски комерцијални брода.
Засега не се познати причините поради кои бродот потонал.