Свет
„Нетфликс“ го паузира снимањето на „Круната“ во знак на почит кон починатата кралица Елизабета Втора

Популарната драмска серија на „Нетфликс“, „Круната“, ќе направи пауза од снимањето на шестата сезона како знак на почит кон починатата кралица Елизабета Втора, објавија во петокот британските медиуми.
Серијата „Круна“ на Питер Морган се заснова на животот, кариерата и наследството на 96-годишната кралица, која 70 години ѝ служеше на Британија како монарх со најдолг стаж во историјата.
Елизабета Втора почина во четвртокот во замокот Балморал во Шкотска.
„’Круната’ е љубовно писмо до неа и засега немам што да додадам, само молк и почит“, објави Морган откога Бакингемската палата ја објави смртта на кралицата.
„Очекувам и дека од почит ќе престанеме да снимаме некое време“.
„Ако серијата сѐ уште се прикажува кога ќе умре кралицата, ќе престане на некое време“, изјави директорот на „Краун“, Стивен Далдри, пред неколку години иако не е јасно што сакал да каже со тоа имајќи предвид дека серијата е на стриминг-сервис.
„Никој од нас не знае кога ќе дојде тоа време, но би било правилно да искажеме почит кон кралицата. Тоа, едноставно, би било почит и знак на почит. Таа е глобална фигура и тоа треба да го направиме. Таа е извонредна жена и луѓето ќе бидат вознемирени.
Актерките Клер Фој, Оливија Колман и Имелда Стаунтон добија можност да ја портретираат улогата на кралицата Елизабета Втора во серијата во разни фази од нејзиниот живот, пренесе „Телеграф.рс“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Факели и емоции: „Цесарица“ одекнуваше на фериботот кон Корчула

Три и пол часа по тргнувањето од Сплит, атмосферата на фериботот кон Корчула не стивнуваше. Следеа хитовите на Оливер, а кога бендот ја отпеа „Цесарица“, беа запалени и факели, објави Индекс.хр.
Погледнете ја атмосферата и запалените факели за време на настапот со „Цесарица“:
Регион
Грција бара помош за справување со големите пожари

За активните пожари на неколку различни локации низ целата земја, Грција побара помош од Европскиот механизам за цивилна заштита, со цел да се испратат шест авиони.
Од попладнево, грчките пожарникари водат битка во источниот дел на областа Атика, поширокиот регион на Атина, во северна Грција, на островите Евија и Китира, како и во јужниот дел на Пелопонез, од бројот 112 за итни случаи беа испратени низа пораки за превентивна евакуација до жителите на зафатените области.
Портпаролот на противпожарната служба информираше дека во сите пожари интервенираат голем број пожарникари заедно со копнени и воздушни средства, но и дека во деловите каде што се пожарите е пријавена штета, чија процена ќе се направи кога ќе заврши гаснењето.
– Сите пожари што избувнуваат овие денови, а особено денеска, брзо се шират, стануваат опасни, а се очекува овие услови да преовладуваат и во наредните денови. Поради оваа причина, нашата земја побара помош од Европскиот механизам за цивилна заштита, со цел да ни обезбеди шест авиони, рече Василис Ватракојанис.
Свет
Поради гладување 90.000 жени и деца итно имаат потреба од медицинска интервенција во Газа

Секој трет жител на Појасот Газа со денови не добива храна, предупреди Светската програма за храна (WFP) на Обединетите нации. Во последното соопштение се наведува дека 90.000 жени и деца итно имаат потреба од медицинска интервенција поради тешка неухранетост.
Според Министерството за здравство во Газа, само вчера починале уште девет лица од глад, со што бројот на жртви од неухранетост од почетокот на конфликтот достигна 122.
Израел, кој го контролира влезот на сите залихи во Газа, повторува дека не постои блокада и ја обвинува Хамас за лошата распределба на ресурсите.
Меѓународната заедница, вклучувајќи ги Германија, Франција и Велика Британија, побара итно олеснување на влезот на помошта, а генералниот секретар на ОН Антонио Гутереш остро ја осуди „рамнодушноста и недостигот на човечност“ во глобалниот одговор на кризата.