Свет
„Не можам да дишам“ – Си-ен-ен објави транскрипт од последните зборови на Кашоги во конзулатот
„Не можам да дишам”, се последните зборови што ги кажал саудискиот новинар Џемал Кашоги пред да биде убиен, објави Си-ен-ен. Американскиот медиум се повикува на извор близок до истрагата за убиството на саудискиот новинар.
Изворот кој го читал преведениот транскрипт од аудиоснимката вели дека е сосема јасно дека убиството што се случило на 2 октомври било планирано.
За време на вознемирувачките и мачни моменти во саудискиот конзулат во Истанбул, Кашоги, вели изворот, се борел за живот.
„Не можам да дишам”, рекол тој. „Не можам да дишам”, повторил тој. „Не можам да дишам”, рекол Кашоги по третпат и, според зборовите на изворот на Си-ен-ен, тоа било и последен пат.
Во транскриптот исто така е забележан звукот на пилата, како и музиката што ја пуштиле убијците за да го прикријат звукот додека го сечеле телото на убиениот новинар, пишува Си-ен-ен.
Исто така, во транскриптот се вели дека веднаш по убиството биле направени неколку телефонски повици, со кои другата страна била информирана дека работата е завршена. Турската разузнавачка служба се сомнева дека станува збор за разговори со луѓе од влада во Ријад.
На 2 октомври Кашоги влегол во саудискиот конзулат во Истанбул со цел да побара документи за свадбата со својата девојка од Турција. И оттогаш почнува транскриптот што го објави Си-ен-ен.
Штом влегол, како што може да се забележи и на видеото, Кашоги сфатил дека нешто не е во ред.
Тој препознал еден од луѓето кои биле внатре и го прашал што прави таму. Според изворот на Си-ен-ен, тоа е Махер Абдулазиз Мутреб, поранешен саудиски дипломат и разузнавач кој работи за Бин Салман. Кашоги го познавал уште од времето кога живеел во Лондон, а тие двајца и заедно работеле во саудиската амбасада.
„Се враќаш“, вели човекот. „Не можете да го направите тоа. Луѓето чекаат надвор”, враќа Кашоги. Имено, свршеницата на Кашоги чекала пред конзулатот.
Набрзо почнува бучава. Очигледно, тие брзо го нападнале новинарот, објави Си-ен-ен.
Во една од првите верзии, кога призна дека новинарот е убиен, Саудиска Арабија изјави дека било ненамерно. Но според транскриптот, може да се забележи дека Кашоги неколкупати вели дека нема воздух.
„Не можам да дишам”, тоа беа неговите последни збори, додава Си-ен-ен.
Еден од гласовите кои истражувачите го препознале од видеото е идентификуван како гласот на д-р Салах Мухамад ал-Тубаики, шеф на форензичката медицина во Министерството за внатрешни работи на Саудиска Арабија.
Со Кашоги и Мутреб, тој е единствената личност чиј глас засега е идентификуван.
Како што продолжува транскриптот, се открива дека Кашоги сè уште не е мртов. На видетото подоцна, според зборовите на изворот на Си-ен-ен, се слушаат бучава и вресоци, но без дијалог. Потоа се слуша моторна пила, како и Ал-Тубаики, кој им наредува нешто на своите соработници.
„Ставете ги слушалките или слушајте музика како мене”, вели тој. Во транскриптот, исто така, евидентирано е дека Мутреб направил три телефонски повици.
„Кажи им на своите дека е завршено“.
„Кажете им на своите луѓе дека тоа е направено, тоа е направено”, повторува Мутреб, се наведува во транскриптот.
Извор близок до истрагата на Си-ен-ен тврди дека Мутреб и Тубаики исто така рекле дека не направиле никакви повици. 18 саудијци беа уапсени под сомнение за поврзаност со убиството на Кашоги. Саудиска Арабија негира дека е вмешана во убиството, додека Турција уште првиот ден по исчезнувањето на новинарот прстот го впери во Ријад.
Кашоги работеше како дописник на „Вашингтон пост“, тој беше критичар на саудиската власт. На 2 октомври влезе во саудискиот конзулат во Истанбул по документи за неговата свадба, но никогаш не излезе оттаму. И по речиси два месеца, истрагата сè уште е во тек, а телото на новинарот не е пронајдено.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Саудијците го пречекаа Трамп како крал – му купија и мобилен „Мекдоналдс“
Саудиска Арабија подготви раскошен пречек за американскиот претседател Доналд Трамп во Ријад, каде што тој слета денес, буквално на тепих од лаванда.
Во 2021 година, Саудиска Арабија го замени традиционалниот црвен тепих со лаванда, наведувајќи дека бојата е инспирирана од „природното наследство на Саудиска Арабија“, имено сезонските цветања на лаванда во пустинските региони на земјата.
Саудиска Арабија очигледно се погрижи на американскиот претседател ништо да не му недостасува за време на неговата посета на Блискиот Исток, дури ни неговата омилена брза храна.
Според американските медиуми, Саудијците обезбедиле мобилен ресторан на „Мекдоналдс“ во случај Трамп да не стигне до една од многуте постоечки филијали во земјата.
Yes, it’s a mobile @McDonalds here in Riyadh. pic.twitter.com/Y6T2EBDbQf
— Mordechai Wagenheim (@Mike_Wagenheim) May 13, 2025
Трамп е познат по својата склоност кон брза храна, а за време на кампањата дури и им служеше на гостите во „Мекдоналдс“ во Пенсилванија.
Но, разликата во протоколот беше видлива и на друго ниво, политичкото.
За разлика од посетата на поранешниот американски претседател Џо Бајден во 2022 година, кога саудискиот престолонаследник Мохамед бин Салман испрати делегација да го пречека на аеродромот, Трамп денес беше лично пречекан од бин Салман на скалите од претседателскиот авион.
Да потсетиме дека пред да пристигне во Саудиска Арабија, Бајден изјави дека ќе го „изолира кралството“ поради убиството на новинарот Џамал Кашоги и кршењата на човековите права. Трамп, од друга страна, одржува блиски политички и деловни врски со кралското семејство уште од својот прв мандат.
Свет
Трамп ги укина санкциите за Сирија : „Со среќа Сирија, покажи ни нешто многу посебно“
Американскиот претседател, Доналд Трамп, денес објави дека ќе нареди укинување на санкциите врз Сирија на барање на саудискиот престолонаследник, што е огромен поттик за привремениот сириски претседател Ахмед ал-Шари и неговите напори за стабилизирање на земјата разорена од војна.
Трамп го објави ова ненадејно за време на регионалната турнеја што ја започна во Саудиска Арабија. Белата куќа објави дека Трамп ќе биде пречекан од ал-Шари за време на неговата посета на Саудиска Арабија, што укажува дека средбата меѓу американскиот претседател и поранешниот командант на Ал Каеда, кој помина пет години во американски затвор во Ирак, ќе се одржи во среда.
САД воведоа строги санкции врз Сирија за време на владеењето на Башар ал-Асад и ги одржуваат на сила откако ал-Асад беше соборен од власт во декември по повеќе од 13 години војна.
Трамп рече дека ќе ги укине сите санкции врз Сирија, објаснувајќи дека тие имале важна функција, но дека сега е време Сирија да продолжи напред.
„Ќе наредам укинување на санкциите против Сирија за да им дадам шанса да успеат“, рече Трамп на инвестициски форум во Ријад.
„Нивно време е да блеснат“, рече Трамп. „Со среќа Сирија, покажи ни нешто многу посебно“, рече американскиот претседател.
Ал- Шари беше лидер на официјалното крило на Ал Каеда во сирискиот конфликт со години, пред да ги прекине врските со глобалната џихадистичка мрежа во 2016 година.
Хајат Тахрир ал-Шам, групата предводена од ал-Шари, која официјално беше распуштена во јануари, е прогласена за терористичка организација од САД и ОН.
Свет
Русија потврди дека ќе оди на преговори со Украина
Портпаролот на Кремљ, Дмитриј Песков, изјави дека руската делегација ќе биде во Истанбул на 15 мај, додавајќи дека очекуваат и украинската страна да се појави на преговорите.
Украинскиот претседател, Володимир Зеленски, пак, се обрати вечерва во видео на платформата X. „Во тек се итни интервенции по нападот со руски беспилотни летала врз Харков. Уште еден напад врз енергетски објект – исклучиво цивилен. Русија останува она што е“, рече Зеленски.
„Додека сите чекаат одговор од Русија на предлогот за примирје и директни преговори, тие одговараат со нови удари и напади. Затоа е неопходен притисок“, рече тој.
Зеленски потврди дека украинскиот тим активно се подготвува за преговори во Турција и дека ставот на Украина денес им бил презентиран на сите партнери.
„Путин е оној кој одлучува за сè во Русија, па затоа тој е оној кој мора да ја запре оваа војна. Ова е негова војна. Затоа, преговорите мора да бидат со него“, рече Зеленски.
Високата претставничка на ЕУ, Каја Калас, изјави дека не верува оти средбата меѓу украинскиот претседател Володимир Зеленски и рускиот претседател Владимир Путин ќе се одржи оваа недела во Турција.
ИК на ВМРО-ДПМНЕ: Мицкоски да предложи нови кадровски решенија, одењето на Таравари значи паѓање на уште една маска
Извршниот комитет на ВМРО-ДПМНЕ одржа седница на која се дискутираше за актуелната економска и политичка состојба во државата Во рамки...
Во оваа фарса убијците добиваат милост, 12 години за масакрот на сестра ми што преминуваше улица на пешачки премин: семејството на Фросина повика на протест
„Ги повикуваме утре на протест против гнилиот судски систем сите наши пријатели, роднини и сите родители чии деца секојдневно минат...
На Јаневска ѝ е рано да размислува за ресорот здравство: Имам толку многу да доработам во Образование во овој мандат, премиерот ќе одлучи
Премиерот и преговарачкиот тим во коалицијата ќе одлучат кој ќе биде нов министер за здравство на местото на Арбен Таравари,...
Фрчкоски реагира: Кривичната пријава е банална, срамна и полна со неправилности
Љубомир Фрчкоски, поранешниот шеф на Постојаната мисија на Македонија при ООН во Њујорк, реагира по кривичната пријава за злоупотреби во...
(Видео) Манасиевски: Таравари се интересира само за бизниси и за Груби и за Заев, досега не се разговарало за размена на ресори
Вечерва партијата ќе има редовна седница на Извршниот комитет на која што ќе се разговара за обвинувањата на Таравари за...
Во историјата на овој суд не е изречена 12 години казана затвор за вакво дело, но го задржуваме правото да бараме поголема, рече обвинителот
Обвинителот Александар Марковски го задржа правото да бара поголема затворска казна од 12 години колку што денес му пропиша Основниот...
Таткото на Фросина: Судот ги скри клучните сведоци, кои биле во возилото со Васил, едниот снимал, па ја избришал снимката
Дванаесет години казна е награда за ова најбрутално убиство во сообраќајот, изјави таткото на усмртената Фросина, Тодор Кулаков. Тој повика...
Дванаесет години затвор за Васил Јованов, кој ја усмрти Кулакова на пешачки премин
Судот изрече 12 години затворска казна за 20-годишниот Васил Јованов, кој смртно ја прегази Фросина Кулакова на пешачки премин. Во...
МВР со апел до граѓаните: Внимавајте на лажни е-пораки – фишинг-линкови, се злоупотребуваат имињата на повеќе македонски компании
Секторот за компјутерски криминал при Бирото за јавна безбедност на Министерството за внатрешни работи периодов констатира зачестена појава на таканаречени...
Со какви санкции му се заканува ЕУ на Путин?
Главните европски сојузници на Украина ја повикаа Русија на безусловно 30-дневно примирје и се заканија со нови санкции, според заедничкото...
Несреќа на патниот правец Берово – Виница, сообраќајот во прекин
АМСМ извести дека се случила сообраќајна незгода на патниот правец Берово – Виница, кај село Будинарци. Поради незгодата од 07:30...
(Видео) Трамп: ЕУ игра повалкано од Кина
Американскиот претседател Доналд Трамп вчера повторно ја нападна Европската Унија, велејќи дека е полоша од Кина во многу аспекти, само...
Кинескиот претседател по договорот со Трамп: Малтретирањето води до самоизолација
Кинескиот лидер Кси Џинпинг ги осуди малтретирањето и хегемонијата во своето прво јавно појавување откако САД и Кина постигнаа привремен...
Опожарено возило во Аеродром
Во периодот од 01:40 до 02:40 часот, пожарникарите гаснеле запалено патничко моторно возило, на површина од 2м2 на булеварот Видое...
(Видео) Трогателна средба: Еден Александар го прегрнува своето семејство откога Хамас го ослободи
Израелско-американскиот заложник Еден Александар се врати на своето семејство во Израел откога помина 19 месеци во заробеништво на Хамас во...
Ултиматумот на Европската Унија до Путин и Русија истече
Украина и европските лидери се согласија на безусловно примирје во траење од 30 дена, почнувајќи од 12 мај, со поддршка...
Одиме во опозиција, доколку има сомнежи во тие што се во Владата, нема што да бараме таму, соопшти Таравари
Минатата година со гордост ја донесовме промената во албанскиот блок после 20 години и за тоа сме многу гроди, изјави...
Зеленски: Ќе бидам во Турција, се надевам дека ќе дојдат и Путин и Трамп
Украинскиот претседател Володимир Зеленски изјави дека ќе отпатува во Истанбул на мировни преговори и дека е подготвен да се сретне...
Орбан: Никој не се осмелува да признае, но ја загубивме војната во Украина
Зapaдната стратегија насочена кон уништување на Русија не успеа, санкциите не ја постигнаа својата цел, а Русија ја спречи Украина...
Левицата предлага инспекторат кој ќе казнува за непочитување на грбот, знамето и химната: МВР реагира за сквернавење, но не влегува во канцеларии
Партијата Левица оваа недела ќе поднесе предлог-закон за формирање инспекторат за употреба на грбот, знамето и химната на државата, како...
