Свет
Никој не знае каде оди иранскиот танкер, Турција тврди дека бродот плови кон Либан
Турција денеска соопшти дека иранскиот танкер, кој се најде во средиштето на конфликтот меѓу Техеран и Вашингтон, се движи кон Либан, иако официјален Бејрут тврди дека не знае ништо за тоа, пренесува агенцијата „Ројтерс“.
Танкерот „Адријан Дарја“, кој претходно се викаше „Грејс 1“, го промени правецот за 180 степени и се упати кон турското пристаниште Искендерун, 200 километри од сириската рафинерија „Банијас“. Од почетокот се претпоставуваше дека ова пристаниште е крајната дестинација за танкерот што со денови плови во Средоземното Море. Имено, ова е третпат во десет дена танкерот да го менува курсот.
Но, турскиот министер за надворешни работи, Мевљут Чавушоглу, вели дека танкерот, кој инаку плови со 2 милиона барели нафта, се движи кон главното пристаниште во Либан. Тој исто така додаде дека за координатите на танкеротрот разговарал со британскиот премиер, Борис Џонсон.
„Ние многу внимателно го следиме танкерот“, изјави Чавушоглу.
Турскиот министер сепак рече дека Либан не мора да биде крајната дестинација на бродот.
„Не реков дека танкерот оди до либанското пристаниште“, рече тој на прес-конференција.
„Според координатите, бродот плови кон територијалните води на таа земја, но тоа не значи дека ќе застане во либанско пристаниште“, додаде тој повторувајќи дека Турција не е крајната дестинација.
Но, либанскиот министер за финансии, Али Хасан Калил, за „Ројтерс“ изјави дека никој не ги информирал оти иранскиот танкер „Адријан Дарја“ плови за Либан.
САД, пак, тврдат дека танкерот е контролиран од Иранската револуционерна гарда, елитна иранска воена единица под директно раководство на иранскиот врховен лидер, ајатолахот Али Хаменеи, која ја семетаат за терористичка организација. Затоа, тие бараат од земјите во регионот да не му помагаат и да не дозволат пристап за танкерот.
Танкерот беше запленет, па пуштен од Гибралтар кон средината на август кога беше задржан пет недели под сомнение за транспорт на нафта до Сирија, што би ги нарушило санкциите воведени од ЕУ. По ослободувањето, танкерот првично се упати кон грчкото пристаниште Каламата, а потоа кон пристаништето Месрин во Турција.
Портпаролот на иранската влада во понеделникот изјави дека Иран ја продал нафтата на танкерот и дека купувачот, кој засега е непознат, ќе ја одреди конечната дестинација на бродот.
Сепак, кога на танкерот му беше дозволено да исплови од Гибралтар, иранските власти порачаа дека нафтата не е наменета за Сирија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Протести во цела Србија по крвавата ноќ во Нови Сад
По синоќешното полициско насилство на кампусот на Универзитетот во Нови Сад, денеска веќе се одржуваат протести во повеќе српски градови. Илјадници граѓани и студенти се собраа на улиците како одговор на, како што велат, бруталните акции на полицијата.
Од Центарот на протестите во Нови Сад се јавуваат пораки на отпор: „Ќе одговарате. Ќе одговарате. Ќе одговарате“. Студентите во блокада обвинија дека инцидентите биле инсценирани, а полициската интервенција однапред планирана. „Оние кои го нарачаа синоќешниот варваризам се свесни дека институционалното решавање на кризата би ги довело до доживотен затвор и се подготвени да ја жртвуваат Србија за да се спасат себеси“, наведоа тие.
Valjevo trenutno !!! 💪🏻❤️
Za Novi Sad ! 🙏🏻
Repost – Marija Ognjenović pic.twitter.com/iyGq5BMyiv
— Shonetin (@kaonikotinn) September 6, 2025
View this post on Instagram
Kragujevac trenutno!
Protest je trenutno ispred zgrade SUPa, sugrađani skandiraju! pic.twitter.com/wMKwFUhIux
— Kreni-Promeni (@KPromeni) September 6, 2025
Građani se okupljaju ispred “29. novembra” u Beogradu pic.twitter.com/dF6jVE7eSB
— Čuvari/ke vatre (@CuvariVatre) September 6, 2025
Министерот за внатрешни работи Ивица Дачиќ денеска изјави дека 13 полицајци се повредени, а 42 лица се приведени. Полицијата и понатаму останува распоредена пред Ректоратот и Филозофскиот факултет.
Деканите на неколку факултети на Универзитетот во Нови Сад пак побараа оставка од ректорот Дејан Мадиќ, наведувајќи дека токму на неговиот кампус полицијата извршила насилен упад врз мирни студенти. „Насилното однесување на неколку демонстранти не може да биде изговор за неселективна употреба на хемиски средства против илјадници граѓани,“ стои во нивната заедничка изјава.
Ситуацијата доби и меѓународна димензија – групата социјалисти и демократи во Европскиот парламент остро го осудија и полициското насилство и изјавите на претседателот Александар Вучиќ, кој европратениците ги нарече „олош“.
Свет
Сијарто: Не нè интересира Москва, за Украина нема место во ЕУ
Министерот за надворешни работи Петер Сијарто изјави дека ставот на неговата земја не е диктиран од Москва, туку произлегува од интересите на унгарските граѓани. Тој се повика на референдум, според кој мнозинството гласачи се изјасниле против украинското членство поради загриженост за земјоделството, пазарот на труд и безбедноста.
Изјавата дојде по средбата на украинскиот претседател Володимир Зеленски со претседателот на Европскиот совет, Антонио Кошта. Зеленски претходно порача дека е „чудно“ кога дури и Владимир Путин не се противи на европските интеграции на Киев, а тоа го прави Унгарија.
Сијарто возврати дека унгарската политика се креира внатрешно, а не по диктат на надворешни сили.
„Нè интересираат само нашите граѓани, а не ставовите од Москва“, рече тој.
На ова реагираше украинскиот министер за надворешни работи Андриј Сибиха, кој оцени дека приклучувањето на Украина не претставува закана за Унгарија. Тој потсети дека унгарските земјоделци активно купуваат украинска пченица, а унгарските компании и пред војната вработувале украински работници за да го пополнат недостигот од кадар.
„Наместо препукувања преку социјалните мрежи, потребна е суштинска дискусија и прагматичен пристап. Верувам дека можеме да најдеме решенија во интерес на двата народа“, порача Сибиха.
Иако сите 27 земји-членки на ЕУ формално дале зелено светло за отворање на преговорите, Унгарија и понатаму го блокира процесот. Минатата година, Будимпешта ѝ достави на Украина листа со 11 барања поврзани со правата на малцинствата, но дел од разговорите биле стопирани поради скандал со наводна шпионажа.
Во меѓувреме, Литванија предложи преговорите да започнат технички со поддршка од 26 земји, а правно да се финализираат кога Унгарија ќе се согласи.
Свет
Хрват со два ножа нападнал полицајци во Германија, тие го застрелале
Германската полиција застрела и сериозно рани 25-годишен Хрват во Сасенберг откако наводно нападнал полицајци со два ножа, соопштија канцеларијата на јавниот обвинител и полицијата, објави Билд.
И покрај повторените предупредувања од полицијата и барањата да го спушти оружјето, напаѓачот одбил да го запре нападот. Потоа полицијата го застрелала сторителот во горниот дел од телото. Тој се здобил со сериозни, но не опасни по живот, повреди и бил однесен во болница.
Според истражителите, инцидентот бил расправија меѓу соседи, а инцидентот се случил во петокот околу 14:30 часот. Во еден момент, 25-годишниот маж наводно извадил два ножа, кои подоцна ги употребил за да им се закани на полицајците.
Хрватот, објавува германскиот весник, лесно повредил 39-годишен маж и уште еден сосед (50) со оружјето, пред да избега.
Кога службите за итни случаи го фатиле во близина кратко потоа, ситуацијата ескалирала.
Чизмите им останале заглавени во стопен шеќер, повредени неколку пожарникари, пожарот во „Винчини“ под контрола
Неколку пожарникари се здобиле со изгореници на стапалата додека го гаснеле големиот пожар во фабриката „Винчини“. Тие се заглавиле во...
(Видео) Фабриката „Винчини“ во пламен, ангажирани пожарникари од повеќе градови
Голем пожар ја зафати фабриката за слатки „Винчини“ во Виница, каде што огнените јазици уништија магацини и неколку производствени погони....
Пет лица повредени, една жена во критична состојба во сообраќајка во Скопје
Пет лица се повредени во сериозна сообраќајна несреќа што се случи вчера околу 19:30 часот на улицата Христијан Тодоровски Карпош...
На Табановце чекање и до 40 минути, АМСМ апелира за трпение
Долги колони возила се создаваат на граничниот премин Табановце, каде што за излез и влез во државата се чека и...
Во Украина има 700.000 руски војници, еве каде е најголемата концентрација
Главната дирекција за разузнавање на Министерството за одбрана на Украина (ГУР) информираше дека на територијата на Украина моментално има околу...
Таксистите добиваат 200 електрични возила, Меџити го претстави проектот кој ќе го чисти воздухот
Првиот заменик на претседателот на Владата и министер за животна средина и просторно планирање, Изет Меџити, денес на работен состанок...
Мицкоски порача дека невработеноста паѓа, а економијата оди напред
Премиерот Христијан Мицкоски денеска преку објава на „Фејсбук“ порача дека најновите податоци ја потврдуваат економската стабилизација и растот кој, според...
Илиевски: Дали за торба пари Мицкоски продаде државни тајни?
Потпретседателот на СДСМ, Методија Илиевски, денес одржа прес-конференција на која ја истакна загриженоста на партијата за одбивањето на Христијан Мицкоски...
СДСМ призна дека ги прислушкувал Мицкоски, новинари и бизнисмени, вели Петрушевски
СДСМ призна дека го прислушкувал и го следел претседателот на ВМРО-ДПМНЕ, Христијан Мицкоски, како и новинари и бизнисмени, обвинуваат од...
„Не одам кај терористот“, Зеленски ја отфрли понудата на Путин
Украинскиот претседател Володимир Зеленски категорично ја отфрли идејата на рускиот лидер Владимир Путин за билатерална средба во Москва, објави Укринформ,...
Израел ги повика жителите на Газа да бегат кон југ пред офанзивата
Израелската армија утрово издаде итен апел до палестинските цивили во Газа да се евакуираат кон југ на градот, со цел...
Учениците се оставени без учебници, родителите печатат материјали од Вибер, реагираше СДСМ
Образовниот систем во Македонија ја почна хаотично новата учебна година, откако се покажа дека учениците немаат учебници, иако од ВМРО-ДПМНЕ...
Трамп: Америка нема само да се брани, туку ќе оди во војна
Американскиот претседател Доналд Трамп потпиша извршна наредба со која Министерството за одбрана на земјата се преименува во Министерство за војна,...
Македонци заминуваат кон грчките плажи, продолжениот викенд предизвика хаос на „Богородица“
Сообраќајот на државните патишта се одвива непречено и по суви коловози, но зголемената фреквенција на возила поради летните одмори и...
Летни температури во септември, Скопје до 35 степени
Граѓаните на Македонија денеска ќе уживаат во сончево и топло време со слаба до умерена облачност, соопшти Управата за хидрометеоролошки...
24-годишник осомничен за полови дејствија врз 5-годишно девојче
Основното јавно обвинителство Скопје донесе Наредба за спроведување истражна постапка против едно лице за кое постои основано сомнение дека вршело...
Интерната комисија проверува дали се правеле непотребни операции на срце, методологијата за работа е утврдена
Интерната комисија за кардиолошки и кардиохируршки интервенции ја утврди методологијата за работа, која што ќе биде основата за анализата не...
(Видео) Утната процедура е можна причина за одложување на седницата за прислушувањата, Петровска бара декласификација
Пратеничката на СДСМ, Славјанка Петровска, денеска на прес-конференција оцени дека власта намерно прави деловнички грешки со закажувањето на седницата на...
Поплаки за искинати учебници стигнале и до Јаневска: Потрошивме 11 милиони евра, што побарале училиштата, тоа добиле
Учебниците законски се менуваат на пет години, учениците треба да се грижат за нив, наставниците да ги научат на тоа,...
Кривични за стружаните кои запалија душеци на депонија за да ги извадат федерите и да ги продадат
Струшката полиција поднесе кривична пријава против двете лица на возраст од 38 и 61 години кои палеа душеци на депонија....
