Европа
Новата полска влада одлучи да ги стави во ликвидација државните медиуми

Полскиот министер за култура вчера најави дека ќе стави во ликвидација јавна телевизија, радио и новинска агенција, продлабочувајќи го спорот за иднината на јавните медиуми по промената на власта во земјата. Про-ЕУ коалицијата предводена од Доналд Туск ја презеде власта во Полска овој месец и го отфрли раководството на јавните медиуми, за кои тврди дека станале пропагандни места за претходно владејачката националистичка партија Право и правда (ПиС).
Од ПиС велат дека владата ја заобиколила вообичаената собраниска процедура при спроведувањето на својата политика кон јавните медиуми. Овој потег уследи по одлуката на претседателот Анджеј Дуда, сојузник на ПиС, да стави вето на предлозите на новата влада за финансирање на јавните медиуми.
„Поради одлуката на претседателот на Република Полска да го суспендира финансирањето на јавните медиуми, решив да ги ликвидирам компаниите Телевизија Полска СА, Полско Радио СА и Полската агенција СА“, објави министерот за култура Бартломиј Сиенкиевич на X.
„Во сегашната ситуација, со ваква акција ќе се обезбеди продолжување на бизнисот на овие компании, ќе се изврши неопходното преструктуирање и ќе се спречи отпуштање на работниците во споменатите компании“, додаде тој.
Тој посочи дека состојбата на ликвидација може во секое време да ја повлече сопственикот на компанијата, односно државата. Пратеничката на ПиС, Јоана Личочка, во објава на Х рече дека „Владата на Туск ги уништува полските медиуми“. „Тоа е чин кој ја оштетува државата“, додаде таа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Зеленски пристигнува на погребот на папата

Украинскиот претседател Володимир Зеленски ќе присуствува на погребот на папата Франциско, пренесе АФП повикувајќи се на извор од украинскиот претседателски кабинет.
Според истиот извор, канцеларијата на Зеленски ја подготвува неговата посета на Рим за Зеленски лично да се прости од поглаварот на Католичката црква.
Како што претходно беше најавено, погребот на папата Франциско ќе се изврши в сабота, 26 април, во 10 часот по локално време. Досега Трамп и Макрон потврдија дека ќе бидат на погребот, но се очекува да присуствуваат многубројни светски лидери и стотици илјади верници.
Европа
Украина: Русите го зголемуваат военото присуство во Мариупол

Руските сили продолжуваат да го зголемуваат своето воено присуство во привремено окупираниот град Мариупол. Како што соопшти денеска на „Телеграм“ градскиот совет на Мариупол, во градот веќе се формирани две воени бази.
„Руските окупатори го прошируваат своето воено присуство во Мариупол“, се вели во соопштението.
Според Центарот за проучување на окупацијата, во текот на март и април 2025 година се појавиле две нови воени бази: една во областа Калмиус на северозапад од градот и логистичка база во областа Ливобережњи, во станбената зона Шхидни. Втората база, како што се наведува, главно се користи за сместување персонал и воена опрема.
„На овој начин руските окупатори постепено го зголемуваат своето присуство во Мариупол. Центарот за проучување на окупацијата нагласува дека ова е план за трансформирање на градот во главна и полноправна логистичка и воена база не само за стоки туку и за опрема и персонал, со широка мрежа на паркинзи, бази за поправка и точки на трајно и привремено распоредување персонал. Ова е олеснето и со развојот на железничките и пристанишните врски што ги спроведуваат окупаторските власти“, се вели во соопштението на градскиот совет на Мариупол.
Европа
Знамиња со кукасти крстови се појавија во Стокхолм на роденденот на Хитлер, полицијата почна истрага

Три нацистички знамиња со кукасти крстови беа поставени на влезот на автопат во областа Есингеледен во Стокхолм, главниот град на Шведска, на 20 април, на роденденот на Адолф Хитлер.
Портпаролот на полицијата во Стокхолм, Матс Ериксон, изјави дека започнале истрага за злосторство од омраза.
Ериксон нагласи дека не е соодветно да се случуваат такви работи во Шведска. Тој посочи дека на влезовите на автопатите често се појавуваат транспаренти со политички пораки.
„Конкретно активистите споделуваат политички пораки бидејќи тука има густ сообраќај. Не е убаво да се споделуваат такви пораки“, рече Ериксон.
Тој додаде дека нацистичкото знаме најверојатно било поставено за да го одбележи роденденот на нацистичкиот диктатор Адолф Хитлер, кој е роден на 20 април.