Свет
Новинарот што го откри „Вотергејт“ во новата книга окрива детали за мачниот живот со Трамп во Белата куќа
Боб Вудворд, еден од двајцата американски новинари што го открија скандалот „Вотергејт“, кој доведе до оставка на тогашниот претседател Ричард Никсон, во својата најнова книга го анализира владеењето на претседателот Доналд Трамп.
Книгата „Страв: Трамп во Белата куќа“, која ќе излезе на 11 септември, открива детали
без преседан за мачниот жоивот во Белата куќа со Доналд Трамп и начинот на кој претседателот носи одлуки за важни теми од домашната и надворешната политика, соопшти издавачката куќа „Сајмон и Шустер“.
Трамповото претседателствување за помалку од две години го одбележаа многубројни смени на високи функционери, скандали со непотребни трошоци и дилемата за евентуалното руско мешање во предизборната кампања.
Симболите на истражувачкото новинарство, Вудворд и Карл Бернстајн, во 1972 година, работејќи за „Вашингтон пост“, открија серија скандали поврзани со аферата „Вотергејт“ по што во август 1974 година Никсон поднесе оставка.
Вудворд, кој сега има 75 години, и понатаму е дел од редакцијата на „Вашингтон пост“, а книгата за Трамп е последната во низата негови дела за американските претседатели.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Силен земјотрес во Русија
Земјотрес со јачина од 6,3 степени според Рихтеровата скала денеска ја погоди областа во близина на источниот брег на руската област Камчатка, соопшти германскиот истражувачки центар за геонауки (ГФЗ).
Земјотресот се случил на длабочина од 10 километри, соопшти ГФЗ, пренесе „Ројтерс“.
Засега нема информации за евентуални жртви или причинета материјална штета.
Свет
„Макрон сакаше да страдаме поради Брегзит“ – Борис Џонсон со експлозивни тврдења во неговите мемоари
Францускиот претседател, Емануел Макрон, се обиде да ја натера Британија да страда поради напуштањето на Европската унија, напиша поранешниот британски премиер Борис Џонсон во своите нови мемоари.
Во најновиот извадок од неговите мемоари „Oслободен“, Џонсон го обвини францускиот претседател дека ја користел нередовната миграција како „оружје“ за да го поткопа Брегзит, објави „Политико“.
Тој рече дека Макрон изгледал подготвен да замижи пред бандите кои шверцуваат луѓе преку Каналот и тврди дека францускиот лидер го гледал Брегзит како „ужасно навредлив потег за ЕУ и неговиот поглед на светот“.
Двајцата лидери имаа ладен однос кога Џонсон беше на функцијата, со остри несогласувања околу Брегзит, војната во Украина и правата за риболов, меѓу другите прашања.
Свет
Путин потпиша указ со кој повика 133.000 Руси на задолжителна воена служба
Рускиот претседател Владимир Путин потпиша указ со кој се повикуваат 133.000 Руси на задолжителна воена служба оваа есен, според веб-страницата за правни информации.
Во уредбата се наведува дека граѓаните на возраст помеѓу 18 и 30 години, кои ги исполнуваат условите за воена служба и не се во резервни единици, се поканети да бидат регрутирани од 1 октомври до 31 декември.
Уредбата ги иззема војниците, кои веќе ја отслужиле воената служба, пренесе ТАСС.
Генералштабот на руските вооружени сили нагласи дека оние што ќе бидат регрутирани оваа есен нема да учествуваат во војната во Украина.