Европа
Нови жаришта на коронавирус во Италија, расте бројот на заразени

Во Италија бројот на нови случаи заразени од коронавирусот повторно расте и, според најновите податоци, тој се зголемил повеќе од 300 првпат во последниот месец, а и во целата земја се идентификувани нови жаришта.
Според италијанските медиуми, бил откриен кластер во регионот Молисе, каде што биле заразени седум лица од Венецуела, од кои пет пристигнале во Кампобасо од Србија.
Пред неколку недели половина од италијанските региони беа без нови случаи на Ковид-19, а сега само долината на Аоста е без нови случаи на коронавирус.
Првпат од 18 јуни бројот на нови случаи на дневна основа надмина 300 и изнесува 306, а само два дена порано имаше 129.
Меѓу новите жаришта е Тренто, каде што се пријавени десетици случаи, а вирусот е идентификуван и во старски дом во Болоња, каде што има 15 позитивни случаи.
Италијанската влада планира да ја продолжи вонредната состојба до 31 октомври, а регионалните претседатели размислуваат за нови мерки за да се спречи ширењето на вирусот Ковид-19, кои првенствено ќе се однесуваат на вечерни излегувања и собири на луѓе.
Во Италија досега со Ковид-19 се заразени 245.338 лица, од кои 12.404 се активни случаи, а 35.092 починале како резултат на вирусот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Кремљ: Договорен распоредот за разговорите Путин – Трамп, ќе има и прес-конференција

Договорен е распоредот за разговорите меѓу американскиот претседател Доналд Трамп и рускиот претседател Владимир Путин, изјави советникот на Кремљ, Јуриј Ушаков.
Тој рече дека тоа ќе биде приватна средба, со преведувачи, за време на која ќе се дискутираат чувствителни прашања.
Централна тема на состанокот ќе биде решавањето на кризата во Украина, но двајцата лидери ќе разговараат и за трговската и за економската соработка, рече Ушаков.
Средбата ќе почне во 11.30 часот по локално време, а времетраењето на разговорите ќе зависи од тоа како ќе се одвива дискусијата, рече Ушаков.
На крајот од самитот двајцата ќе одржат заедничка прес-конференција. Трамп и Путин ќе имаат и поширок состанок со делегациите и работен појадок, објави „Скај њуз“.
Европа
(Видео) Зеленски пристигна на средбата со британскиот премиер

Украинскиот претседател Володимир Зеленски пристигна на Даунинг стрит, каде што беше пречекан од британскиот премиер Кир Стармер, објави „Скај њуз“.
Даунинг стрит не даде многу детали за темите на нивните разговори, но средбата се случува само еден ден пред американскиот претседател Доналд Трамп да се сретне со рускиот претседател Владимир Путин на Алјаска за да разговараат за прекин на огнот во Украина.
BREAKING: Volodymyr Zelenskyy arrives at Downing Street and is greeted by Sir Keir Starmer.
The meeting comes just a day before Donald Trump meets Vladimir Putin in Alaska to discuss a ceasefire in Ukraine.https://t.co/rrfAtUSjPC
📺 Sky 501 and YouTube pic.twitter.com/tk9jzCellw
— Sky News (@SkyNews) August 14, 2025
Двајцата мажи се прегрнаа и се ракуваа игнорирајќи ги прашањата од новинарите пред да влезат внатре, објави „Скај њуз“.
фото: принтскрин
Европа
(Видео) Балон на топол воздух се урна во Холандија: еден загинат, петмина повредени

Едно лице загина, а петмина се повредени кога балон на топол воздух се урна на ливада во северната холандска покраина Фрисланд доцна синоќа, соопштија локалните власти. Балонот превезувал 34 патници.
„Балонот на топол воздух одеднаш падна околу 21 часот и силно удри на земјата“, соопштија властите на Фрисланд додавајќи дека полицијата почнала истрага за несреќата.
Портпаролот на Кралското холандско воздухопловно здружение изјави за локалните медиуми дека ненадеен налет на ветер предизвикал балонот силно да удри на земјата предизвикувајќи корпата да отскокне и исфрлајќи пет лица од него.