Свет
Нов Зеланд ги удвојува трошоците за одбрана

Нов Зеланд соопшти дека ќе ги зголеми трошоците за одбрана за речиси 4,5 милијарди евра во следните четири години со цел речиси двојно да ги зголеми трошоците до 2 отсто од БДП во следните осум години во услови на зголемени тензии во светот.
Детали за зголемувањето на трошоците ги објави премиерот Кристофер Луксон, кој повика на повеќе трошоци за одбраната за да се обезбеди просперитет.
„Нов Зеланд и нашите сојузници и партнери во светот повеќе не се во бенигна средина“, рече тој на прес-конференцијата, на која го објави планот за одбранбена способност.
„Мојот примарен фокус е економијата на оваа земја. Сепак, не може да има просперитет без безбедност, а одбраната е витална компонента на таа слика“.
Планот за одбранбена способност предвидува ново финансирање од 9 милијарди новозеландски долари во следните четири години за зајакнување на одбранбените способности. Станува збор за дополнителни средства над основната потрошувачка, што ќе биде објавена во мај.
Првиот преглед на националната безбедност на Нов Зеланд во 2023 година повика на повеќе воени трошоци и посилни врски со индо-пацифичките нации за справување со климатските промени и стратешката конкуренција меѓу Западот, Кина и Русија.
Одбранбените сили на Нов Зеланд се борат со системско недоволно финансирање во изминатите неколку децении, кое сега изнесува нешто повеќе од еден процент од БДП.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Италијанската полиција фати Албанец со над 27 килограми кокаин

Италијанската полиција уапси 47-годишен албански државјанин, откако во автомобилот му биле пронајдени 27,6 килограми кокаин.
Дрогата била скриена во посебен простор под предните седишта на возилото.
Покарај кокаинот, полицијата го конфискува и возилото, а приведениот е однесен во притвор во затворот во Катанија.
Според албанските медиуми во италијанските затвори се наоѓаат над 2.000 албански државјани, осудени главно за трговија со дрога.
Свет
Албанија продолжува со рекордни бројки на странски туристи

Албанија продолжува со рекордни бројки на странски туристи, која во периодот јануари – август ја посетиле околу девет милиони.
Албанскиот Институт за статистика објави податоци што потврдуваат дека влезот на странски државјани е за 5,2 отсто поголем ако се спореди со истиот период пред една година, кога беа регистрирани вкупно 8,5 милиони странски државјани.
Само во август бројот на странски државјани кои влегле на албанска територија е 2,3 милиони, што е зголемување од 9,9 отсто, во споредба со истиот месец минатата година.
Албанската економија имаше корист од странските туристи од 2,1 милијарди евра за само шест месеци, до кога ја посетиле 4,76 милиони странци. Овие бројки потврдуваат дека 2025 година ќе биде уште пооптимистичка во однос на туризмот во земјата, додека приходите се очекува да се зголемат за околу 7,7 отсто во споредба со лани.
Се очекува приливот на туристи да продолжи и есенва, со што ќе се продолжи туристичката сезона во земјата. Туроператорите известуваат дека резервациите се високи и за септември и за октомври.
Минатата година Албанија ја посетиле над 11,7 милиони туристи или 15,2 отсто повеќе од претходната година. Очекувањата за годинава се над 12 милиони туристи.
Свет
Жена убиена на свадба во центарот на Шибеник, ја погодила ракета

Жена е повредена кога пиротехничко средство – сигнална ракета – било испукано во близина на катедралата „Свети Јаков“ во Шибеник синоќа, и починала од повредите во болница, соопшти хрватската полиција.
Во соопштението од полициската управа Шибеник-Книн се додава дека е уапсен 52-годишен маж, пренесува Хина. Во тек е кривична истрага, соопшти полицијата.
Хрватските медиуми неофицијално известуваат дека несреќата се случила за време на свадбена прослава, кога осомничениот испукал ракета.